მასწავლებელთა პროფესიული განვითარებისა და კარიერული წინსვლის სქემის ფარგლებში “ევროპული სკოლის“ მათემატიკის დეპარტამენტის ხელმძღვანელს, მათემატიკის პედაგოგ პეტრე ბაბილუას მიენიჭა მენტორის წოდება.

9 ნოემბერს მეორე კლასის მოსწავლეები ეწვივნენ პოლიგრაფიულ სტამბა "პოლიპრინტს". მოზარდები გაეცნენ ქაღალდის დამუშავების ტექნოლოგიას და დიდი ინტერესით ჩაერთვნენ სახალისო აქტივობაში - დაამზადეს ქაღალდის ქუდები “ევროპული სკოლის“ ლოგოთი.

1-3 ნოემბერს “ევროპული სკოლის“  სამივე პროგრამის მე-10 კლასის მოსწავლეებმა პროექტის ფარგლებში მონაწილეობა მიიღეს ეთნოტურში - “ჩვენი ქალაქის ისტორია“ დათო ტურაშვილთან ერთად.  ექსკურსია ორგანიზებული იყო ქართული ენისა და ლიტერატურის კათედრის მიერ. (პედაგოგები: თამარ ლომიძე, თეკლა ბერაძე, რუსუდან ბრეგაძე და მაია წენგუაშვილი).

3 ნოემბერს ქართული პროგრამის მე-3-4 კლასის მოსწავლეებმა მოაწყვეს "შავი ზღვის საერთაშორისო დღისადმი" მიძღვნილი  გამოფენა.

1 ნოემბერს “ევროპულ სკოლას“ პროექტით “წიგნიერება“  საქართველოს პარლამენტის ეროვნული ბიბლიოთეკის გენერალური დირექტორი, მწერალი გიორგი კეკელიძე ესტუმრა.

27 ოქტომბერს ევროპული სკოლის ქართული პროგრამის დაწყებითი კლასების მოსწავლეებმა აღნიშნეს “სკოლის ბიბლიოთეკის დღე“. ბუნებრივია, ღონისძიება დაიგეგმა ჩვენი სკოლის ბიბლიოთეკაში.

“ევროპული სკოლის“ Vბკლასის მოსწავლეები ესტუმრნენ კულტურის სახლ ” მუზას”; მოუსმინეს ლექციას “ვეფხისტყაოსნის” ილუსტრატორების შესახებ. გაიცნეს ცნობილი ქართველი და უცხოელი მხატვრები , რომლებმაც დაასურათეს წიგნი. პრაქტიკული დავალების დროს კი თავად შეეცადნენ დაესურათებინათ “ვეფხისტყაოსნის” ერთ-ერთი აფორიზმი.

“ვროპული სკოლის” Vა კლასის მოსწავლეები ესტუმრნენ თბილისის ეროვნულ არქივში ორგანიზებულ გამოფენას: “თბილისი ურბანული ცვლილებები”.  გამოფენაზე წარმოდგენილი ფოტოგრაფიული მასალა  გვთავაზობდა ილუსტრაციას იმ ობიექტებისა, რომლებიც ან არ შემორჩა,  ან მნიშვნელოვანი სახეცვლილება განიცადა.

26 ოქტომბერს “ევროპული სკოლის“  დაწყებითი კლასების მოსწავლეები,  ანიმაციის  დღესთან დაკავშირებით,  თავიანთი საყვარელი ზღაპრის გმირების ფორმებში გამოცხადდნენ. მათ  სტუმრად ეწვივნენ ხელოვნების მუზეუმის თანამშრომლები, რომლებმაც ბავშვებს  მარტივი ანიმაციები შეაქმნევინეს. მოსწავლეები შეთავაზებულ აქტივობაში ხალისითა და ინტერესით ჩაერთვნენ.