”ევროპული სკოლა“  აცხადებს მოსწავლეთა მიღებას 2016-2017 სასწავლო წლისათვის ქართულ,  IB (საერთაშორისო ბაკალავრიატის)  და AHS (ამერიკული სკოლის) პროგრამებზე, აგრეთვე სკოლამდელი აღზრდის სასწავლო ცენტრში.   პარასკევს, 25 მარტს, 17 საათზე "ევროპული სკოლა“ ატარებს ღია კარის დღეს.  გთხოვთ, მობრძანდეთ!"ევროპული სკოლის“ ადმინისტრაცია

CIS - საერთაშორისო სკოლების საბჭოა, რომელიც უზრუნველყოფს უმაღლესი ხარისხის საერთაშორისო განათლებასა და მოსწავლეთა გლობალურ მოქალაქეებად ჩამოყალიბებას.   დღეისათვის CIS აერთიანებს 110 ქვეყნის 660-ზე მეტ  სკოლას და  475 კოლეჯსა და უნივერსიტეტს. ამ ორგანიზაციის წევრებს აქვთ რიგი უპირატესობები: მათ აქვთ რესურსები, რომლებიც მოსწავლეებსა და სკოლას აძლევს შესაძლებლობას,  დაუკავშირდნენ CIS-ის უმაღლესი განათლების წევრებს, მათ  შეუძლიათ ისარგებლონ CIS-ის კონსულტანტთა ქსელით და მრავალი სხვა.   CIS-ის წევრობის მისაღებად "ევროპულმა სკოლამ“  1-ლი და მე-2 ეტაპი  2015 წელს გაიარა.   მესამე ეტაპზე 2016 წლის 1-3 მარტს სკოლას ეწვია CIS-ის საბჭოს წევრი, კანადელი პროფესორი ალან სკოტი, რომელსაც საერთაშორისო სკოლების ხელმძღვანელობის ორმოცწლიანი გამოცდილება აქვს.   პროფესორი ალან სკოტი შეხვდა “ევროპული სკოლის“ ბორდს, პედაგოგებს, მოსწავლეებსა და  მშობლებს, გაეცნო მისთვის საინტერესო დოკუმენტებს, დაესწრო გაკვეთილებს.   საბჭოს წევრმა დადებითად შეაფასა "ევროპული სკოლის“ მიერ ჩატარებული სამუშაო.   საბოლოო  გადაწყვეტილებას CIS-ის საბჭო  უახლოეს პერიოდში მიიღებს.

"ჩვენ ვსწავლობთ XXI საუკუნეში“  ევროპული სკოლის ინფორმაციული და საკომუნიკაციო ტექნოლოგიების კათედრის კვირეული14 მარტი - 17 მარტი 

  18-26 თებერვალს "ევროპულ სკოლაში“ მიმდინარეობდა კონკურსი "ნიჭიერი“.   18 და 19 თებერვალს ჩატარდა კონკურსის  შესარჩევი მოსმენა.   მოსმენაზე წარმოდგენილი  იყო  48 ნომერი. მათგან 40 ნომერი გადავიდა პირველ ტურში.  22-24 თებერვალს ჩატარდა პირველი ტური, რომელშიც წარმოდგენილი იყო  36 ნომერი. მათგან 15 ნომერი გადავიდა ფინალურ ტურში.   27 თებერვალს გაიმართა კონკურსის ფინალური ტური.

22 თებერვლიდან "ევროპული სკოლა“ აცხადებს კონკურსს. კონკურსი  "ყველაზე ნიჭიერი“ ჩატარდება  2 ტურად. თითოეულმა კლასმა უნდა წარმოადგინოს 2 ნომერი. გამარჯვებული დაჯილდოვდება სამდღიანი ტურით თანაკლასელებთან ერთად  გუდაურში.   კონკურსი ჩატარდება  3 ასაკობრივ ჯგუფში:      I – IV   კლასები;      V-VIII კლასები;      IX-XII  კლასები.   კონკურსის დასკვნითი (II) ტური ჩატარდება 2016 წლის 27 თებერვალს, 15:00 საათზე "ევროპული სკოლის“  სააქტო დარბაზში.  კონკურსში მონაწილეობისათვის  განაცხადების მიღება შესაძლებელია 15 თებერვლამდე (ოთახი N5).

ამა წლის 3 მარტიდან 8 მარტის ჩათვლით "ევროპულ სკოლაში" ცხადდება საგაზაფხულო არდადეგები. სასწავლო პროცესი განახლდება 9 მარტიდან.

2016 წლის 13 მაისს "ევროპული სკოლა" მასწავლებელთა პროფესიული განვითარების ეროვნულ ცენტრთან და ილიას სახელმწიფო უნივერსიტეტთან ერთად ატარებს მასწავლებელთა სასწავლო-მეთოდურ კონფერენციას