”უმეცრება არასდროს არის ცოდნაზე უკეთესი”.ენრიკო ფერმიევროპული სკოლის ფიზიკის და ქიმიის  კათედრის კვირეული 8 - 12 თებერვალი 

თბილისის თავისუფალი უნივერსიტეტის კონფუცის ინსტიტუტმა ა.წ. 25-29 იანვარს  ჩაატარა შემეცნებითი კონკურსი "რა ვიცით ჩინეთის შესახებ“ VII  – XII კლასის მოსწავლეთათვის და მოსწავლეთა ნახატების გამოფენა-კონკურსი  III – VI კლასის მოსწავლეთათვის.   ამ  კონკურსში "ევროპული სკოლიდან“ მონაწილეობდა 60-მდე მოსწავლე. გამარჯვებულები დაჯილდოვდნენ პრიზებით და გადაეცათ სერტიფიკატები. მათ შორის იყვნენ შემეცნებით კონკურსში გამარჯვებული მოსწავლეები: ნინო ზარაფიშვილი, სანდრო ზურაბიშვილი, გიორგი მაისაშვილი, ელენე ქობლიანიძე, ანა ყაფლანიშვილი (VIIა კლასი); ნინი დუმბაძე (MYP VII კლასი); ირაკლი ბეჟუაშვილი (VIII ა კლასი); თამარ ადამია (IX ა კლასი); ჩატა თათეშვილი (MYP IX  კლასი);  მარიამ ბაღდავაძე, მარიამ გობიანიძე, ანა გორდეზიანი, მარიამ თათეშვილი, ანი მარგველაშვილი, ნატალი მარგველაშვილი და ქეთევან ყამარაული (DP XI კლასი).   კონკურსებში გამარჯვებულთა დაჯილდოების ცერემონია გაიმართა 1 თებერვალს თბილისის თავისუფალ უნივერსიტეტში. დაჯილდოების ცერემონიას დაესწრო ჩინეთის სახალხო რესპუბლიკის ელჩი საქართველოში, საქართველოს სამინისტროებისა და უწყებების ხელმძღვანელები."ევროპული სკოლის“ ადმინისტრაცია

"ევროპულ სკოლას“ ორი თვით ეწვია  ამერიკის CollegeBoard-ის წევრი ჯორჯიის შტატის  ქალაქ ატლანტის საერთაშორისო სკოლის დირექტორი ჯეფრი ჰოლოვეი. სტუმარმა  რეკომენდაციები უნდა  მისცეს და კონსულტაციები გაუწიოს  American High School-ის დირექციასა და პედაგოგებს. 

"ევროპულ სკოლაში“ იხსნება ლათინური ენის კურსები, რომელიც მოსწავლეებს  საშუალებას მისცემს სურვილისამებრ შეისწავლონ ლათინური, როგორც  ელემენტარულ, ისე  მაღალ დონეზე.   ლათინური ენა მსოფლიოს მრავალ პრესტიჟულ კოლეჯსა და უნივერსიტეტში ისწავლება.   ლათინური, რომელსაც მარადიულ მსოფლიო ენასაც უწოდებენ, თანამედროვე სამეცნიერო ტერმინთა უმრავლესობას დაედო საფუძვლად. მისი ლექსიკა მსოფლიო და განსაკუთრებით, ევროპულ ენებს უხვად აქვს ნასესხები.   ლათინური ენის შესწავლა განსაკუთრებით სასურველია მომავალი მედიკოსებისათვის, სამართალმცოდნეებისათვის, ბიოლოგებისათვის და  აგრეთვე საერთაშორისო ურთიერთობების, ჰუმანიტარულ და სოციალურ-პოლიტიკურ მეცნიერებათა შესწავლის მსურველთათვის.   რადგანაც ლათინური ენა არაერთ თანამედროვე ევროპულ ენას დაედო საფუძვლად,  მისი  შესწავლა  ზოგადად აადვილებს უცხო ენების ათვისებასაც, ხოლო მისი ცოდნა, საყოველთაო ტრადიციით, პიროვნების მაღალ ერუდიციაზე მიანიშნებს.     მსურველებს გთხოვთ, ჩაეწეროთ ტრენინგ ცენტრში (ოთახი N5)."ევროპული სკოლის“ ადმინისტრაცია

“ევროპული სკოლის” IB სექტორის მოსწავლეთა 9 კაციანი დელეგაცია 16-21 იანვარს იმყოფებოდა რომში იტალიის გაეროს მოდელირების კონფერენციაზე IMUN 2016,  რომელშიც   იტალიისა და მსოფლიოს სხვადასხვა  ქვეყნის 150 სკოლიდან ჩასული 2500 დელეგატი იღებდა მონაწილეობას. ჩვენი მოსწავლეები სამ სხვადასხვა კომიტეტში: სამართლებრივი კომიტეტი (LEGAL), სოციალურ, ჰუმანიტარულ და კულტურის საკითხების კომიტეტსა (SOCHUM) და გაეროს განათლების, მეცნიერებისა და კულტურის ორგანიზაციაში (UNESCO) იყვნენ ჩართულები. ისინი მუშაობდნენ პოლიტიკური თავშესაფრის, ლგბტ პირების უფლებების დაცვისა და სირიის კულტურული მემკვიდრეობის დაცვის საკითხებზე.   მოსწავლეთათვის ეს კონფერენცია ძალიან ნაყოფიერი  აღმოჩნდა. გარდა იმისა, რომ ღრმად შეისწავლეს მსოფლიოში არსებული მრავალი პრობლემა, განივითარეს საერთაშორისო თანამშრომლობის უნარები და  გაითავისეს გლობალიზაციის არსი. დელეგაციის წარმატებული მონაწილეობის დასტურია ორი დელეგატის - მარიამ ბაღდავაძის (DP მე-11 კლასი) და აზამატ რახმონ-ზოდას (MYP მე-10 კლასი) დაჯილდოვება წარჩინებულის სერტიფიკატებით.

გთავაზობთ სპორტულ, სახელოვნებო და სამეცნიერო კლუბებსა და სტუდიებში 2015-2016 სასწავლო წლის II სემესტრის მეცადინეობების ცხრილს: