საშაბათო სკოლა

მენტალური არითმეტიკის პროგრამა UCMAS-გონების განმავითარებელი პროგრამა 4-14 წლამდე ბავშვებისთვის
პროგრამა მთელი მსოფლიოს მასშტაბით 84 ქვეყანაში ხორციელდება, ჰყავს  3მლნ-ზე მეტი წარმატებული მოსწავლე, აღიარებულია მსოფლიო მოწინავე უნივერსიტეტების მიერ, როგორიცაა: ჰარვარდი, სტენფორდი, სან-დიეგო, სასწავლო მეთოდიკა ფლობს ISO ხარისხის სერთიფიკატს. სასწავლო პროცესში გამოიყენება უძველესი გამოსათვლელი ინსტრუმენტი – აბაკუსი. თანამედროვე  სასწავლო მეთოდიკის დახმარებით, პროგრამა ხელს უწყობს ბავშვებში ისეთი შემეცნებითი უნარების განვითარებას, როგორიცაა: კონცენტრაცია, მეხსიერება, სწრაფი ფიქრი, თავდაჯერებულობა და ა.შ.

შემოგვიერთდი, ერთად გადავეშვათ მათემატიკურ თავგადასავლებში! ეს კლუბი შენს მათემატიკურ უნარებს სხვა სიმაღლეებზე აიყვანს. გთავაზობთ  გაძლიერებული მათემატიკას, რეალური თუ რთული საოლიმპიადო ამოცანების ამოხსნას, რაც საბოლოო ჯამში მათემატიკურ ვირტუოზად გაქცევს. მზად ხარ გამოწვევებისთვის? გსურს, იყო ბრწყინვალე მათემატიკაში? მაშინ ეს კლუბი შენთვისაა.

მინი-ინჟინერიის პროგრამა Bildits
BILDITS არის პროგრამა, რომელიც 5-16 წლის ასაკის ბავშვებს რეალურ სამშენებლო პროცესს სახალისო პრაქტიკული გამოცდილებით ასწავლის. კურიკულუმი შემუშავებულია UNICEF-ის ინჟინრებისა და განათლების ექსპერტების მიერ და სრულად ითვალისწინებს განათლების საერთაშორისო სტანდარტებით დადგენილ განვითარების სახელმძღვანელო პრინციპებს. სასწავლო ნაკრებში მოთავსებულია რეალური სამშენებლო მასალების მინი ანალოგები, როგორიცაა: ფოლადი, ცემენტი, აგურები, სამღებრო მასალები და ა.შ., რომელთა დახმარებითაც ბავშვები სწავლობენ ცემენტის მომზადებას, საძირკველის ჩასხმა, მინიატურული ბლოკებით კედლების აშენებას, სამღებრო სამუშაოების შესრულებას, დიზაინის შემუშავებას და აშ.

მოგეხსენებათ, რომ ბავშვი ყველაზე კარგად სწავლობს საკუთარ გამოცდილებაზე დაყრდნობით. სწორედ ამიტომ ჩვენი კლუბის  მიზანია, კითხვა შევაყვაროთ ბავშვებს კეთების პროცესში.

რას ვაკეთებთ?

• ვქმნითბავშვისთვის საინტერესო გარემოს;
• ვკითხულობთასაკის შესაბამის ლიტერატურას;
• ვიკვლევთ, ვაანალიზებთნაწარმოების შინაარსს(სახალისო აქტივობების დახმარებით);
• ვასრულებთგრამატიკული შინაარსის დავალებებს;
• წაკითხულისმიხედვით მრავალფეროვანი მასალის გამოყენებით ვქმნით ნამუშევრებს(დიორამა, აპლიკაცია, პოსტერი, წერილი, განცხადება და სხვ.);
• ტექსტზემუშაობის დასრულების შემდეგ ვაჯამებთ მიღებულ ცოდნას. შეჯამებას აქვს  მრავალნაირი სახე: პრეზენტაცია, ინსცენირება, გამოფენა და სხვ..

ხელსაქმის კლუბში მოსწავლეები შემოქმედებით გარემოში შეისწავლიან ქსოვას, სამკაულების შექმნას და სხვ. ბუნებრივი მასალების გამოყენებით მოზარდები საკუთარი ფანტაზიით შექმნიან სათამაშოებს, საყოფაცხოვრებო ნივთებსა თუ აქსესუარებს.

I კლასი

• აქტივოებები კითხვისა და წერის უნარის გასავითარებლად:
• ფონემატური სავარჯიშოები;
• ფონემატური უნარის გასავითარებელი ტექსტები( I დონის წიგნები);
• კომპლექსური დავალებები კრიტიკული,შემოქმედებითი აზროვნების გასავითარებლად;
• წერითი სავარჯიშოები.

II  და III კლასი

• ფასეულობითი განათლება დაწყებით სკოლაში

პროექტის ფარგლებში მოსწავლეები შეისწავლიან შემდეგ თემებს:

• “მშვიდობა“
• სიყვარული“
• “ბედნიერება“
• “პატივისცემა“
• “თანამშრომლობა“
• “თავმდაბლობა“
• “პასუხისმგებლობა“
• “ტოლერანტობა“
• სტანდარტით განსაზღვრული სხვადასხვა ტექსტების გაგება-გააზრება, ტესტური დავალებების შესრულება, ვერბალური და არავერბალური ფორმით მიწოდებული ინფორმაციის დაკავშირება.
• ლექსიკის,მართლწერის, გრამატიკისა და კალიგრაფიის საბაზისო უნარების განვითარება.

IV კლასი

• საოლიმპიადო ტესტებზე მუშაობა:
• სხვადასხვა ტიპის (მხატვრული,საინფორმაციო) ტექსტის გააზრება;
• მიზეზშედეგობრივი კავშირების დანახვა;
• საკუთარი აზრისა და დამოკიდებულების გამოხატვა წაკითხულთან დაკავშირებით;
• არგუმენტირებული მსჯელობა.

დარგობრივი და შემოქმედებითი წერითი უნარის განვითარება-“მწერლობანა“.

ინგლისური ენის კლუბი არის წიგნის კლუბი, რომელიც შექმნილია I-V კლასების მოსწავლეებში კითხვისადმი ინტერესის გასაღვივებლად. ჩვენ გვჯერა, რომ სწავლის, წიგნებისა და კითხვის სიყვარული ადრეულ ასაკში იწყება. შემოგვიერთდით და წაახალისეთ თქვენს შვილებში კითხვისადმი სიყვარული!

ჩვენი D&D კლუბი გთავაზობთ საშაბათო სკოლის ფარგლებში პროგრამას 7-დან 15 წლამდე ასაკის ბავშვებისათვის. ჩვენ გვყავს ორი ასაკობრივი ჯგუფი: პირველი I-VI კლასების მოსწავლეებისთვის და მეორე VII-X კლასელთათვის.

მარტივი საფუძვლებით დაწყებული და რთული თავგადასავლებით დამთავრებული, ნებისმიერ დონეზე მოსწავლეები იწაფებიან ამბის თხრობაში, პრობლემების გადაჭრასა თუ გუნდურობაში, გატაცებით ერთვებიან ძიების პროცესში, ქალაქის მასშტაბის ღონისძიებებში. შემოგვიერთდით ფანტაზიის სამყაროში!

შეიტყვეთ მეტი ჩვენს შესახებ: https://startup.courses/dnd/

რუსული ენის კლუბში ჩვენი მიზანია, ბავშვებს მივცეთ შესაძლებლობა, წყნარ გარემოში თან იხალისონ, თან შეისწავლონ რუსული ენა რუსულად მეტყველების პროცესში. კლუბის ხელმძღვანელებს აქვთ მცირეწლოვანი ბავშვებისთვის რუსული ენის სწავლების ხანგრძლივი გამოცდილება და კვალიფიკაცია; კერძოდ, ისინი ატარებენ მასტიმულირებელ აქტივობებს, რომლებიც მოიცავს თამაშებს, მუსიკას, ხელოვნებასა თუ როლურ თამაშს. ამ დროს ყველა ბავშვი ჩართულია სწავლის პროცესში და ისინი ცოდნას თავისდაუნებურადაც კი იძენენ!