ბავშვებისთვის ლაშქრობა არის ახალი აღმოჩენებისა და ბუნებასთან სიახლოვის საუკეთესო შესაძლებლობა. “ევროპული სკოლის“ ქართული პროგრამის მოსწავლეები Weaskigeorgia-სთან ერთად ალგეთში წავიდნენ სალაშქროდ და დაუვიწყარი თავგადასავლებით დაბრუნდნენ. ითამაშეს, იხტუნეს და მხიარულად გაატარეს დრო სუფთა ჰაერზე.

25 სექტემბერს “ევროპულმა სკოლამ" Worcester Polytechnic Institute-ისა და Franklin & Marshall College-ის წარმომადგენლებს - ჯული ლავლესსა და კარლი მანკუსს უმასპინძლა. სტუმრებმა ქართული პროგრამის, ამერიკული უმაღლესი სკოლისა და IB პროგრამების მოსწავლეებს ამომწურავი ინფორმაცია მიაწოდეს სასწავლო პროგრამებისა და ჩარიცხვის კრიტერიუმების შესახებ. მოსწავლეებმა მიიღეს რეკომენდაციები, თუ როგორ უნდა დაწერონ ეფექტური პერსონალური ესეები და სამოტივაციო წერილები. პრეზენტაციის დასასრულს, ამერიკული უნივერსიტეტების წარმომადგენლებმა ჩვენი მოსწავლეების დამატებით შეკითხვებს უპასუხეს.

MYP ასამბლეაზე, მოსწავლეებს გააცნეს სიახლეები სასწავლო ექსკურსიების, საზოგადოების სამსახურისა და ახალი სამეცადინო ოთახის გახსნის შესახებ. ამ უკანასკნელით სადილის დროს ისარგებლებენ მოზარდები, რომელთაც დამატებით სურთ დამოუკიდებლად მეცადინეობა. ბატონმა რიზმა მოსწავლეებს მოუთხრო იგავი სათაურით: “იმპერატორი და მარცვალი“, რომელმაც მოზარდები დააფიქრა კეთილსინდისიერებაზე, ნდობასა და სწორად მოქცევაზე იმ შემთხვევაშიც კი, როცა არავინ გიყურებს. ეს ყველაფერი ესადაგება სკოლის სლოგანს: “ სრულყოფილება სწავლაში ცხოვრებისთვის მზადების გზაზე“ . MYP პროგრამის ხელმძღვანელმა წარმატების თასით დააჯილდოვა ყველა მე-6 კლასელი MYP პროგრამასთან საუკეთესო შეთვისებისა და სანიმუშო ყოფაქცევისთვის.

23 სექტემბერს სკოლის მთავარ დარბაზში IB სადიპლომო პროგრამის რიგით მე-2 ასამბლეა გაიმართა. ასამბლეის თემა იყო Welcome to Pre-University, მიზანი კი ცნობიერების ამაღლება უნივერსიტეტებისა და სტუდენტობის სტატუსის შესახებ. IB პროგრამის ხელმძღვანელმა ბრაის ბომომ განაცხადა “იმას, რასაც თქვენ გააკეთებთ უნივერსიტეტში გავლენას მოახდენს თქვენს განათლებაზე, თქვენს უნივერსტეტურ ცხოვრებაზე, არა მხოლოდ აკადემიურად, არამედ მოგეცემათ შესაძლებლობა მნიშვნელოვანი გადაწყვეტილებების მიღების. ” DP შეკრებები ჩატარდება ყოველ ორშაბათს, მთელი სასწავლო წლის განმავლობაში.

ოზონის შრის დღესთან დაკავშრებით გარემოს დაცვისა და სოფლის მეურნეობის სამინისტროს სსიპ გარემოსდაცვითი ინფორმაციისა და განათლების ცენტრმა “ევროპული სკოლის” მოსწავლეებთან საინფორმაციო შეხვედრა გამართა. მოსწავლეებს გარემოსდაცვითი ინფომაციისა და განათლების ცენტრის დირექტორი თამარ ალადაშვილი, გარემოს დაცვისა და სოფლის მეურნეობის სამინისტროს ატმოსფერული ჰაერის სამმართველოს ხელმძღვანელი ნოე მეგრელიშვილი და გაეროს განვითარების პროგრამის (UNDP) წარმომადგენელი ნინო გვაზავა შეხვდნენ, მათ მოსწავლეებს ახალი სასწავლო წლის დაწყება მიულოცეს და დეტალურად ესაუბრნენ ოზონის დაცვის საერთაშორისო დღის ისტორიასა და მნიშვნელობაზე, ასევე მოსწავლეებმა მოისმინეს პრეზენტაცია ოზონის შრის და ამ მხრივ საქართველოში არსებული რეალობისა და მიღწეული შედეგების შესახებ. თამარ ალადაშვილმა მოსწავლეებს ცენტრის მიერ გამოცხადებული კონკურსის პირობები გააცნო, რომელიც გაეროს განვითარების პროგრამის (UNDP) მხარდაჭერით პროექტის - “ინსტიტუციური შესაძლებლობების გაძლიერება მონრეალის ოქმის განხორციელების ხელშეწყობისთვის“ - ფარგლებში ოზონის შრის საერთაშორისო დღის აღსანიშნავად იმართება გზავნილით: “დაიცავი ოზონის შრე - დაიცავი სიცოცხლე დედამიწაზე”. კონკურსში მონაწილეობის მიღება შეუძლიათ როგორც VII-XII კლასის სკოლის მოსწავლეებს, ასევე სტუდენტებსა და ვიდეოგრაფიკოსებს. შეხვედრა ინტერაქტიულ რეჟიმში მიმდინარეობდა და მოსწავლეებმა მათ მიერ დასმულ შეკითხვებზე ამომწურავი პასუხები მიიღეს.

სამშაბათს, 17 სექტემბერს MYP პროგრამის თანამშრომლები და მშობლები შეიკრიბნენ სკოლაში დაბრუნების აღსანიშნავ საღამოზე, სადაც გაეცნენ MYP პროგრამის ხელმძღვანელის ხედვასა და MYP კოორდინატორის საგანმანათლებლო ფილოსოფიას. სხვასახვა საგნის მასწავლებლებმა ნაყოფიერად იმუშავეს, რათა მშობლებისთვის წარედგინათ საგნის სპეციფიკა, მნიშვნელოვანი ინფორმაცია კურიკულუმის შესახებ, შეფასებული ნაშრომები. მადლობას ვუხდით MYP პროგრამის თანამშრომლებსა და მშობლებს ამ შეხვედრის მხარდაჭერისთვის. მასწავლებლების, მოსწავლეებისა და მშობლების თანამშრომლობა არის გასაღები მაღალი ხარისხის განათლებისა, სადაც წინა პლანზეა წამოწეული სწავლაში საუკეთესო შედეგის მიღწევა.

16 სექტემბერს, ახალი სასწავლო წლის პირველ MYP ასამბლეაზე პროგრამის ხელმძღვანელმა რიზ ხანმა მოსწავლეები დააფიქრა განსხვავებაზე “კარგსა“ და “საუკეთესოს“ შორის, რათა შთაეგონებინა ისინი მიაღწიონ საუკათარი შესაძლებლობების მაქსიმუმს. ასამბლეა ხელს უწყობს სასკოლო კულტურის განვითარებას. გვინდა, ხაზი გავუსვათ აღნიშნულ ასამბლეაზე მოსწავლეთა მიერ გამოვლენილ ჩართულობასა და ინტერესს.

MYP პროგრამის ხელმძღვანელმა რიზ ხანმა მშობლებთან შეხვედრები გამართა და მათ MYP პროგრამის ასპექტები და მოსაზრებები გააცნო. სასწავლო წლის დასაწყისში მშობლებს წარუდგინეს სამომავლო გეგმები და ცვლილებები მომავალში განსახორციელებელი საკვანძო საკითხებთან დაკავშირებით. დაინტერესებულ მშობლებს მიაწოდეს ინფორმაცია MYP პროგრამის პროგრესულად წარმართვის შესახებ. მადლობას ვუხდით ყველა მშობელს მობრძანებისთვის და ველოდებით სამშაბათს, 17 სექტემბერს, 16:00 საათზე, მთავარ დარბაზში, სადაც შეხვდებიან მასწავლებლებს და გაეცნობიან MYP პროგრამას საგმენის მიხედვით.

13 სექტემბერს PYP პროგრამის (1–5 კლასი) მშობელთა საორიენტაციო შეხვედრა გაიმართა. ღონისძიების მთავარი მიზანი იყო მშობლების შეხვედრა და ახალი სასწავლო წლის ეფექტური დაგეგმვა. შეხვედრაზე მშობლები გაეცნენ რას უნდა ელოდონ მომავალ წელს. დაწყები პროგრამის ხელმძღვანელობმა წარმოადგინეს სასკოლო პოლიტიკა, სასწავლო გეგმა და შეფასების სისტემა. მოსწავლეებს, მასწავლებლებსა და მშობლებს ვუსურვებთ ბედნიერ და წარმატებულ ახალ სასწავლო წელს!