ა.წ. 24 მარტიდან 10 აპრილამდე ”ევროპულ სკოლაში” მიმდინარეობს 2014-2015 სასწავლო წელს პირველ კლასში შემომსვლელთა რეგისტრაცია. 5 აპრილს 13 საათზე ჩატარდება ღია კარის დღე, ხოლო 10 და 11 აპრილს 13 საათზე - გასაუბრება მოსწავლეებთან. ევროპული სკოლის ადმინისტრაცია

გადაცემას უძღვება მე-4ა კლასის მოსწავლე ნინი ბზიავა. გადაცემის თემებია: ქალთა სოლიდარობის დღისადმი მიძღვნილი ღონისძიება:  "ქალის  სურნელით გაზაფხული მოდის"; 4 PYP კლასის მოსწავლეების შეხვედრა ჟესტების მასწავლებელთან; შეხვედრა მწერალ ლაშა ბაქრაძესთან; ახალი სატელევიზიო პროექტი "დეტექტივი მარიკუშას" პრეზენტაცია; ES TV-ს ხელმძღვანელის, ირაკლი ჯაოშვილის სტუმრობა GDS TV-  ში; ევროპული სკოლის როკ-ჯგუფის მონაწილეობა საფრანგეთის  საელჩოს სიმღერის კონკურსზე;

 გადაცემას უძღვება მე-4ბ კლასის მოსწავლე ელენე  ბაღათურია გადაცემის თემებია: ინტეგრირებული გაკვეთილი მე-4 კლასში; ქართული ენისა და ლიტერატურის კათედრის  შემეცნებითი კონფერენცია: "ერის ცხოვრება დაცულ არს  ერით"; დედის დღესთან დაკავშირებული ღონისძიება; მოსწავლეთა სასწავლო-სამეცნიერო კონფერენცია ინგლისურ  ენასა და ლიტერატურაში; მე-4 და მე-5 MYP კლასების თემატური გაკვეთილები; სპექტაკლი "ჯადოქრობის სკოლა"; 8 მარტის მილოცვა;

ა.წ. 20-23 მარტს აშშ ქ. ნიუ იორკში ტარდება ამერიკის შედარებითი ლიტერატურის ასოციაციის ყოველწლიური კონფერენცია. წლევანდელი სექციის თემაა “კავკასიური დედაქალაქები, შინ და გარეთ“ .  ევროპული სკოლის ცოდნის თეორიის მასწავლებელმა, ნესტან რატიანმა,მოიპოვა რუსთაველის ეროვნული სამეცნიერო ფონდის გრანტი და მიემგზავრება ამ კონფერენციაზე მოხსენებით: "ცენტრის ძიებაში-კონკურენტი პრეზიდენტები“.

საფრანგეთის ქალაქ ანსიში ა.წ. 19-24 მარტს გაიმართება ევროპის სტუდენტთა/მოსწავლეთა კინოფილმების ფესტივალი.     ევროპული სკოლის IB XI კლასის მოსწავლეები: ნინო სიჭინავა, თეკლა თევდორაშვილი, ფარვინ ჰასანი, CAS კორდინატორის ალექსანდრე გიორგიძის ხელმძღვანელობით გაემგზავრნენ ევროპის სტუდენტთა/მოსწავლეთა კინოფილმების ფესტივალზე და საკონკურსო პროგამაში წარადგინეს ნინო სიჭინავას მოკლემეტრაჟიანი მხატვრული ფილმი "მაღლა ცაში“.

ევროპული სკოლის  უცხოური ენების კათედრა გეპატიჟებათ კვირეულზე. გთხოვთ, მობრძანდეთ!  

ოთხშაბათს, 12 მარტს ევროპული სკოლის სატელევიზიო სტუდია - ESTV სააქტო დარბაზში 14-სთ. 30-წთ-ზე წარმოგიდგენთ ახალ სატელევიზიო პროექტს სახელწოდებით "დეტექტივი მარიკუშა“. გადაცემას უძღვება მე-4 კლასის მოსწავლე - მარიამ ადამია. დასწრება თავისუფალია.  

სამშაბათს, 11 მარტს, 14 საათზე, ევროპულ სკოლაში საჯარო ლექციას წაიკითხავს ისტორიკოსი, გ. ლეონიძის სახელობის ქართული ლიტერატურის სახელმწიფო მუზეუმის დირექტორი ლაშა ბაქრაძე.გთხოვთ, მობრძანდეთ!