1-2 დეკემბერს საგამოფენო ცენტრ “ექსპო ჯორჯიაში “ჩატარდა “კომაროვის მათემატიკის ფესტივალი “, რომელშიც თბილისის 24 სკოლის 38 გუნდი მონაწილეობდა. “ევროპული სკოლის“ გუნდმა ფესტივალზე პირველი ადგილი დაიკავა.

4 დეკემბერს “ევროპულ სკოლასა“ და საქართველოს უნივერსიტეტს შორის გაფორმდა თანამშრომლობის მემორანდუმი, რომლის თანახმად სკოლას გადაეცემა გეოინფორმატიკის ტექნიკური ლიტერატურა, საბაზო ციფრული რუკები; ისტ-ის პედაგოგ დავით ნოზაძეს ჩაუტარდება ინდივიდუალური, ინტენსიური ტრენინგი გის ტექნოლოგიებში; მოხდება სკოლისათვის 6-თვიანი საკონსულტაციო და ტექნიკური მხარდაჭერის გაწევა საგაკვეთილო სივრცეში გის ტექნოლოგიების დასანერგად.

1 დეკემბერს მესამე კლასის მოსწავლეები შეხვდნენ საუკეთესო მასწვლებლის ეროვნული ჯილდოს მფლობელს ლადო აფხაზავას. მან მოსწავლეებს მოუთხრო სინტერესო ისტორიები პირადი ცხოვრებიდან, უამბო, თუ რას საქმინობენ და როგორ სწავლობენ მისი აღსაზრდელები,როგორი გარემოა მათ სკოლაში.მოსწავლეებიც ინტერესით უსმენდნენ და უსვამდნენ შეკითხვებს. დასასრულს მესამეკლასელებმა სტუმართან ერთად ითამაშეს, იმღერეს და იხალისეს.

“ევროპულ სკოლაში“ ყოველწლიურად მოსწავლეები ერთვებიან ისტ-ის პედაგოგის დავით ნოზაძის მიერ ინიცირებულ “მწვანე კვირეულში“. წელს კვირეულის ფარგლებში მოსწავლეები შეხვდნენ გარემოს დაცვითი ინფორმაციისა და განთლების ცენტრის წარმომადგენლებს, რომელებიც მწვანე საფარის მნიშვნელობასა და მისი დაზოგვის აუცილებლობაზე ესაუბრნენ მოსწავლეებს; პატარები ასევე შეხვდნენ პირველი ქართული ელექტრონული წიგნების შემქმნელს სანდრო ასათიანს.

30 ნოემბერს დაწყებითი კლასების მოსწავლეებმა “გააცილეს შემოდგომა“. ღონისძიება გახსნეს მეოთხე კლასელებმა, მათ ბარაქიანი შემოდგომის სიუჟეტი წარმოადგინეს. მოსწავლეებმა, ხელოვნების მასწავლებლების დახმარებით, საკუთარი ნამუშევრებით გააფორმეს მეორე სართულის დერეფანი, “ევროპული სკოლის“ შიდა ეზოში კი მოაწყვეს თემატური “ფლეშ-მობი“.

პირველ დეკემბერს ევროპულ ბაღში ჩატარდა მხიარული სტარტები: “გავაცილოთ შემოდგომა და შევეგებოთ ზამთარს“. აქტივობაში ბაღის ყველა ჯგუფთან ერთად მონაწილეობას იღებდნენ მასწავლებლები. ბავშვები დაიყვნენ ორ ჯგუფად, რომელთაგან ერთი ნაწილი წარმოადგენდა ზამთარს, მეორე კი შემოდგომას.

30 ნოემბერს გაიმართა “ევროპული სკოლის” MYP პროგრამის რიგით მეორე ასამბლეა.  ასამბლეას უძღვებოდნენ ლუკა კაკაჩია (9 კლასი) და სესილი ჩარგეიშვილი (6 კლასი). წარდგენილ იქნა შემდეგი პროექტები: “ექვსი ნაბიჯი წარმატებისკენ“, “მოწინავე და განვითარებადი ქვეყნების სტატიკა“ .

27 ნოემბერს “ევროპული სკოლის“ ქართული პროგრამის მოსწავლეები, ხელოვნების პედაგოგის ნატო ვაწაძის ინიციატივით, ჩაებნენ საინტერესო აქტივობაში-მათ მოწვეული მხატვრების დახმარებით, გარემოს დაცვის თემაზე შექმნილი სტენსილებით მოხატეს სკოლის კედლები.

14 ნოემბერს, ტრანსდისციპლინარული თემის ფარგლებში, პედაგოგ ასმათ ახვლედიანის ხელმძღვანელობით მოეწყო მესამეკლასელთა შეხვედრა “ეკოვიზიის“ წამყვანებთან. გადაცემის წამყვანებმა ნინიმ კიკნაძემ და დათუნა სოფაძემ წარმოადგინეს პრეზენტაცია თემაზე: “ბუნების ქომაგი ადამიანები“. პრეზენტაციის შემდეგ გაიმართა დისკუსია.