6 ივლისს “ევროპული სკოლა“ ამერიკის საელჩოს მიერ დამოუკიდებლობის დღის აღსანიშნავად გამართულ პიკნიკს დაესწრო. ღონისძიებაზე ამერიკული ტრადიციები გაცოცხლდა, წარმოდგენილი იყო პოპულარული ამერიკული კერძები და მუსიკა.

“ევროპული სკოლა“, პროექტით “მწვანე წელი“, “საქართველოს პასუხისმგებელი ბიზნესის კონკურსი - Meliora 2024”-ის ფინალისტი გახდა კატეგორიაში “მწვანე ინიციატივა“!

“ევროპული სკოლის“ თანამედროვე ცეკვების ანსამბლმა ,,ევროპელები“  სკოლის სცენაზე გრანდიოზული, შემაჯამებელი კონცერტი გამართეს, სადაც მაყურებლის წინაშე წარადგინეს მთელი წლის განამვლობაში მომზადებული სახალისო ცეკვები. კონცერტს თეატრალიზებული წარმოდგენის სახე ჰქონდა და მაყურებელის დიდი მოწონება დაიმსახურა. 

“ევროპული სკოლის“ ქართული პროგრამის X კლასის მოსწავლეები, ბავშვთა დაცვის საერთაშორისო დღესთან დაკავშირებით, ესტუმრენ ბავშვთა სახლ “საქართველოს კარიტასს“ და “საქართველოს SOS ბავშვთა სოფელს“ თბილისში (SOS kinder Dorf). ჩვენმა მოსწავლეებმა ბავშვებს საჩუქრად თანაკლასელის, ელენე კუჭუხიძის მიერ საკუთარი ბიზნესპროექტის ფარგლებში დამზადებული “ხე კადუს“ სათამაშოები გადასცეს.

ქართული ცეკვის ანსამბლი “ES ორნამენტი“ ცეკვით ქმნის ერთობას და უნიკალური ორნამენტივით ამშვენებს “ევროპულ სკოლას“.

მოსწავლეებს საინტერესო, ინოვაციური, დასაფიქრებელი აზრები ებადებათ. “ევროპულ სკოლაში“ ხელს ვუწყობთ მოზარდებს, ჩამოაყალიბონ, განავითარონ იდეები და შემდგომ საკუთარი მიგნებები სკოლის საზოგადოებას გაუზიარონ.

დღეს “ევროპულ სკოლაში“ XII კლასის მოსწავლეებისთვის ბოლო ზარი დაირეკა. დამრიგებლებმა სიმბოლურად ჩაუტარეს ბოლო გაკვეთილი მოსწავლეებს, მოეწყო ფოტოსესია, თეთრ პერანგებზე სამახსოვრო წარწერების გაკეთება. “ევროპულ სკოლაში“ კიდევ ერთი გამორჩეული ტრადიციაა - ხის დარგვა, სიმბოლო იმისა, რომ ჩვენი კურსდამთავრებულები ყოველთვის ჩვენთან იქნებიან, მათი ნაბიჯები კი შთამაგონებელი და მისაბაძი იქნება სკოლის მოსწავლეებისთვის.

“ევროპულ სკოლაში“ ევროპის დღე აღინიშნა კონფერენციით "ახალგაზრდობა უკეთესი ხვალინდელი დღისთვის“, სადაც ყურადღება გამახვილდა ევროპულ ღირებულებებსა და პრინციპებზე.

“ევროპული სკოლის“ საუნივერსიტეტო ორიენტაციისა და კარიერის დაგეგმვის სამსახურის დირექტორი გიორგი სიჭინავა უმაღლესი განათლების მრჩეველთა გლობალური კონკურსის გამარჯვებულია ნომინაციაში “წლის საუკეთესო მრჩეველი-ევროპა“.

“ევროპული სკოლის“ მოსწავლეების სააღდგომო სამზადისი! ჩვენი პატარები ხალისიანი განწყობით, საკუთარი ხელით შექმნილი თექისა და ქაღალდის დეკორაციებით ეგებებიან აღდგომის დღესასწაულს.

26 აპრილს თვითმართველობის დღე “ევროპულ სკოლაში“განსხვავებული ენერგიითა და ენთუზიაზმით წარიმართა. მოსწავლეებმა ჩაანაცვლეს მასწავლებლები, სკოლის ადმინისტრაცია, თანამშრომელთა მთლიანი გუნდი და მართეს სკოლის ცხოვრების ყველა ასპექტი და მიმართულება.

ერთი საათი ელექტროენერგიის გარეშე, დედამიწისადმი მიძღვნილი გაკვეთილები, ასამბლეები, კონფერენციები, ეკოფესტივალი, მოწვეული მწვანე კომპანიები, შეკეთებული, მეორადი სამოსი, ეკომეგობრული მოდის ჩვენება, ყველაზე მწვანე კლასისა და ყველაზე მწვანე ოფისის დაჯილდოება - ეს ყველაფერი იმისთვის, რომ ჩვენი პლანეტა გახდეს უკეთესი, უფრო სუფთა და ჯანსაღი.