დეკემბრის დასაწყისში “ევროპული სკოლის“ მოსწავლეები ჩაერთნენ ტრადიციულ, საახალწლო საქველმოქმედო კამპანიაში-შეაგროვეს ტკბილეული და საკვები პროდუქტები სოციალურად შეჭირვებული პირებისთვის. 20-21 დეკემბერს შეგროვილი სურსათი დაარიგდა ბავშვთა სახლებში, დღის ცენტრებსა და მოხუცებულთა სახლებში. ბენეფიციარებმა მადლიერება და სითბო არ დაიშურეს ჩვენი მოსწავლეების მიმართ.

მიმდინარე წლის 21 დეკემბერს "ლონდონ ავენიუზე" მოეწყო “ევროპული სკოლის“ რობოტიქსის კლუბის მოსწავლეების მიერ პირველ სემსტრში შექმნილი ნამუშევრების გამოფენა. გამოფენაზე წარმოდგენილი იყო განსხვავებული ფუნქციების მქონე 20 მოწყობილობა-რობოტი

პროექტის ფარგლებში “ავიაცია-თვითმფრინავები“, მე-4-5 კლასის მოსწავლეებმა სხვადასხვა მასალის გამოყენებით ააგეს თვითმფრინვის მოდელები, გამოსცადეს თვითმფრინავები და გამოავლინეს ყველაზე კარგად აგებული მოდელი.

მიმდინარე წლის დასაწყისიდან “ევროპულმა სკოლამ” გადაწყვიტა, გაეუმჯობესებინა სასწავლო პროცესების მართვის არსებული ელექტრონული პროგრამა და დაენარგა ისეთი ინოვაციური პროდუქტი, რომლის დახმარებითაც მოხერხდებოდა მნიშვნელოვანი სასწავლო დანიშნულების ელექტრონული მონაცემების და რესურსების შექმნა, გაერთიანება და შეთანხმებული მუშაობა.

ქიმიის ლაბორატორიაში პირველკლასელებთან ჩატარდა სახალისო და შემეცნებითი გაკვეთილი “საახალწლო ქიმია“(პედაგოგი ხათუნა კაპანაძე). გაკვეთილის მიზანი იყო, დაწყებითი კლასიდანვე მოსწავლეების დაინტერესება საბუნებისმეტყველო საგნებით, კერძოდ ქიმიით.

“ევროპული სკოლაში“ სპორტულ ცხოვრებას განსაკუთრებული ყურადღება ეთმობა. მასში აქტიურად არიან ჩართულნი მასწავლებლები, მშობლები და მოსწავლეები. ორი კვირის მანძილზე მიმდინარეობდა ქალთა ფრენბურთის ტურნირი მასწავლებლებისა და სკოლის პერსონალისგან შემდგარ შვიდ გუნდს შორის. 19 დეკემბერს ფინალურ მატჩში ერთმანეთს შეხვდენენ ბაღის და სასადილოს გუნდები, სადაც გამარჯვება მოიპოვა სასადილოს ქალთა გუნდმა.

19 დეკემბერს “ევროპულ სკოლაში“ მოეწყო სასწავლო განგაში, რომლის მიზანი იყო, მოსწავლეეებისთვის ევაკუაციის პროცედურების სწავლება რეალური განგაშის სიტუაციაში მზადყოფნის უზრუნველსაყოფად. შეფასდა ევაკუაცისთვის საჭირო დრო, უსაფრთხოების სისტემების ან ევაკუაციის პროცედურების დარღვევები არ გამოვლენილა.

ამერიკული უმაღლესი სკოლის მოსწავლეები, კერძოდ ორი კურსის AP Comparative Government and Politics (XII კლასი) და AP European History-ს (X-XII კლასები) მსმენელები, სასწავლო მიზნებით ესტუმრნენ საქართველოს ეროვნულ მუზეუმს; დაათვალიერეს საბჭოთა ოკუპაციის მუზეუმი; საგნის მასწავლებელმა ნათია ფიფიამ მათ წაუკითხა მინი-ლექცია ეროვნულ-განმათავისუფლებლი მოძრაობისა და ქართველი საბჭოთა დისიდენტების შესახებ; მოსწავლეებმა დაათვალიერეს ძველი ქართული იარაღის და ტანისამოსის გამოფენა. თვალსაჩინო მასალის საფუძველზე მათ იმსჯელეს ისტორიის რეკონსტრუქციისას ეთნოლოგიური მასალის გამოყენების მეთოდებზე. გარდა ამისა, მოსწავლეები ესტუმრნენ პალეოლითის ხანის ამსახველ გამოფენას და გაეცნენ ადამიანის ევოლუციის ძირითად ეტაპებს.

18 დეკემბერს ქართული პროგრამის მე-8 კალსებში ჩატარდა ინტერდისციპლინური პროექტის” ვჭამთ იმისთვის, რომ ვიცოცხლოთ, თუ ვცოცხლობთ იმისთვის, რომ ვჭამოთ?”  შემაჯამებელი გაკვეთილი. პროექტს ახორციელებდნენ ბიოლოგიის პედაგოგი მანანა ჟამურაშვილი და რუსული ენის პედაგოგი ირინა გამსახურდია. პროექტის ფარგლებში მოსწავლეებმა აწარმოეს კვლევა, აიღეს ინტერვიუები, მოამზადეს პრეზენტაციები და მოხსენებები. ამ პროცესს მოსწავლეების მხრიდან დიდი დაინტერესება და გამოხმაურება მოჰყვა.