სიახლეები და ღონისძიებები

სიახლეები

ესტონელი სტუმრები

12 Apr 2019

11 აპრილს “ევროპულ ბაღს“ ესტონელი საბავშვო ბაღის მენეჯერები და მასწავლებლები ეწვივნენ. სტუმრებმა დაათვალიერეს “ევროპული ბაღი“ და “ევროპული სკოლა.“ დაესწრნენ რამდენიმე აქტივობას და აზრები გაუზიარეს ერთმანეთს. უცხოელი მენეჯერსბისთვის ძალიან საინტერესო და შთამბეჭდავი აღმოჩნდა ვიზიტი.

გამოფენა “როგორ მუშაობს სამყარო“

06 Apr 2019

4 აპრილს “ევროპულ ბაღში“ გამოფენა მოეწყო სახელწოდებით “როგორ მუშაობს სამყარო.“ ექსპოზიციის შექმნაში მონაწილეობა ბავშვებისთვის ძალიან საინტერესო და სახალისო აღმოჩნდა. მათ ბევრი რამ შეიტყვეს ცხოველთა და ფრინველთა სამყაროს, მწერების, ამფიბიების შესახებ. პატარებმა საკუთარი ნამუშევრები მშობლებსა და ოჯახის წევრებს გააცნეს.

დაუნის სინდრომის დღე “ევროპულ საბავშვო ბაღში“

22 Mar 2019

21 მარტს “ევროპული საბავშვო ბაღიც“ შეუერთდა დაუნის სინდრომის საერთაშორისო დღის აღნიშვნას. ბავშვებმა მოისმინეს ფსიქოლოგის პრეზენტაცია და ამომწურავად მიიღეს პასუხები მათთვის საინტერესო შეკითხვებზე, ასევე სიმბოლურად მოხატეს წინდები.

ტყის საერთაშორისო დღე

22 Mar 2019

“ევროპულ საბავშვო ბაღში“ პატარებმა დიდი ხალისით აღნიშნეს ტყის საერთაშორისო დღე და ჯგუფურად შექმნეს ხელნაკეთი აპლიკაცია. აღმზრდელებთან ერთად ისაუბრეს ტყის მნიშვნელობაზე და ხეები მორთეს, როგორც სულიერი არსებები. ბავშვებს თავი ტყეში, რომ ეგრძნოთ პარაბოლური მიკროფონით მოისმინეს ფრინველების ხმა. უსახლკარო ჩიტებს კი ბუდე დაუდეს საბავშვო ბაღის ეზოში.

ტრენინგი “პოზიტიური კომუნიკაციის საფუძვლები“

01 Mar 2019

23 თებერვალს “ევროპული ბაღის“ მასწავლებლებმა გაიარეს ტრენინგი “პოზიტიური კომუნიკაციის საფუძვლები.“ ტრენინგი მიზნად ისახავდა მოსწავლეებთან ეფექტურ კომუნიკაციას.

თბილისის ზოოპარკის დირექტორის სტუმრობა

20 Feb 2019

დღეს ”ევროპული ბაღის” აღსაზრდელებმა უმასპინძლეს თბილისის ზოოპარკის დირექტორს, ბატონ ზურაბ გურიელიძეს.ბავშვები ამჯამად გადიან თემას:”როგორ მუშაობს სამყარო?”, რომელიც მოიცავს საკითხებს ცხოველთა და ფრინველთა შესახებ. აქედან გამომდინარე, პატარებს უამრავი კითხვა ჰქონდათ ბატონ ზურასთან: რატომ აქვს სპილოს დიდი ყურები, ჟირაფს -გრძელი კისერი, ვეფხვს-ზოლები? რატომ არის დელფინი ადამიანის მეგობარი? როგორ სძინავს ჟირაფს? ამ და სხვა შეკითხვებზე მათ ძალიან საინტერესო პასუხები მიიღეს.

ჩემი სხეული

01 Feb 2019

31 იანვარს ”ევროპულ ბაღში”გაიმართა პრეზენტაცია თემაზე: "ჩემი სხეული". ბავშვებმა მოწვეულ მშობლებს წარუდგინეს აღნიშნულ თემატიკაზე შექმნილი ნამუშევრები და ჩართეს ისინი სხვადასხვა საინტერესო აქტივობაში.

საახალწლო წარმოდგენა “მაკნატუნა”

26 Dec 2018

26 დეკემბერს ევროპული ბაღის პატარა მაკნატუნებმა მათ მშობლებსა და მასწავლებლებს ჯადოსნური წარმოდგენით მიულოცეს შობა-ახალი წელი.  სტუმრად თოვლის ბაბუაც გვეწვია. პატარებმა ბევრი იმღერეს, იცეკვეს და იმხიარულეს.

საახალწლო ზეიმი "მაკნატუნა ფართი"

23 Dec 2018

შაბათს, 22 დეკემბერს, გაიმართა ევროპული ბაღის გამოსაშვები ჯგუფების საახალწლო ზეიმი "მაკნატუნა ფართი" . არაჩვეულებრივი სანახაობა მოაწყვეს მაკნატუნების ფორმებში გამოწყობილმა პატარებმა. მათ იცეკვეს სპექტაკლის გათანამედროვებულ მუსიკალურ მოტივებზე, იმღერეს საახალწლო სიმღერები და ზღაპრული განწყობა შეუქმნეს დამსწრე საზოგადოებას.

მხიარული სტარტები

01 Dec 2018

პარასკევს, 30 ნოემბერს, ჩვენს ბაღში გავაცილეთ შემოდგომა და მხიარული სტარტებით შევეგებეთ ზამთარს. ბავშვებმა მონაწილეობა მიიღეს სხვადასხვა სპორტულ შეჯიბრებებში და ძალიან იმხიარულეს. პატარებმა კარგი სპორტული მზაობა აჩვენეს და თავი არ დაუზოგავთ გამარჯვებისათვის.

ტრენინგი რთული ქცევის მართვაში

11 Nov 2018

9-10 ნოემბერს ჩვენი ბაღის მასწავლებლებმა გაიარეს ტრენინგი სახელწოდებით "რთული ქცევის მართვა". ამ ტრენინგზე მათ შეისწავლეს დამატებითი ტექნიკები და სტრატეგიები პრობლემური ქცევის პრევენციისა და მართვისათვის, რაც სამომავლოდ დაეხმარებათ უკეთ აკონტროლონ სასწავლო პროცესის ეფექტური მიმდინარეობა.

პატარების პრეზენტაცია მშობლებისათვის

02 Nov 2018

პარასკევს,2 ნოემბერს,ევროპულ ბაღში მოვაწყვეთ გავლილი მასალის პრეზენტაცია-გამოფენა. ბავშვებმა დედიკოებს და მამიკოებს დაათვალიერებინეს თავიანთი ნამუშევრები სხვადასხვა თემაზე,ასევე დააგემოვნებინეს საკუთარი ხელით დამზადებული ორცხობილები,ჩურჩხელები და ვაშლის ჯემი.