გაზაფხულის მოსვლა და დედის დღე ერთად აღნიშნეს I-ბ კლასის მოსწავლეებმა. პატარებმა სიმღერით, ცეკვით, და დედისადმი მიძღვნილი ლამაზი ფრაზებით გაუთბეს გული დამსწრე საზოგადოებას.

1, 2 და 3 მარტს QSI Tbilisi -ის ორგანიზებით ფეხბურთის ჩემპიონატი TIFA Cup გაიმართა, რომელშიც სხვდასხვა სკოლებთან ერთად “ევროპული სკოლის“ ქართული და საერთაშორისო (PYP) პროგრამების მოსწავლეებიც მონაწილეობდნენ. დაძაბულ ბრძოლაში “ევროპული სკოლის“ გუნდმა ჯგუფურ ეტაპზე პირველი ადგილი მოიპოვა.

1 მარტს საგანმანათლებლო პროექტის ფარგლებში “ევროპული სკოლის“ მოსწავლეებს ორი სასწავლო საიტი ხანის აკადემია (http://ka.khanacademy.org/) და Code.org (http://code.org/) წარუდგინეს. საგაკვეთილე პროცესში ხანის აკადემიისა და Code.org-ის დამხმარე მასალად გამოყენება სასარგებლოა, როგორც მოსწავლეებისთვის ასევე მასწავლებლებისთვის.

23 თებერვალს “ევროპული ბაღის“ მასწავლებლებმა გაიარეს ტრენინგი “პოზიტიური კომუნიკაციის საფუძვლები.“ ტრენინგი მიზნად ისახავდა მოსწავლეებთან ეფექტურ კომუნიკაციას.

“ევროპული სკოლის“ მოსწავლეები და “ეროვნული ბიბლიოთეკის“ დირექტორი გიორგი კეკელიძე ოკუპაციის ხაზთან მდებარე სოფლების: მერეთის და კოშკის მოსწავლეებს ესტუმრნენ და საჩუქრად კომპიუტერები და წიგნები გადასცეს. თანხის შესაგროვებლად მოსწავლეებმა საკუთარი ხელით შექმნილი ნივთებისა და ტკბილეულის გამოფენა-გაყიდვა მოაწყეს და საზღვრისპირა მცხოვრები თანატოლები გაახარეს.

27 თებერვალს დაწყებითი საფეხურის მოსწავლეებმა განსაკუთრებულად აღნიშნეს ოჯახის საერთაშორისო დღე. პირველი გაკვეთილები მშობლებს დაეთმოთ. სხვადასხვა პროფესიის ადამიანებმა პატარებს უშურველად გაუზიარეს საკუთარი გამოცდილება. დედებთან ერთად ბებიები და მამებიც იღებდნენ მონაწილეობას. საზეიმოდ მორთულ ბანერთან ოჯახის წევრებთან ერთად მოეწყო ფოტოსესია. ღონისძიება საფეხბურთო მოედანზე გაგრძელდა და მამებს შორის მეგობრული მატჩით დამთავრდა.

European School - ევროპული სკოლა აცხადებს მოსწავლეთა რეგისტრაციას 2019-2020 სასწავლო წლისთვის. დაწყებულია სწავლის მსურველთა განაცხადების მიღება შემდეგ პროგრამებზე: ● ქართული პროგრამა: I-XII კლასები ● საერთაშორისო ბაკალავრიატის (IB) პროგრამები: დაწყებითი პროგრამა (PYP); I-V კლასები საბაზო პროგრამა (MYP); VI-X კლასები სადიპლომო პროგრამა (DP); XI-XII კლასები ● ამერიკული უმაღლესი სკოლა (AHS); VIII-XII კლასები ● სკოლამდელი აღზრდის ცენტრი - “ევროპული ბაღი“ მშობლებს შეუძლიათ, ეწვიონ სკოლას ღია კარის დღეზე, 29 მარტს, 15:00 საათზე.

“ევროპულ სკოლაში“ 21 თებერვალს აღინიშნა მშობლიური ენის საერთაშორისო დღე. ღონისძიების ფარგლებში დაგეგმილმა მრავალფეროვანმა აქტივობებმა “ევროპული სკოლის“ მულტიკულტურულ საზოგადოებას მისცა შესაძლებლობა, აემაღლებინა ცნობიერება ენების კუთხით. გიორგი კეკელიძის ლექცია მშობლიური ენის მნიშვნელობაზე, ენების კუთხეები, პრეზენტაციები, 15 წუთიანი ენის კურსები ტოლერანტობისა და სხვათა პატივისცემის წახალისების საუკეთესო საშუალებად გადაიქცა.

14-16 თებერვალს საქართველოს, აზერბაიჯანის, სომხეთის საერთაშორისო სკოლების გუნდებმა მონაწილეობა მიიღეს QSI -ის მიერ ორგანიზებულ კალათბურთის ჩემპიონატში - SRAA Tbilisi Basketball Classic 2019. ”ევროპული სკოლის” მე-9-12 კლასის მოსწავლეთა გუნდმა ფინალში, New School-ის გუნდთან ერთი ქულით დამარცხების შემდეგ, მეორე ადგილი დაიკავა.