დედამიწაზე გარემოს გაუმჯობესების მიზნით “ევროპული სკოლის“ მოსწავლეები აქტიურად ჩაერთნენ გარემოსდაცვით აქტივობებში. მათ მოამზადეს პროექტი “საქართველოს ეკოსისტემების“ შესახებ და ღონისძიებაზე სტუმრად მოიწვიეს “საქართველოს დაცული ტერიტორიების სააგენტოს“ წარმომადგენელი ნინი კიკნაძე. პროექტ “ენერგიის ალტერნატიული წყაროების“ ფარგლებში, “ევროპულ სკოლაში“ სტუმრად გვეწვია “საქართველოს გეოთერმული ასოციაციის“ პრეზიდენტი გიორგი მელიქიძე და გეოლოგი ლევან ცერცვაძე. უმცროსკლასელებმა სკოლის ეზოში დარგეს ნერგები, ორანჟერეაში გადარგეს მცენარეები და Smart მაგიდების გამოყენებით დაახარისხეს ნარჩენები.

“ევროპული სკოლის“ მოსწავლეების სააღდგომო სამზადისი! ჩვენი პატარები ხალისიანი განწყობით, საკუთარი ხელით შექმნილი თექის და ქაღალდის  დეკორაციებით ეგებებიან აღდგომის დღესასწაულს. 

“ევროპულ სკოლაში“ უცხო ენების სწავლა-სწავლება პრიორიტეტულია, წახალისებულია ახალი ინიციატივები, ახალი მეთოდები, ენების შესწავლის ინოვაციური პროექტები.

“ევროპული სკოლის“ მოსწავლეებმა, რომლებიც ფრანგულ ენას ეუფლებიან, ფრანკოფონიის დღე იზეიმეს 4 აპრილს. მათ უმასპინძლეს კავკასიის ფრანგული სკოლიდან სტუმრებს: სკოლის დირექტორს კამელ იასილის და მოსწავლეებს, რომლებმაც საფრანგეთ-საქართველოს ურთიერთობის თემაზე შექმნილი წიგნის პრეზენტაცია მოაწყვეს. ღონისძიებაზე გაჟღერდა ფრანგული სიმღერები, შესრულდა ცეკვები.

24 მარტს  “ევროპული სკოლის“ საუნივერსიტეტო განათლების ოფისის ორგანიზებით მოეწყო უნივერსიტეტების გამოფენა, სადაც დამამთავრებელი კლასების მოსწავლეებს მიეცათ შესაძლებლობა, შეხვედროდნენ IE University, Bocconi University, Trinity College Dublin, Constructor University (Formerly Jacobs University) და Modul University Vienna-ის წარმომადგენლებს. უნივერსიტეტების მიღება - ჩარიცხვის სამსახურის  წარმომადგენლებთან შეხვედრას  მნიშვნელოვანი როლი აქვს საუნივერსიტეტო სამზადისში, ეხმარება მოსწავლეებს  გადაწყვეტილების მიღებაში, თუ სად და რატომ უნდა ჩააბარონ, რომელი კარიერული გზა იქნება მათთვის შესაფერისი.

გარემოსდაცვითი ინფორმაციისა და განათლების ცენტრის ორგანიზებით, ევროპული სკოლის მოსწავლეებს ატმოსფერული ჰაერის ხარისხის შესახებ ლექცია ჩაუტარდათ. შეხვედრა გარემოსდაცვითი ინფორმაციისა და განათლების ცენტრის დირექტორის მოადგილემ, ეკატერინე ბენდელიანმა გახსნა და გარემოსდაცვითი საკითხების მნიშვნელობაზე ისაუბრა. ატმოსფერული ჰაერის ხარისხის ძირითად დამაბინძურებლებსა და ადამიანის ჯანმრთელობაზე გავლენაზე ლექცია გარემოს დაცვისა და სოფლის მეურნეობის სამინისტროს ატმოსფერული ჰაერის სამმართველოს ხელმძღვანელმა, ნოე მეგრელიშვილმა ჩაატარა.

27 თებერვალს,“ ბავშვის უფლებათა“ კვირეულის ფარგლებში, ევროპულ სკოლაში, გაიმართა შეხვედრა ბავშვის უფლებებთან დაკავშირებით. შეხვედრა გახსნა სსიპ იურიდიული დახმარების სამსახურის დირექტორის მოვალეობის შემსრულებელმა ბატონმა დავით სიმონიამ, მან სკოლის მოსწავლეებს მიაწოდა ინფორმაცია სამსახურის სერვისებისა და პროექტების შესახებ. შეხვედრის მეორე ეტაპზე სამსახურის იურისტ-ანალიტიკოსმა ნანო ვაჭარაძემ ისაუბრა ბავშის უფლებათა დაცვის ეროვნულ და საერთაშორისო კანონმდებლობაზე, ასევე მიმოიხილა ისეთი მნიშვნელოვანი საკითხები, როგორიცაა: ბულინგი, ინკლუზიური განათლება, ტოლერანტობა, გენდერული თანასწორობა და სხვა. შეხვედრის ბოლოს სამსახურის ფსიქოლოგებმა: ქეთი ჯაყელმა და ნინო ჩაჩავამ, პრაქტიკული სავარჯიშოების გამოყენებით ბავშვებს მისცეს შესაძლებლობა ჩართულიყვნენ დისკუსიაში.

“ევროპულ სკოლაში“ გაიმართა რობოტიკის შეჯიბრი, რომელშიც III-IV კლასის მოსწავლეთა გუნდები რობოტ Botley-ის მართვაში გაეჯიბრნენ ერთმანეთს. თითოეულ გუნდს მიეცა დავალება, შეედგინა ალგორითმი და რობოტი უმოკლესი გზით მიეყვანა ფინიშის ხაზთან, ნავიგაციისას Botley გაეტარებინა სწორი ხაზის გასწვრივ და განეხორცილებინა მოხვევები. მიცემული დავალების შესრულება სახალისო იყო მოსწავლეებისთვის. მათთვის შეჯიბრი საინტერესო გამოწვევაც აღმოჩნდა და სახალისო სასწავლო გამოცდილებაც.

“ევროპულ სკოლაში“ მშობლიური ენის საერთაშორისო დღის აღსანიშნავად 21 თებერვალს რამდენიმე ღონისძიება გაიმართა. MYP პროგრამის მოსწავლეები შეხვდნენ ნოდარ დუმბაძის ქალიშვილს, რომლისგანაც საყვარელი ნაწარმოებების შესახებ მათთვის უცნობი დეტალები შეიტყვეს. PYP პროგრამის მოსწავლეებმა, ლელა ცუცქირიძის წიგნ “ ანბანთ ანგელოზების“ შთაგონებით, შექმნეს საკუთარი ასოები და მწერალს წარუდგინეს. ლინგვისტური და კულტურული მრავალფეროვნების, ასევე მრავალენონვნების წახალისების მიზნით მოეწყო MYP ასამბლეა, სადაც მოსწავლეებმა მშობლიური ენისადმი პატივისცემა შვიდ ენაზე: ჩინურ, ინგლისურ, ფრანგულ, გერმანულ, იტალიურ, რუსულ და უკრაინულ ენებზე  გამოხატეს და დაუვიწყარი ელფერი შესძინეს დღსასწაულს.