“ევროპული სკოლის“ კალათბურთელთა გუნდმა “Tbilisi Basketball Classic 2020“-ჩემპიონატზე A ჯგუფში დაიკავა პირველი ადგილი და გადავიდა მეოთხედფინალში, სადაც დაამარცხა QSI და გ. ზალდასტანისვილის სახელობის აკადემიის გუნდები. ფინალში მატჩი დაძაბული და საინტერესო აღმოჩნდა, სადაც ორი მოთამაშე ტრამვის გამო გამოეთიშა ასპარეზობას, რამაც გავლენა იქონია საბოლოო შედეგზე და ფინალი დასრულდა “ევროპული სკოლა“-QSI თბილისის გუნდებს შორის ანგარიშით -74:79.

11 თებერვალს ავსტრიის ელჩი საქართველოში არად ბენკო გვეწვია “ევროპულ სკოლაში.“ საპატიოს სტუმარს “ევროპული სკოლის“ დირექციასთან ერთად ავსტრიაში ყველაზე გავრცელებული სახელის მქონე ჰანა და მორიცი შეეგებნენ. დარბაზში მსოფლიოში ცნობილი ავსტრიელი მწერლების, კომპოზიტორებისა და მხატვრების პორტრეტების გამოფენა მოეწყო. გამოიფინა ზიგმუნდ ფროიდის, ჰერმან ბროხის და შტეფან ცვაიგის წიგნების ქართული თარგმანებიც. ვიზიტის მთავარი თემა ავტრიის უკეთ გაცნობა და საქართველო-ავსტრიის ურთიერთობები იყო. მოსწავლეებმა და მასწავლებლებმა წარმოადგინეს პრეზენტაციები ორი ქვეყნის შესახებ. ბ-ნმა ელჩმა ინტერაქტიულ რეჟიმში უპასუხა მოსწავლეთა შეკითხვებს და დიდი ინტერესით მოუსმინა მათ გამოსვლებს.

“ევროპული სკოლის“ ქართული პროგრამის პირველკლასელებს შორის სკოლის სპორტულ დარბაზში ,,მხიარული სტარტები“ ჩატარდა. მოსწვალეები ერთმანეთს სხვადსხვა სპორტულ აქტივობებში შეეჯიბრნენ. ორგუნდათ დაყოფილი პატარები ერთმანეთს ეჯიბრებოდნენ: სირბილში, ბატუტზე ხტომასა და ჰოლაჰუპში გაძრომაში. თამაში ფრედ 3:3 დასრულდა.

მთელი კვირის განმავლობაში ქართული პროგრამის I ა,ბ და გ კლასის მოსწავლეებმა აქტიური მონაწილეობა მიიღეს მათემატიკულ ვიქტორინაში, რომელიც “ევროპული სკოლის“ SMART ოთახში ჩატარდა. პირველკლასელთა დამკვირვებლები და შემფასებლები მეხუთეკლასელები იყნენ. ვიქტორინის მიზანი იყო მოსწავლეთა შორის ურთიერთანამშრომლობა და გამოცდილების გაზიარება, რაც ეხმარებათ პატარებს მათემატიკური აზროვნების ჩამოყალიბებაში.

“ევროპული სკოლის“ სახელმწიფო და სამართლის პედაგოგის მაია მელიქიშვილის, ქიმიის პედაგოგის ხათუნა კაპანაძის და მე-10ა,ბ კლასის მოსწავლეების მიერ ინიცირებული პროექტის ,,კრიმინალისტიკა და სამართალი“ ფარგლებში, 4 თებერვალს მოსწავლეთა ინფორმირების მიზნით სკოლაში მოწვეული იყო შშს საექსპერტო კრიმინალისტიკური დეპარტმენტის დირექტორი ბ-ნ სერგო ძაგნიძე. შეხვედრამ დიდი ინტერესი გამოიწვია მოსწავლეებში. ბატონმა სერგომ შეძლო მათი დაინტერესება ამ რთული და საინტერესო საქმიანობით. პროექტი არის გრძელვადიანი და მის ფარგლებში იგეგმება რამდენიმე საინტერესო ღონისძიება.

5 თებერვალს “ევროპულ სკოლას“ “ვებსტერის უნივერსიტეტის“ კანცლერი და მმართველი დირექტორი ვასილის ბოტოპულოსი და ვიცეკანცლერი სასწავლო დარგში სიუზი მიხაილიდისი ეწვივნენ სტუმრად. სკოლის ადმნისისტრაციასა და უნივერსიტეტის წარმომადგენლებს შორის გამართული შეხვედრის შემდეგ სტუმრებმა “ევროპული სკოლის“ დამამთავრებელი კლასის მოსწავლეებს წარუდგინეს “ვებსტერის უნივერსიტეტის“ ათენის კამპუსის შესახებ ინფორმაცია. გააცნეს უნივერსიტეტში არსებული აკადემიური შემოთავაზებები. ვიზიტორებმა “ვებსტერის უნივერსიტეტიდან“ დაათვალიერეს “ევროპული სკოლა“ და მოინახულეს სხვადასხვა ლაბორატორიები.

წიგნის საჯაროდ კითხვის დღე მსოფლიოში ცნობილი ღონისძიებაა, რომელსაც ყოველწლიურად 100-ზე მეტ ქვეყანაში აღნიშნევენ და ხმამაღლა კითხულობენ წიგნის მოყვარულები. “იკითხე ხმამაღლა, შეცვალე მსოფლიო!“-ამ დევიზით “ევროპული სკოლის“ მოსწავლეების მიზანია შეუერთდეს სასარგებლო ინიციატივას და გახდეს მსოფლიოს ამ მასშტაბური ღონისძიების ნაწილი. მოსწავლეებმა ქართულ და ინგლისურ ენაზე წაიკითხეს, როგორც საბავშვო ლიტერატურის კლასიკოსი მწერლების შემოქმედება, ასევე საკუთარი პოეტური და პროზაული ნაწარმოებები.

“ევროპულ სკოლას“ სამუშაო ვიზიტით “განათლების ხარისხის განვითარების ეროვნული ცენტრის“ დირექტორის მოადგილე ბ-ნ კახა ერაძე დელეგაციასთან ერთად ეწვია. გაიმართა საქმიანი შეხვედრა სკოლის დირექტორთან და IB პროგრამის ხელმძღვანელთან, სადაც ისაუბრეს განათლების ხარისხსზე, CIS სტანდარტზე “ევროპულ სკოლაში“ და IB პროგრამების თავისებურებებზე. “განათლების ხარისხის განვითარების ეროვნული ცენტრის“ წარმომადგენლებმა დაათვალიერეს “ევროპული სკოლის“ ინფრასტრუქტურა, ლაბორატორიები, FabLab-ი, Mac-ის ოთახი, შეხვედნენ მოსწავლეებს და გაეცნენ ინოვაციურ პროექტებს.

”ევროპული სკოლის” საბაზო და საშუალო საფეხურის მოსწავლეები 22 იანვარს სკოლის ბიბლიოთეკაში დაესწრნენ შეხვედრას, რომელზეც მოწვეული იყო კურსდამთავრებულთა ასოციაციის თავმჯდომარე ნანუკა გოგუაძე. მოსწავლეებმა შეკითხვები დაუსვეს სტუმარს და საინტერესო რჩევებიც მიიღეს სამომავლო კარიერის შესახებ. ქართული პროგრამის კოორდინატორ ინგა თოლორაიას პროექტი-წარმატებულ კურსდამთავრებულებთან შეხვედრა მიზნად ისახავს სკოლის მოსწავლეთა დაკავშირებას სხვადასხვა დარგში წარმატებულ კურსდამთავრებულებთან, რომლებიც მზად არიან, ურჩიონ მოსწავლეებს, როგორ გაართვან თავი სირთულეებს და ნაყოფიერად გაატარონ სკოლის თუ შემდგომი წლები. ნანუკა გოგუაძე ისევე, როგორც სხვა კურსდამთავრებულები, რომლებიც საზღვარგარეთ სწავლობენ და მუშაობენ, არის სკოლის ერთგვარი ელჩი, რომელიც გამოთქვამს მზაობას ჩაერთოს და წვლილი შეიტანოს სკოლის ცხოვრებაში. იგი წელს ნიუ იორკის უნივერსიტეტის სტერნის ბიზნეს სკოლის საბაკალავრო პროგრამებს ამთავრებს ფინანსებისა და მენეჯმენტის მიმართულებებით, ასევე მეორად სპეციალობას ეუფლება ფსიქოლოგიის განხრით. ნანუკა ზაფხულში ფორბსის სტიპენდიანტი გახდა, რამდენიმე თვის წინ კი, პრაქტიკული გამოცდილების შეძენის მიზნით, მუშაობა დაიწყო გაეროს ეკონომიკისა და ფინანსების კომიტეტში. კურსდამთავრებულთა ასოციაციის თავმჯდომარემ გაიხსენა სასიამოვნო მომენტები სკოლის ცხოვრებიდან, ყურადღება გაამახვილა ისეთ სასკოლო გამოცდილებებზე, რომლებიც განსაკუთრებით ღირებული აღმოჩნდა უნივერსიტეტის წლებში თუ სამსახურეობრივი საქმიანობისას, მან ასევე სამომავლო გეგმები გაანდო მოსწავლეებს და საინტერესო რჩევებიც მისცა მათ. დამსწრეებმა სტუმარს მრავალი შეკითხვა დაუსვეს და დიდი ინტერესიც გამოხატეს რესპოდენტის მონათხრობის მიმართ. ასეთი ტიპის შეხვედრები უსათუოდ გადაიქცევა მარცვლად, რომელიც მოსწავლეთა მოტივაციას მნიშვნელოვნად გააღვივებს.