ახალი ამბები

#შენისკოლაშენთანაა

12 Sep 2020

ტექნოლოგიები XXI საუკუნის საკლასო სივრცეში უმნიშვნელოვანეს როლს თამაშობს. “ევროპულ სკოლაში“ ინტენსიურად მიმდინარეობს საგანმანათლებლო ტექნოლოგიების ინტეგრირება საგაკვეთილო პროცესში, რათა უფრო ეფექტიანი და მოსწავლის საჭიროებებზე მორგებული გავხადოთ სწავლა-სწავლება ახალ რეალობაში. ჩვენი მიზანია, დისტანციური სწავლების გამოწვევები ადვილად დაძლევადი, პროცესი კი საინტერესო და მაქსიმალურად მოქნილი იყოს პირველკლასელთათვის და მათი მშობლებისთვის. ამ მიზნის მისაღწევად სკოლა ყველა პირველკლასელს გადასცემს მულტიფუნქციურ თანამედროვე მოწყობილობას, რომელიც მნიშვნელოვნად დაეხმარება ჩვენს პატარებს. მათთვის დისტანციური სწავლება კიდევ უფრო მიმსგავსებული გახდება პირისპირ სწავლებასთან ახალი ტექნოლოგიური რესურსების: ინტერაქტიული დაფების, საკონფერენციო კამერებისა და დოკუმენტ-სკანერების დახმარებით, რომლებსაც ჩვენი მასწავლებლები აქტიურად გამოიყენებენ ონლაინ გაკვეთილების მსვლელობისას.

სიახლე!

11 Sep 2020

ქვეყანაში არსებული ეპიდსიტუაციიდან გამომდინარე, “ევროპულ სკოლაში“ სწავლა 15 სექტემებერს ონლაინ რეჟიმში დაიწყება.

ინტერაქტიული დაფები და ტრენინგები

11 Sep 2020

მასწავლებელთა უწყვეტი პროფესიული განვითარების ხელშეწყობა და ახალი ტექნოლოგიების დანერგვა “ევროპული სკოლის“ ერთ-ერთი მთავარი მიზანია. სკოლა მუდმივად ვითარდება და ახლაც, ცვალებად საინფორმაციო გარემოში, განსაკუთრებულად ემზადება ახალი სასწავლო წლისთვის.

გამოწვევებით აღსავსე პერიოდში მიღებული მაღალი შედეგები

26 Aug 2020

ვულოცავთ 2020 წლის კურსდამთავრებულებს სადიპლომო პროგრამის გამორჩეული შედეგებით დასრულებას! წელს ოცდათვრამეტმა მოსწავლემ დაამთავრა სადიპლომო პროგრამა “ევროპულ სკოლაში“. მათ, აქამდე უცნობ, გლობალურ პრობლემებთან მოუხდათ შეჭიდება, მაგრამ შეძლეს წინააღმდეგობების დაძლევა და მაღალი ქულების დემონსტრირება. მათი დიპლომის საშუალო ქულა - 35 ბევრად მაღალია მსოფლიო IB სკოლების საშუალო მაჩვენებელზე (30 ქულა) და სხვაობაც უფრო შთამბეჭდავია, ვიდრე წინა წლებში. ჩვენმა მოსწავლეებმა საგნობრივ ნიშნებშიც კარგი შედეგები აჩვენეს, საშუალო 5.54 ქულა მაქსიმალური 7-დან მსოფლიო მაჩვენებელზე (4.8 ქულა) გაცილებით მაღალია. სადიპლომო პროგრამის კურსდათავრებულთა 84 %-მა მიიღო დიპლომი, მაშინ როცა მსოფლიო მაჩვენებელი არის 79.1%. ვულოცავთ წარმატებას ჩვენს IB კურსდამთავრებულებს, მათ მასწავლებლებსა და მშობლებს!

წარმატებები გრძელდება!

24 Aug 2020

“ევროპულ სკოლას“ საქრთველოს მაშტაბით უპრეცენდეტო 15 Microsoft Innovative Educator Expert პედაგოგი ყავს. ინოვაციური გზით სვლა სკოლის მთავარი მიზანია და მიღწევები ამ გზაზე ძალიან მნიშვნელოვანია. საერთაშორისო სკოლა-“ევროპული სკოლა“ Microsoft-ის მეგობარი სკოლაა და ურთიერთთანამშრომლობის ფარგლებში პედაგოგებმა უპრეცენდენტო წარმატებას მიაღწიეს, მოიპოვეს MIE Experts (მაიკროსოფტის ინოვატორი ექსპერტ-მასწავლებელი) 2020-2021-ის წოდება.

2020 წლის კურსდამთავრებულები

09 Jul 2020

წელს “ევროპული სკოლის“ გამოსაშვები საღამო არსებული რეგულაციების გათვალისწინებით, უსაფრთხოების წესების სრული დაცვით ჩატარდა. ქართული პროგრამის, საერთაშორისო ბაკლავრიატის და ამერიკული უმაღლესი სკოლის კურსდამთავრებულები დიპლომებით დაჯილდოვდნენ. კურსდამთავრებულებს სკოლის დამთავრება მიულოცეს ქართული პროგრამის დირექტორმა სოფიო ბაზაძემ, IB პროგრამის ხელმძღვანელმა დოქტორმა ბრაის ბომომ და AHS-ის დირექტორმა ირმა ბარბაქაძემ.

“ევროპული სკოლის“ გუნდი Microsoft-მა სერტიფიკატებით დაჯილდოვდა

28 Jun 2020

კომპანია Microsoft-ის ორგანიზებით საერთაშორისო ღონისძიება “გაკვეთილი საზღვრების გარეშე Microsoft Teams-თან ერთად” ონლაინ რეჟიმში გაიმართა, სადაც 6-მა ქევეყანამ მიიღო მონაწილობა და საქართველო “ევროპული სკოლის“ გუნდმა წარადგინა. “ევროპული სკოლა“, პედაგოგები-შორენა აბესაძე, გურანდა გოგალაძე და მოსწავლეები: მიშიკო გაბაიძე, ნიაზ მაჰდავი, ნინი გაბაიძე, ანამარია იაკობიძე, ანა დიასამიძე, ნუგზარ შოშიაშვილი, ანასტასია გობიანიძე და მარიამ ჯახუა კომპანია Microsoft-მა სპეციალური სერტიფიკატებით დააჯილდოვა.

“ევროპული სკოლის“ ქართული პროგრამის დაწყებითი საფეხურის ასამბლეა

21 Jun 2020

დისტანციური სწავლების დასასრულს “ევროპულ სკოლაში“ ქართული პროგრამის დაწყებით საფეხურზე ასამბლეა ჩატარდა. თემების შეჯამებისა და წარდგენის ფორმა მოსწავლეებისთვის უცხო არ არის, თუმცა ონლაინ პრეზენტაციები, მოწვეული სტუმრები, ცოცხალი ჩართვები, პერსონალური პროექტის წარდგენა, მოსწავლეთა და მასწავლებელთა დაჯილდოვების საზეიმო ცერემონიალისთვის მზადება გვაფიქრებდა იმაზე, თუ რამდენად უხარვეზოდ ჩაივლიდა პროცესი.