21 მარტს “ევროპულმა ბაღმა“ ტყის საერთაშორისო დღე აღნიშნა. პატარები გაეცნენ ტყეების და მწვანე საფარის მნიშვნელობას, დამცველობით როლს. სხვადასხვა ჯგუფის აღსაზრდელებმა შექმნეს ნამუშევრები ტყის თემაზე და ბოლოს გამოფენაც მოაწყვეს.

20 მარტს “ევროპულ ბაღს“ ესტუმრა ველოსიპედით მოგზაური, რომელმაც მოგზაურობა შვეიცარიიდან დაიწყო და გეზი დუბაისკენ უჭირავს. სტუმარმა პატარებს თავისი მოგზაურობის საინტერესო მომენტების, თავგადასავლების შესახებ მოუთხრო, აჩვენა სხვადასხვა ქვეყნის ლამაზი ხედები, უცნაური ცხოველებისა და მწერების ფოტოები. ბაღის აღსაზრდელებმა უამრავი შეკითხვა დაუსვეს მოგზაურს. პრეზენტაციით მიღებული შთაბეჭდილებები იმდენად დიდი იყო, რომ შთაგონებით აღსავსე პატარებმა გადაწყვიტეს, საკუთარი პატარა ველოსიპედებით დაძრულიყვნენ მსოფლიოს ირგვლივ სამოგზაუროდ.

"ევროპულ ბაღში" დედის დღე 2 მარტს აღინიშნა. ამ დღეს დედებს ულამაზესი ბანერი დახვდათ ფოტოების გადასაღებად. პატარებმა საკუთარი ხელით მოუმზადეს დედებს სამახსოვრო ნაკეთობები, გამოუცხვეს ორცხობილები, მოუმზადეს შოკოლადის მუსი.დედის დღემ მხიარულად ჩაირა "ევროპულ ბაღში".

27 დეკემბერს საახალწლო ზეიმი ჩატარდა ევროპული საბავშვო ბაღის ინგლისურენოვანი ჯგუფების აღსაზრდელებისთვის. კიდევ ერთი ულამაზესი თეთრი წვეულება, ლამაზი სცენებით, მუსიკით, ცეკვებით, დასრულდა. ბედნიერ ახალ წელს გისურვებთ!

23 დეკემბერს “ევროპული ბაღის” ქართულენოვანი ჯგუფების აღსაზრდელებისთვის ჩატარდა საახალწლო ზეიმი "თოვლის წვეულება" . თოვლივით თეთრად მორთულ დარბაზში, თეთრ სამოსში გმოწყობილი პატარები მღეროდნენ და ცეკვავდნენ, მათ ვიდეო რგოლიც მოამზადეს "წერილი თოვლის ბაბუას". არც თოვლის ბაბუამ დააყოვნა და საჩუქრებითა და ტკბილეულით დატვირთული ესტუმრა ბავშვებს წვეულებაზე. თოვლის ბაბუა დაგვპირდა, რომ 27 დეკემბერს ინგლისურენოვანი ჯგუფების ზეიმსაც ეწვევა.

პირველ დეკემბერს ევროპულ ბაღში ჩატარდა მხიარული სტარტები: “გავაცილოთ შემოდგომა და შევეგებოთ ზამთარს“. აქტივობაში ბაღის ყველა ჯგუფთან ერთად მონაწილეობას იღებდნენ მასწავლებლები. ბავშვები დაიყვნენ ორ ჯგუფად, რომელთაგან ერთი ნაწილი წარმოადგენდა ზამთარს, მეორე კი შემოდგომას.

შემოდგომა იწურება. პატარა კულინარებმა ამოავლეს ტკბილი, გემრიელი ჩურჩხელები. ამ გამოცდილებამ ენთუზიაზმი და თავდაჯერებულობა შესძინა პატარებს. ევროპული ბაღის ბავშვები აცილებენ შემოდგომას და ემზადბიან ზამთრის შესახვედრად.

“ევროპული სკოლის“ საბავშვო ბაღში ბავშვები ტრანსდისციპლინარული თემის “პირადი მენეჯმენტის“ ფარგლებში გაეცნენ ჯანსაღი კვების წესებს, ვიტამინებს, როგორ იზრუნონ საკუთარ თავზე და სხვ. ბავშვებმა მოირგეს მზარეულის როლი და გაამზადეს სხვადასხვა კერძები და ნამცხვრები.

"ევროპულ ბაღში" პროფესიებს ვეც ნობით. დღეს ბავშვები ესტუმრნენ  ექიმის კაბინეტს, დაათვალიერეს ოთახი და ექიმისთვის საჭირო ხელსაწყოები. პატარებმა  შეკითხვები დაუსვეს სკოლის ექიმს და  პაციენტიც მიიღეს, რომელიც ამჟამად სკოლის მოსწავლეა, რამდ ენიმე წლის წინ კი "ევროპული ბაღის" აღსაზრდელი იყო.