საუნივერსიტეტო განათლების ოფისი

საერთაშორისო საუნივერსიტეტო განათლების მრჩეველი

სკოლის 2019 წლის კურსდამთავრებულებმა საუნივერსიტეტო ორიენტაციის სამსახურის დახმარებით “ევროპული სკოლისთვის“ უპრეცედენტო ოდენობის დაფინანსება – 1,428,605 USD მოიპოვეს.
საუნივერსიტეტო ორიენტაციის სამსახური წარმატებით აგრძელებს სტუდენტების მზადებას უმაღლესი განათლებისა და სამომავლო კარიერისთვის.
მსოფლიოს წამყვანი უნივერსიტეტების წარმომადგენელთა ვიზიტები (Yale University, Columbia University, Duke University, Brandeis University, Northeastern University) “ევროპულ სკოლაში“, NACAC (National Association for College Admission Counseling)-ის წევრობა, ინტენსიური ინდივიდუალური და ჯგუფური შეხვედრები მრჩეველთან და Council of International Schools (CIS) – ის მდიდარ გამოცდილებაზე და რესურზებზე წვდომა სამსახურს საშუალებას აძლევს, ყოველდღიურად გააუმჯობესოს შედეგები და მნიშვნელოვანი როლი ითამაშოს სკოლის კურსდამთავრებულთა წარმატებაში.

საუნივერსიტეტო ორიენტაციის საკითხებში კონსულტაციის სამსახური მოწოდებულია,   მოსწავლეებმა და მათმა მშობლებმა  მიიღონ ინფორმირებული გადაწყვეტილება საზღვარგარეთ სწავლის თაობაზე. ჩვენი მიზანია, დავეხმაროთ მოსწავლეებს შეარჩიონ ისეთი უნივერსიტეტები, რომელიც ერგება მათ ინტერესებს, ამბიციებს, მისწრაფებებს, აზროვნებას, დამოკიდებულებებს, შეესაბამება ოჯახის ფინანსურ ბიუჯეტს, მოსწავლის აკადემიურ მიღწევებს და ლიდერულ პოტენციალს.  მოსწავლისთვის რჩევის მიცემისას გათვალისწინებული იქნება მრავალი მოქმედი ფაქტორი, რის საფუძველზეც მოხდება  ოპტიმალური საბოლოო გადწყვეტილების მიღება.

მე 9-12 კლასის მოსწავლეთა და მათი მშობლების დახმარება მოხდება შემდეგი მიმართულებით:

მოსწავლეთა წახალისება აკადემიური წარმატებისა და მაღალი სტანდარტების მიღწევაში ინდივიდუალურ შესაძლებლობებზე დაყრდნობით;

დახმარება კლასგარეშე აქტივობების კუთხით;

ინდივიდუალური შეხვედრები მოსწავლეებთან და მათ მშობლებთან სააპლიკაციო პერიოდის გეგმის შესამუშავებლად;

უნივერსიტეტების მიერ მოთხოვნადი სტანდარტული ტესტების შესახებ ინფორმაციის მიწოდება;

საინფორმაციო შეხვედრების ორგანიზება უნივერსიტეტების და პროგრამების შერჩევის მიზნით;

საფუძვლიანი დახმარება სააპლიკაციო პროცესში;

ვორქშოფების და ინდივიდუალური შეხვედრების მოწყობა პერსონალური ესეების, პირადი განაცხადების და დამატებითი მოთხოვნილი წერილების დასაწერად;

ვორქშოფების სერიის მოწყობა საუნივერსიტეტო კარიერის დასაგეგმად (თებერვალ-ივნისში).

 

საქართველოს საუნივერსიტეტო განათლების მრჩეველი

ჩვენი მიზანია  კურსდამთავრებულებმა სწორად აირჩიონ მომავალი პროფესია და სწორად დაგეგმონ განათლების მიღების მომდევნო ეტაპი. ამისათვის ჩვენ სკოლაში სხვადასხვა სახის ღონისძიებას მივმართავთ:

  • ვიწვევთ სკოლაში მოსწავლეებისთვის  საინტერესო ადამიანებს, რომლებიც წარმატებული არიან თავიანთ  პროფესიაში;
  • ვთანამშრომლობთ სხვადასხვა უნივერსიტეტთან, ვიწვევთ სკოლაში და ვაძლევთ საშუალებას ჩაატარონ საინტერესო პრეზენტაციები, გააცნონ ის დისციპლინები  და საგნები, რომლებსაც ამა თუ იმ ფაკულტეტზე ასწავლიან;
  • აბიტურიენტებს მუდმივად ვაწვდით ინფორმაციას ღია კარის დღეებსა, თუ სხვა საინფორმაციო ხასიათის შეხვედრების შესახებ, რომლებიც  მომავალი სტუდენტებისათვის იმართება უმაღლეს სასწავლებლებში;
  • განსაკუთრებულ დახმარებას ვუწევთ  გამოსაშვები გამოცდების (CAT)  ჩაბარებაში: ვატარებთ დამატებით მეცადინეობებს, პრეტესტებს;
  • ვთავაზობთ მე-12 კლასელებს აბიტურს სხვადასხვა საგანში;
  • 12 კლასის მეორე სემესტრში ვთავაზობთ გაიარონ მოსამზადებელი კურსი ზოგადი უნარების გამოცდისთვის;
  • შექმნილი გვაქვს  ტესტების ელექტრონული ბაზა საგამოცდო საგნებში.

ტრადიციად იქცა უფროსკლასელებისა და  ჩვენი კურსდამთავრებულების შეხვედრები ყოველი წლის დეკემბერში, სადაც უფროსი მეგობრები უზიარებენ  თავიანთ გამოცდილებას და ხედვას სკოლის შემდგომი პერიოდის შესახებ  უმცროს მეგობრებს.

 

მრჩეველი საუნივერსიტეტო
ორიენტაციის საკითხებში
გიორგი სიჭინავა
giorgi.sichinava@europeanschool.ge
საუნივერსიტეტო განათლების მრჩეველი
მაია გოგოლაძე
m.gogoladze@europeanschool.ge
საუნივერსიტეტო განათლების მრჩეველის ასისტენტი
მარიამ ღვამიჩავა
mariam.ghvamichava@europeanschool.ge

ჩვენი სტუდენტები

ნიკოლოზ გოზალიშვილი - ემორის უნივერსიტეტი, 2016

ჩემთვის ევროპულ სკოლში მოხდა გადამწყვეტი ცხოვრებისეული გამოცდილებისა და ხარისხიანი სწავლის იდეალური შერწყმა. ვფიქრობ, სწრაფვა შორეული მიზნების მიღწევისკენ და იმავდროულად ინტერესი, ვემსახურო საზოგადოებას, რომლის წევრიც ვარ, სკოლის გარემოდანვე იყო განსაზღვრული. სწორედ სკოლამ მომამზადა იმ აკადემიური და პირადი გამოწვევების დასაძლევად, რასაც უნივერსიტეტში შევეხე. არანაკლებ მნიშვნელოვანია, რომ სკოლაში ჩემი ცხოვრების მეგობრები შევიძინე. ამ გონებაგახსნილსა და ინტელექტუალ ადამიანებთან ურთიერთობა დამეხმარა, წარმატებული ვყოფილიყავი სხვადასხვა მიმართულებით. ევროპული სკოლის მადლიერი ვარ გაწეული მეგზურობისთვის. მჯერა, სკოლაში შეძენილი ღირებულებები, იდეები და აკადემიური უნარები ჩვენი სამომავლო მიღწევების წინაპირობაა.

კატო ბაქრაძე - იელის უნივერსიტეტი, 2017

არ არსებობს იელში მოხვედრის უნივერსალური რეცეპტი, თუმცა ვრცელია ჩამონათვალი იმ გამოცდილებებისა, რომლებიც მის უკან დგას. ევროპულმა სკოლამ მოახერხა მოსწავლეებისთვის ხელსაყრელი გარემოს შექმნა, რათა მათ შორეული მიზნები დაისახონ და საერთაშორისო ასპარეზზე მიაღწიონ წარმატებას. მე მოხარული ვარ, რომ მოსწავლეების მომზადება საუნივერსიტეტო ცხოვრებისთვის სკოლის ერთ-ერთი პრიორიტეტია.

ლაშა ბერიშვილი, თავისუფალი უნივერსიტეტი - სამართალმცოდნეობის ფაკულტეტი 2015

დღეს მე თავისუფალი უნივერსიტეტის სამართლის ფაკულტეტის სტუდენტი ვარ. ამ გადასახედიდან მეტი სიცხადით შემიძლია დავინახო ევროპულ სკოლაში გატარებული წლების მნიშვნელობა. იქ მე შევიძინე ცოდნის მიღების ინტერესი, ნასწავლის ცხოვრებაში გამოყენებისა და სხვებისთვის გაზიარების უნარი. ევროპულმა სკოლამ მომცა სირთულეების დანახვისა და შეფასების უნარი, მასწავლა ამ სირთულეების გადალახვა. მე აქ გავიგე, რომ ადამიანი მარტო არ არის, რომ ნებისმიერი მიზნის მიღწევა მეგობრებთან ერთდ უფრო დიდი ბედნიერებაა. ლაშა ბერიშვილს მიღებული აქვს 100%-იანი სახელმწიფო გრანტი.

ანა გვერდწითელი, სან დიეგოს უნივერსიტეტი - კომპიუტერულ მეცნიერებათა ფაკულტეტი 2015

ევროპულმა სკოლამ მომცა სწორედ ის განათლება, რომელიც კონკურენტუნარიანს მხდის თანამედროვე რეალობაში, მომცა დაფინანსება, რომ მესწავლა სანდიეგოს სახელმწიფო უნივერსიტეტში საქართველოში. ევროპულ სკოლაში იყო საქმიანი, თბილი და ამავე დროს მკაცრი გარემო, რამაც მიმაჩვია შრომას და განმივითარა მიზანდასახულობა.