ახალი ამბები

ილია მჭედლიშვილის ნახატების გამოფენა

08 Feb 2018

30 იანვარს საგამოფენო დარბაზში “სფუმატო“ გაიმართა ქართველი მხატვრების ნამუშევრების გამოფენა. მონაწილეთა შორის ყველაზე უმცროსი გახლდათ “ევროპული სკოლის“ მესამე კლასის მოსწავლე ილია მჭედლიშვილი.

ენის შესწავლა და სპორტული ცხოვრება ქ. ბერლინის ბანაკში: “Sport_ und KreativCamp Wannese”

07 Feb 2018

“ევროპული სკოლის“ მოსწავლეებს საშუალება ეძლევათ, ორი კვირის განმავლობაში გაიღრმავონ ინგლისური ენის ცოდნა გერმანიაში, ქ. ბერლინში.

“ევროპული სკოლის“ დელეგაცია გაეროს მოდელირების კონფერენციაზე

06 Feb 2018

26-30 იანვარს “ევროპული სკოლის“ მოსწავლეთა დელეგაცია, კანტის აკადემიის ორგანიზებით, იმყოფებოდა გაეროს მოდელირების კონფერენციაზე პრაღის ნიუ-იორკის უნივრსიტეტში. სკოლის დელეგაციას, რომელიც შედგებოდა ქართული, IB და ამერიკული პროგრამების ექვსი მოსწავლისგან, ხელმძღვანელობდა სკოლის აკადემიური დირექტორი სოფიო ბაზაძე. ვიზიტის ბოლო დღეს მოსწავლეები ეწვივნენ საქართველოს საელჩოს და შეხვდნენ ელჩს, ბ-ნ ზაალ გოქსაძეს.

ევროპული სკოლისა და ბრიტანეთის საბჭოს უპრეცედენტო თანამშრომლობა

01 Feb 2018

2017 წლის ნოემბრიდან “ევროპული სკოლა" და ბრიტანეთის საბჭო თანამშრომლობენ ინგლისური ენის სწავლა-სწავლების პროექტში, რომელიც სამ წელს გაგრძელდება. ბრიტანეთის საბჭო აღიარებული ლიდერია ინგლისური ენის სწავლებაში. მას ასევე გააჩნია მასწავლებელთა პროფესიულ განვითარებაის უნიკალური გამოცდილება. ამ ყოველივეს გათვალისწინებით აირჩია “ევროპულმა სკოლამ” ბრიტანეთის საბჭო პარტნიორად და გადაწყვიტა, სწორედ ენის სწავლების მათი მოდელი დანერგოს.

ჩინური ენის შესწავლის შესაძლებლობა “ევროპული სკოლის” მოსწავლეებისთვის!

30 Jan 2018

“ევროპული სკოლა“ მოსწავლეებს საშუალებას აძლევს, შეისწავლონ ჩინური ენა. ჩინური ენის მასწავლებელია იარუ გაო, რომელიც თბილისის ღია უნივერსიტეტში კონფუცის კლასს უძღვება. პედაგოგის მიზანია, მოსწავლეები დაეუფლონ ჩინური ენის საფუძვლებს, გაიუმჯობესონ სმენის, მეტყველების, კითხვისა და წერის უნარ-ჩვევები, განივითარონ ჩინურად კომუნიკაციისთვის საჭირო უნარები და დაინტერესდნენ ჩინური კულტურისა და ისტორიის შესწავლით.

"აინშტაინის სკოლა" - ახალი პლატფორმა “ევროპულ სკოლაში“

26 Jan 2018

კანტის აკადემია "ევროპულ სკოლასთან" პარტნიორობით ქმნის ახალ, უნიკალურ პლატფორმას 8-12 წლის მოსწავლეთათვის, სადაც მოზარდებს საშუალება ექნებათ, გაიფართოვონ გონებრივი შესაძლებლობები, გაიუმჯობესონ სწავლის უნარები და განივითარონ ემოციური ინტელექტი. პროგრამა ეფუძნება სწავლების თანამედროვე მეთოდებს, მათ შორის პრაქტიკულ სწავლებებს, გუნდურ შეჯიბრებებს და შემეცნებით ვიზიტებს. ასევე იგეგმება ბონუს პროგრამა: "მშობლების ქოუჩინგი", რაც გულისხმობს ფსიქოლოგის საკონსულტაციო შეხვედრებს პროგრამის მონაწილეების მშობლებთან ბავშვთან სწორი ურთიერთობისა და სირთულეების მართვის უზრუნველსაყოფად. დეტალური ინფორმაციისთვის გთხოვთ , მიმართოთ შესაბამისი პროგრამის კოორდინატორებს.

თანატოლების მხარდასაჭერად!

26 Jan 2018

“ევროპული სკოლის“ მოსწავლეებისთვის არ არის უცხო საზოგადოების სამსახური, გარემოში არსებულ პრობლემებზე ფიქრი. ჩვენი მოზარდები აქტიურად არიან ჩართულნი საკუთარი ინიციატივით წამოწყებულ თუ მასშტაბურ, საერთაშორისო საქველმოქმედო აქციებში. დეკემბრის თვეში “ევროპული სკოლის“ მოსწავლეებმა საახალწლო ბაზრობა მოაწყვეს და საკუთარი ხელით შექმნილი ნივთების გაყიდვით შეგროვილი თანხით ბევრი სასიკეთო საქმეც გააკეთეს. ამ ჩამონათვალას დაემატა 25 იანვარს თბილისის ერთ-ერთ დღის ცენტრში სტუმრობა, სადაც სკოლის მოსწავლეთა პარლამენტის თავმჯდომარემ, სოფო ნონიკაშვილმა, სკოლის თანმშრომლებთან ერთად, “ევროპული სკოლის“ მოსწავლეთა სახელით, ზამთრის ფეხსაცმელები მიუტანა საჩუქრად თანატოლებს. გახარებულ პატარებს აღარ სურდათ მზრუნველი თანატოლის გაშვება და მათთან დარჩენას სთხოვდნენ. სამომავლოდ “ევროპული სკოლა“ კიდევ მრავალ საინტერესო ღონისძიებას დაგეგმავს დღის ცენტრის აღსაზრდელებისთვის.

ჭადრაკში მიღწეული წარმატება

25 Jan 2018

სკოლის ჭადრაკის კლუბის ხელმძღვანელმა, გიული ალიხანაშვილმა 2018 წელს სენიორებში გამართულ საქართველოს ჩემპიონატში საპრიზო ადგილი დაიკავა და მოიპოვა საგზური მსოფლიო ჩემპიონატზე გასამგზავრებლად. მსოფლიო ჩემპიონატი ჩატარდება 2018 წლის ნოემბრის თვეში.

“ევროპული სკოლის“ თანამშრომლობა თავისუფალ და აგრარული უნივერსიტეტებთან

23 Jan 2018

23 იანვარს, საბუნებისმეტყველო მეცნიერებების დეპარტამენტის ინიციატივით, “ევროპულ სკოლასა“ და აგრარულ უნივერსიტეტს შორის გაფორმდა ურთიერთთანამშრომლობის მემორანდუმი. დაწყებული თანამშრომლობა მეტად სასარგებლო იქნება ჩვენი მოსწავლეებისთვის. მათ მიეცემათ საშუალება, ჩაერთონ აგრარული უნივერსიტის სასწავლო პროგრამებში, კონკურსებში, განახორციელონ კვლევები უნივერსიტეტის მეცნიერების ხელმძღვანელობით, მოემზადონ საერთაშორისო სამეცნიერო ოლიმპიადებისთვის ჩვენი პედაგოგების და უნივერსიტეტის თანამშრომლების ერთობლივი მეთვალყურეობით. სკოლაში სტუმრობისას აგრარული უნივერსიტეტის წარმომადგენლები შეხვდნენ მე-10-11 კლასის მოსწავლეებს და ესაუბრნენ მათ უნივერსიტეტის პროგრამების შესახებ, გააცნეს მოზარდებს სკოლასთან თანმშრომლობის სამომავლო გეგმები და პერსპექტივები.