Duke University ევროპულ სკოლაში

17 სექტემბერს ევროპულ სკოლაში განსაკუთრებით საპატიო სტუმრები გვეწვივნენ: ა.შ.შ.-ს ერთ-ერთი ყველაზე პრესტიჟული Duke University-ს მიღების სამსახურის თავმჯდომარის მოადგილე Anne Sjostrom და Duke Kunshan University-ის წარმომადგენელი Jennifer Bailey.
Duke University ა.შ.შ.-ს უნივერსიტეტებში მე-8 ადგილს იკავებს US News-ის რეიტინგის მიხედვით.
სტუმრებს მეგზურობა ჩვენმა წარმატებულმა კურსდამთავრებულმა გაუწია და გააცნო ევროპული სკოლის ინფრასტრუქტურა და ახლადგახსნილი ინოვაციური STEM ლაბორატორია FabLab. ამის შემდეგ, მათ მოსწავლეებს ჩაუტარეს პრეზენტაცია, სადაც განიხილეს Duke-ის უნივერსიტეტის ისტორია, კულტურა და მისი მიღწევები კვლევით სფეროში. ევროპული სკოლის მოსწავლეებმა მიიღეს კონკრეტული რჩევები, თუ რა კრიტერიუმებს ანიჭებენ ისინი პრიორიტეტს მსოფლიოში ერთ-ერთ ტოპ უნივერსიტეტში ათასობით მსურველიდან მათი მომავალი სტუდენტების ასარჩევად.
მოხარულები ვართ, რომ ყოველი ასეთი მნიშვნელოვანი ვიზიტის შემდეგ ევროპული სკოლის მოსწავლეები უფრო მეტად კონკურენტუნარიანი აპლიკანტები ხდებიან მსოფლიოს საუკეთესო უნივერსიტეტებში მოსახვედრად.

Share on: