ყვავილების ფესტივალი ევროპულ სკოლაში
ევროპულ სკოლაში “ყვავილების ფესტივალი“ გაიმართა, რომელმაც სასკოლო საზოგადოება საქველმოქმედო მიზნით გააერთიანა.
ფესტივალის ფარგლებში მოეწყო თექის ნამუშევრების გამოფენა, ყვავილების გამოფენა-გაყიდვა და მრავალფეროვანი კულტურული პროგრამა. ღონისძიებას განსაკუთრებული ხიბლი შესძინა მოსწავლეების მიერ შესრულებულმა საცეკვაო და საკონცერტო ნომრებმა, რომლებმაც დამსწრე საზოგადოების დიდი მოწონება დაიმსახურა.
ფესტივალს საქველმოქმედო ხასიათი ჰქონდა. გამოფენა-გაყიდვის შედეგად შეგროვებული თანხა დიუშენის კუნთოვანი დისტროფიით დაავადებულ ბავშვთა მხარდამჭერ ფონდში გადაირიცხა.
ღონისძიებამ კიდევ ერთხელ წარმოაჩინა ევროპული სკოლის მოსწავლეების შემოქმედებითი შესაძლებლობები, აქტიური ჩართულობა და სოციალური პასუხისმგებლობა, რაც მსგავსი ინიციატივების მნიშვნელოვან ღირებულებას უსვამს ხაზს.
