სიახლეები და ღონისძიებები

სიახლეები

ტრენინგი რთული ქცევის მართვაში

11 Nov 2018

9-10 ნოემბერს ჩვენი ბაღის მასწავლებლებმა გაიარეს ტრენინგი სახელწოდებით "რთული ქცევის მართვა". ამ ტრენინგზე მათ შეისწავლეს დამატებითი ტექნიკები და სტრატეგიები პრობლემური ქცევის პრევენციისა და მართვისათვის, რაც სამომავლოდ დაეხმარებათ უკეთ აკონტროლონ სასწავლო პროცესის ეფექტური მიმდინარეობა.

პატარების პრეზენტაცია მშობლებისათვის

02 Nov 2018

პარასკევს,2 ნოემბერს,ევროპულ ბაღში მოვაწყვეთ გავლილი მასალის პრეზენტაცია-გამოფენა. ბავშვებმა დედიკოებს და მამიკოებს დაათვალიერებინეს თავიანთი ნამუშევრები სხვადასხვა თემაზე,ასევე დააგემოვნებინეს საკუთარი ხელით დამზადებული ორცხობილები,ჩურჩხელები და ვაშლის ჯემი.

სახალისო ქიმიური ექსპერიმენტები ჩვენს ბაღში

26 Oct 2018

ჩვენი ბაღის ქართული სექტორის მოსამზადებელი ჯგუფის ბავშვებს დღეს ჯადოსნური დღე ჰქონდათ. პროფესიების თემასთან დაკავშირებით, ქიმიის გასაოცარ სამყაროში მათი მეგზურები იყვნენ ჩვენი მოსწავლის, ალექსანდრე ღლონტის დედა, სოფო ფაცაცია და თეა სიხარულიძე. მათ ნამდვილი ჯადოქრობები აჩვენეს ბავშვებს ქიმიური ექსპერიმენტების სახით: პატარებმა ნახეს, თუ როგორ დიდდება და იღებს სხვადასხვა ფორმას ციცქნა აბი, როგორ მზადდება ლიმონათი, როგორ იფრქვევა ვულკანი და იხილეს სხვადასხვა ფერის "სპილოს კბილის პასტა”. ბოლოს კი, დიდი სიხარულითა და მხიარულებით გაეხვივნენ მშრალი ყინულის კვამლში.

ხელების დაბანის საერთაშორისო დღე - ვსწავლობთ სუფთა ხელების მნიშვნელობას

16 Oct 2018

15 ოქტომბერს, ევროპული ბაღი შეუერთდა ხელების დაბანის საერთაშორისო დღეს. ჩვენმა ბავშვებმა კიდევ ერთხელ მიიღეს ინფორმაცია ხელების დაბანის მნიშვნელობაზე და ამ თემაზე შექმნილი საინტერესო ნამუშევრების გამოფენა მოაწყვეს. ბაღს სტუმრად ეწვია თოჯინა"წყლის წვეთი", რომელმაც კიდევ უფრო გაახალისა ეს დღე. ბოლოს, პატარები ერთმანეთს შეეჯიბრნენ ხელების სწრაფად დაბანაში და გამარჯვებული ჯგუფიც გამოვავლინეთ.

ჩვენი ბაღის მასწავლებლები ტრენინგზე "ვისწავლოთ თამაშით"

14 Oct 2018

13-14 ოქტომბერს, ბავშვთა განვითარების ინსტიტუტში ევროპული ბაღის თანამშრომლებისთვის ჩატარდა ტრენინგი "ვისწავლოთ თამაშით - თამაშის როლი ბავშვის განვითარებაში". ტრენინგი მიზნად ისახავდა დაეხმაროს მასწავლებლებს კიდევ უფრო სახალისო, მრავალფეროვანი და ბავშვებისათვის საინტერესო გახადონ გაკვეთილები.

ჯანსაღი კვების სახალისო გაკვეთილი შეფ-მზარეულისაგან

05 Oct 2018

ჩვენი ბაღის მოსწავლეებში ჯანსაღი კვების ჩვევების გამომუშავებაზე ევროპული სკოლის შეფ-მზარეულ გიორგისთან ერთად ვმუშაობთ. გიორგი პატარებს ესაუბრა ყოველდღიურ რაციონში ხილ-ბოსტნეულის ჩართვის აუცილებლობასა და მათ სასარგებლო თვისებებზე. ბავშვები დიდი ინტერესით უსმენდნენ მის რჩევებს და აქტიურად უსვამდნენ კითხვებს. ამის შემდეგ, გიორგიმ პატარებთან ერთად ხილისა და ბოსტნეულისაგან სხვადასხვა სახალისო კომპოზიციები შექმნა, რომელთაც მათი დიდი მოწონება დაიმსახურეს. შეხვედრის დასასრულს, მათ ერთად დააგემოვნეს ჯანსაღი და გემრიელი ნამუშევრები. ბავშვებმა ერთხმად გადაწყვიტეს, რომ დღეიდან უფრო ხშირად მიირთმევენ ხილსა და ბოსტნეულს.

სწავლის პირველი დღე ევროპული სკოლის ბაღში, 2018-2019

10 Sep 2018

10 სექტემბერს ჩვენს საბავშვო ბაღში ახალი სასწავლო წლის დაწყება აღვნიშნეთ. ევროპული ბაღის ფერადი ოთახები ყველაზე საყვარელი და მხიარული პატარების ჟრიამულმა აავსო. ეს დღე განსაკუთრებით ემოციური და მნიშვნელოვანი იყო იმ ბავშვებისა და მათი მშობლებისათვის, რომელთაც წელს პირველად შეაღეს საბავშვო ბაღის კარი. გპირდებით კიდევ უფრო სახალისო აქტივობებითა და სასიამოვნო სიურპრიზებით დატვირთულ 2018-2019 წელს!

ევროპული ბაღის გამოსაშვები საღამო 2018 წ

18 Jun 2018

16 ივნისს, "ევროპული ბაღის" ჩატარდა დიპლომების გადაცემის ცერემონიალი​. ბავშვებმა წარმოადგინეს სიმღერები ქართულ, რუსულ და ინგლისურ ენებზე, შეასრულეს ცეკვები. ზეიმის ბოლოს ბავშვებს გადაეცათ დიპლომები.

ევროპული საბავშო ბაღის დამთავრების ცერემონიალი 2018

12 Jun 2018

ბავშვებმა წარმოადგინეს სიმღერები ქართულ, რუსულ და ინგლისურ ენებზე, შეასრულეს ცეკვები. ზეიმის ბოლოს ბავშვებს გადაეცათ დიპლომები.

“ევროპული ბაღი“ ბავშვთა დაცვის საერთაშორისო დღეს აღნიშნავს

01 Jun 2018

2018 წლის 1 ივნისს “ევროპულმა ბაღმა“ ბავშვთა დაცვის საერთაშორისო დღე აღნიშნა. ბავშვებმა მონაწილეობა მიიღეს სხვადასხვა სპორტულ აქტივობაში, დაესწრნენ თოჯინების თეატრის წარმოდგენას და ისაუბრეს ბავშვთა დაცვის საერთაშორისო დღის მნიშვნელობაზე.

საქართველოს დამოუკიდებლობის დღე

26 May 2018

26 მაისს საქართველო დამოუკიდებლობის 100 წლის იუბილეს აღნიშნავს.ბავშვებმა გააფერადეს საქართველოს დემოკრატიული რესპუბლიკის დროშა და საქართველოს სახელმწიფო დროშა, ,მოუსმინეს ჰიმნს და გადაიღეს სამახსოვრო ფოტოები.

“ფიფქია და ათი ჯუჯა“ ევროპულ საბავშვო ბაღში

24 May 2018

2018 წლის 23 მაისს, “ევროპულ საბავშვო ბაღში“ ინგლისურენოვან “სანი“ ჯგუფში (3-4 წლიანების ჯგუფი) ჩატარდა თეატრალური დადგმა სახელწოდებით “ფიფქია და ათი ჯუჯა.“ ფორმაში გამოწყობილმა პატარებმა წარმოადგინეს ის მასალა, რომელიც წლის განმავლობაში შეისწავლეს.