11 სექტემბერს “ევროპულ სკოლას“ ევროპარლამენტის ინტერკულტურული ურთიერთობების დეპარტამენტის უფროსი რომან შტრასე ესტუმრა. შტრასემ “ევროპული სკოლის“ და “საქართველოს ახალგაზრდა დიპლომატების“ წარმომადგენლებთან ერთად, საქართველოში ვიზიტის მიზნები და სამომავლო გეგმები განიხილა. ევროკავშირი-საქართველოს მეგობრობის ჯგუფის გენერალური მდივანმა ახალი საერთაშორისო პროექტები დააანონსა, რომელიც ახალგაზრდა დიპლომატებისთვის, ევროპარლამენტის ეგიდით, ბრიუსელში ჩატარდება. შეხვედრის დასასრულს “ევროპული სკოლის“ მოსწავლეებმა რომან შტრასეს სკოლის შენობის ტური ჩაუტარეს და მათი სწავლების მეთოდები დეტალურად აუხსნეს. რომან შტრასეს ვიზიტი “ევროპულ სკოლაში“ ამა წლის აპრილის თვეში, ევროპარლამენტში გაფორმებული ოთხმხრივი ურთიერთთანამშრომლობის მემორანდუმის ფარგლებში დაიგეგმა.

“ევროპული სკოლის“ მოსწავლეებს სწავლის დაწყება ბავშვთა ფიზიკური აღზრდის აკადემია “1-2-3“-მა მიულოცა. აკადემიის მწვრთნელებმა და ფიზ. თერაპევტებმა სახალისო გაკვეთილი ჩაუტარეს ბავშვებს. აქტივობას ასევე ესწრებოდა საქართველოს ოლიმპიური ნაკრებების მთავარი ექიმი ზურაბ კახაბრიშვილი. იგი ესაუბრა ბავშვებს ფიზიკური აღზრდისა და ჯანსაღი კვების მნიშვნელობაზე. ოლიმპიური ნაკრების სამედიცინო ჯგუფი ზრუნავს “1-2-3“-ის წევრების ჯანმრთელობაზე და აკადემიის ფიზ. თერაპევტებთან ერთად სისტემატურ მონიტორიგს უწევს მათ სწორ განვითარებას. “ევროპული სკოლის“ მოსწავლეებს “1-2-3“-ის აკადემიაში ვარჯიშის შესაძლებლობა აქვთ სკოლიდან გაუსვლელად, საგაკვეთილო პროცესის დასრულების შემდგომ. “1-2-3“ ადგილია, სადაც ბავშვებს პროფესიონალები ავარჯიშებენ!

IB PYP სტანდარტებისა და პრაქტიკის შესაბამისად “სკოლა, როგორც საზოგადოება სადაც სწავლობენ დაინტერესებულია ერთობლივად სასწავლო გეგმების შემუშავებით.” ამ კვირაში PYP პროგრამის პედაგოგებს ჰქონდათ შესაძლებლობა პირველად ერთობლივად დაეგეგმათ საგაკვეთილე პროცესი. თანამშრომლობის დაგეგმვა უფრო მეტია, ვიდრე მხოლოდ მასწავლებლები, რომლებიც ერთად მუშაობენ დოკუმენტზე. ერთობლივი თანამშრომლობა საშუალებას აძლევს მასწავლებელს შექმნან სხვადასხვა საგნის საგაკვეთილელე გეგმები სფეროების ინტეგრაციის გზით. ჩვენს მასწავლებლებსა და მოსწავლეებს ვუსურვებთ განსხვავებული იდეებით და საინტერესო კითხვებით წარმართონ საგაკვეთილე პროცესი.

“ევროპულ სკოლაში“ პედაგოგები მოსწავლეთა შეფასებას ელექტრონულ ჟურნალში ათავსებენ, რომელიც ადვილად ხელმისაწდომია მშობლებისთვის. ქართული პროგრამის დაწყებითი კლასის პედაგოგებისთვის სპეციალური ტრენინგი ჩატარდა ელექტრონული ჟურნალის გამოყენების გაუმჯობესებულ მეთოდებზე. მასწავლებლები გაეცნენ ახალი ელექტრონული ჟურნალის მუშობის პრინციპებს და უკეთ შეისწავლეს ახალი ტექნოლოგიების გამოყენება ყოველდღიურ საქმიანობაში.

9 სექტემბერს, ჩვენს პატარებს კიდევ ერთხელ გაუღო კარი ევროპულმა საბავშვო ბაღმა ელისის ჯადოსნურ სამყაროში მოსახვედრად. ბავშვებს აქ დახვდათ მხიარული ატმოსფერო: ითამაშეს ზღაპრის გმირებთან ერთად, იხალისეს ჯამბაზის ოინებზე, მოიხატეს სახე, გააფერადეს გიგანტური ვარდები, შექმნეს ქვიშის აპლიკაცია და გადაიღეს სამახსოვრო ფოტოები ფერადი საპნის ბუშტების ფონზე.

9 სექტემბერს ახალი სასწავლო წლის დაწყებასთან ერთად სიხარულით შეხვდა “ევროპული სკოლა“ მოსწავლეებს, პედაგოგებსა და მშობლებს. სიამაყით გვინდა გაცნობოთ, რომ სკოლამ კიდევ ერთი საერთაშორისო აღიარება მოიპოვა და ახალი სასწავლო წელი სასიამოვნო სიახლით დაიწყო. “ევროპული სკოლა“ (CIS) საერთაშორისო სკოლების საბჭოს პირველი აკრედიტებული სკოლა გახდა საქართველოში.

6 სექტემბერს “ევროპულ სკოლაში“ მნიშვნელოვანი შეხვედრა გაიმართა. წელს ჩვენი სკოლა საერთაშორისო სკოლების საბჭოს (CIS) აკრედიტებული პირველი სკოლა გახდა საქართველოში და ამიტომაც ისაუბრეს CIS მიერ გაწეული რეკომენდაციების შესრულების შესახებ. სკოლის დირექტორმა სოფიო ბაზაძემ წარადგინა ახალი სასწავლო წლის სამომავლო გეგმები და განსაზღვრა სტრატეგიული მიზნები.

პროფესიული განათლების ხელშეწყობა “ევროპულ სკოლაში“ ძალიან მნიშვნელოვანია, ამიტომაც საერთაშორისო ბაკალავრიატის MYP პროგრამის პედაგოგებისთვის 2 დღიანი პროფესიული სემინარი ჩატარდა, სადაც განიხილეს MYP სწავლების სპეციფიკა, გაეცნენ ამ პროგრამის მნიშვნელოვან მახასიეთებლებს და იმსჯელეს თუ როგორ გახადონ უფრო პროგრესული MYP პროგრამის შესწავლა ჩვენს სკოლაში. “ევროპული სკოლის“ პროფესიონალთა გუნდს შეემატა საერთაშორისო ბაკალავრიატის საბაზო საფეხურის IB (MYP) პროგრამის ხელმძღავნელი რიზ ხანი, რომლიც უძღვებოდა სემინარს ორი დღის განმავლობაში. საგანმანათლებლო, შემეცნებითი და პრაქტიკული შინაარსის ამგვარი ტრენინგი საინტერესო აღმოჩნდა ყველა პედაგიგისთვის.

ევროპული საბავშვო ბაღი სასწავლო წელს განაახლებს 9 სექტემბერს, 11 საათზე.