კურსდამთავრებულთა ასოციაცია
“ევროპული სკოლის” კურსდამთავრებულებთან ურთიერთობის 11-წლიანმა გამოცდილებამ დაადასტურა “ევროპული სკოლის” ერთ-ერთი პრიორიტეტის მართებულობა – “ევროპული სკოლელობა” სტატუსია არა მხოლოდ “ევროპულ სკოლაში” მოსწავლეობის წლებში, არამედ მისი დამთავრების შემდგომაც. კურსდამთავრებულებისთვის, რომლებიც წარმატებით ირიცხებიან და ასევე წარმატებით აგრძელებენ სწავლას საქართველოს წამყვან უმაღლეს სასწავლებლებში, ევროპისა და ამერიკის პრესტიჟულ უნივერსიტეტებში “ევროპული სკოლელობა” გამაერთიანებელი ნიშაა, რომლითაც ამაყობენ, რომელსაც აფასებენ და ერთმანეთთან ურთიერთობით ამყარებენ.
ამის დასტურია “ევროპული სკოლის” “კურსდამთავრებულთა ასოციაცია“, რომელიც 8 წლის წინ დაფუძნდა. ასოციაცია ხელს უწყობს “ევროპულ სკოლასა” და “ევროპულ სკოლელებს” შორის უწყვეტი კავშირის ორგანიზებას და სკოლის სიძლიერეს და, რაც მთავარია, თანამედროვე ცივილიზებული სამყაროს გამოწვევების შესაბამისი პრიორიტეტების წამოწევას.
კურსდამთავრებულთა ასოციაციის პრეზიდენტი |
მოგესალმებით, მაქვს პატივი, ვიმსახურო კურსდამთავრებულთა ასოციაციის ახალ თავმჯდომარედ. მიხარია, რომ მომეცა შესაძლებლობა, გავაგრძელო ჩვენი ასოციაციის მხარდაჭერა. კურსდამთავრებულებს გვაკისრია ძალიან დიდი პასუხისმგებლობა, გავუზიაროთ ჩვენი გამოცდილება ამჟამინდელ მოსწავლეებს და დავეხმაროთ ცხოვრებისეულ, აკადემიურ და კარიერულ წინსვლაში. ჩვენი ჩართულობითა და მხარდაჭერით შეგვიძლია, დადებითი გავლენა მოვახდინოთ მიმდინარე და მომავალ სტუდენტთა წარმატებაზე. მოხარული ვარ, რომ 2023 წელს შემეძლება, ვიმუშაო ყველა თქვენგანთან, რათა გავაძლიეროთ ჩვენი კურსდამთავრებულთა ასოციაცია და მხარი დავუჭიროთ “ევროპული სკოლის” მიმდინარე წარმატებას. ზოგიერთი ინიციატივა, რომლის განხორციელებაც საკმაოდ მნიშვნელოვნად მიმაჩნია გახლავთ: ვირტუალური ღონისძიებების ჩატარება, სადაც შეგვეძლება გავაზიაროთ ჩვენი გამოცდილება საუნივერსიტეტო აპლიკაციებისა და სტუდენტური ცხოვორების შესახებ. ღონისძიებებში სასურველია ჩაერთონ კურსდამთავრებულები, რომლებსაც ექნებათ სურვილი, სკოლის მოსწავლეებს გაუზიარონ რჩევები უცხოეთში თუ ქართულ უნივერსიტეტებში სწავლის შესახებ. ძალიან მნიშვნელოვანად მივიჩნევ უნივერსიტეტდამთავრებული პირების ჩართულობას, რომლებსაც შეეძლებათ საკუთარი კარიერული გამოცდილების გაზიარება და მითითება კონკრეტულ, ბაზარზე მოთხოვნად უნარებზე. ასევე დიდი სურვილი მაქვს, გავააქტიუროთ “ევროპული სკოლის” კურსდამთავრებულთა ჯგუფი Linkedin-ზე, რაც უზრუნველყოფს პროფესიული კავშირების დამყარებას ჩვენსა და მოსწავლეებს შორის. დარწმუნებული ვარ, რომ ერთობლივი მუშაობით და College Counseling-ის გუნდთან კოლაბორაციით ჩვენ შევძლებთ, დადებითი გავლენა მოვახდინოთ ჩვენს თანასკოლელებზე და მათ წარმატებაზე. თუ გაქვთ სურვილი, რომ შეუერთდეთ Linkedin-ის ჯგუფს ან წაუძღვეთ რაიმე ღონისძიებას, გთხოვთ, დამიკავშირდეთ kaloiani@grinnell.edu -ზე. კიდევ ერთხელ მადლობას გიხდით მხარდაჭერისთვის და მოუთმენლად ველი თქვენთან თანამშრომლობას! პატივისცემით, პაატა კალოიანი |
სკოლის ინფრასტრუქტურის დაჯავშნა
