6 დეკემბერს ამერიკული უმაღლესი სკოლის მე- 8 და მე-9 კლასის მოსწავლეები დამრიგებლებთან ერთად ესტუმრნენ კინოთეატრ “ამირანს“, სადაც თბილისის მე-18 საერთაშორისო კინოფესტივალის ფარგლებში დაესწრნენ “სპეციალურ ჩვენებას", რომელზეც წარმოდგენილი იყო ქართველი რეჟისორებისა და მსახიობების შემოქმედებიდან შერჩეული რამდენიმე მოკლემეტრაჟიანი ფილმი. ერთ-ერთმა მოსწავლემ, ლუკა ქათამაძემ აღნიშნა : “მიუხედავად იმისა, რომ ზოგიერთი ფილმიდან დიდი აზრი ვერ გამოვიტანე, მაინც კარგად დამამახსოვრდა რამდენიმე ფილმი გადაღების სტილით და მუსიკალური გაფორმებით“.

11 დეკემბერს “ევროპულ სკოლაში“ მე-10 და მე-11 კლასებისთვის პრაქტიკული ლექცია-სემინარი ჩაატარა გარემოს ეროვნული სააგენტოს ატმოსფერული ჰაერის, წყლისა და ნიადაგის ანალიზების ლაბორატორიის უფროსმა ელენე ბაქრაძემ.

მოსწავლეებმა დაათვალიერეს მაკდონალდსის საწარმო, ესტუმრნენ მის სამზარეულოს და ნახეს, თუ სად ინახება და როგორ მზადდება ესა თუ ის პროდუქტი. ასევე, დაამზადეს მაკდონალდსის ცნობილი ჰამბურგერი, კარტოფილი და ა.შ. მასპინძლების მიერ შემოთავაზებული გასართობი პროგრამა, რომელიც მოიცავდა სახალისო თამაშების ნაკრებს, მოსწავლეებისთვის განსაკუთრებულად სასიამოვნო აღმოჩნდა.

5 დეკემბერს “ღია საზოგადოება საქართველოს" ადამიანის უფლებათა პროგრამის კოორდინატორმა გიორგი ჩიტიძემ “ევროპული სკოლის“ მეშვიდე კლასის მოსწავლეებთან ჩაატარა ლექცია ადამიანის უფლებებზე. მოსწავლეებმა დასვეს შეკითხვები და გამოთქვეს საკუთარი მოსაზრებები.

ჩეხური ფარმაცევტული კომპანია “ვალმარკის“ წარმომადგენლობა საქართველოში საქართველოს პედიატრთა აკადემიის ეგიდით ატარებს საინფორმაციო-საპრევენციო კამპანიას “სასკოლო ასაკის ბავშვების სწორი ფიზიკური და გონებრივი განვითარების მნიშვნელობა“.

ქართული პროგრამის და PYP 2-3 კლასის მოსწავლეებმა მონაწილეობა მიიღეს MYP-ის მოსწავლის ზუკა ქევანიშვილის მიერ ინიცირებულ პროექტში “ ლეგოს ქალაქი“. პროექტის ფარგლებში, რვა კლასმა შექმნა “ლეგოს ქალაქი“ რობოტიკსის გაკვეთილებზე მასწავლებლების: ირინა კოჭლამაზაშვილი, ირმა მარღანია და მარიანა მოსაადი ხელმძღვანელობით.

11 დეკემბერს ”ევროპული სკოლის” ქართული პროგრამის მე-5 კლასის მოსწავლეები, ინტეგრირებული გაკვეთილის ფარგლებში, შეხვდნენ რეჟისორ ნანა ჯანელიძეს. შეხვედრაზე მოსწავლეებმა ერთმანეთს შეადარეს მოთხრობა ”იავნანამ რა ჰქმნა” და ამ მოთხრობის მიხედვით გადაღებული მხატვრული ფილმი;

“ევროპული სკოლა“  სპორტული სათხილამურო სკოლის ,,ჩვენი სკოლა-IOSKI“  ბაზაზე გთავაზობთ შეკრებას ბაკურიანში, სადაც 15 წლამდე მოსწავლეები შეისწავლიან თხილამურებზე სრიალს და შეიქმნიან დაუვიწყარ შთაბეჭდილებებს.

8 დეკემბერს ”ევროპულ სკოლას” ეწვია თავისუფალი უნივერსიტეტის მათემატიკისა და კომპიუტერულ მეცნიერებათა ფაკულტეტის დეკანი, პროფესორი ამირან ამბროლაძე. მან მოსწავლეებს წაუკითხა საინტერესო ლექცია თამაშთა თეორიაზე და ამოგზაურა ისინი მათემატიკის ლაბირინთებში. შეხვედრის ბოლოს სტუმარმა დასახა ”ევროპულ სკოლასა” და თავისუფალ უნივერსიტეტს შორის სამომავლო თანამშრომლობის გეგმები.