ვიკი-კემპი “ევროპულ სკოლაში“

2018 წლის 19 მაისს, “ევროპულმა სკოლამ“ კიდევ ერთხელ უმასპინძლა “ნორჩ ისტორიკოსთა სკოლის“ ერთდღიან ვიკი-ბანაკს. რესპუბლიკის სხვადასხვა სკოლის მოსწავლეებთან ერთად ბანაკის მუშაობაში ჩვენი სკოლის მოსწავლეებიც მონაწილეობდნენ.

ვიკი-ბანაკი ისტორიის მასწავლებელთა საქართველოს ასოციაციის და მისი ვიცე-პრეზიდენტის, ევროპული სკოლის ისტორიის მასწავლებლის, მანანა შეყილაძის ორგანიზებით ჩატარდა.

ერთ დღეში 17-მა მოსწავლემ ქართულ ვიკიპედიაში 300 სტატია ატვირთა ოკუპირებული ცხინვალისა და ქარელის მუნიციპალიტეტების ტერიტორიაზე არსებული კულტურული მემკვიდრეობის ძეგლების შესახებ.

პროექტის ფარგლებში მოსწავლეებმა ატვირთეს:

აფხაზეთი – 176 ძეგლი

შიდა ქართლი – 153 ძეგლი

ახალგორი – 334 ძეგლი

ცხინვალი და ქარელი – 300 ძეგლი

მოსწავლეების აქტივობებიდან გამომდინარე, 2020 წელს იგეგმება “ვიკიმედია ჯორჯიას“ დაარსება.

ვიკი-ბანაკის მონაწილეებს სკოლის პედაგოგმა, დავით ნოზაძემ მეორედ ჩაუტარა ტრენინგი თემაზე “როგორ დავიტანოთ კულტურული მემკვიდრეობის ძეგლები Google Map”-ზე.

Share on: