შოთა რუსთაველის ეროვნულმა სამეცნიერო ფონდმა ჩაატარა კონკურსი ახალგაზრდა მეცნიერთა კვლევების გრანტის მოსაპოვებლად. კონკურსში მაქსიმალური შეფასებით (50 ქულა) გაიმარჯვა "ევროპული სკოლის" ინფორმაციული ტექნოლოგიების პედაგოგმა, პროფესორმა მაქსიმ იავიჩმა.   გრანტის მენტორი (ხელმძღვანელი) გახლავთ "ევროპული სკოლის" დირექტორის პირველი მოადგილე, პროფესორი ავთანდილ გაგნიძე, პროექტის კონსულტანტი კი გახლავთ Paris 8 უნივერსიტეტის პროფესორი, ივანე ჯავახიშვილის სახელობის თბილისის სახელმწიფო უნივერსიტეტის საპატიო დოქტორი, ჰარალდ ვერცი. პროექტში ასევე ჩართულია "ევროპული სკოლის" ინფორმაციული ტექნოლოგიების პედაგოგი გიორგი იაშვილი. პროექტის მასპინძელი ორგანიზაცია გახლავთ "საქართველოს ბანკის უნივერსიტეტი".  პროექტის კვლევის ობიექტს წარმოადგენს პოსტ-კვანტური კრიპტო სისტემების გლობალური გამოკვლევა, რაც დაკავშირებულია კვანტური კომპიუტერების შექმნის აქტიურ მუშაობასთან. 

14 დეკემბერი, 2015 წ. ,,ევროპულ სკოლაში” 2015-2016 სასწავლო წლის პირველი სემესტრის  დასრულების შესახებ  

  2015 წლის  8 დეკემბერს "ევროპულ სკოლას“ CollegeBoard-ის ოფიციალური წევრის სტატუსი მიენიჭა.   წევრებს შეუძლიათ  მონაწილეობა მიიღონ  CollegeBoard-ის  ორგანიზების პოლიტიკაში, ინოვაციური გადაწყვეტილებების მიღებასა და პრაქტიკული ცვლილებების განხორციელებაში.   დღესდღეობით  CollegeBoard-ში გაწევრიანებულია  მსოფლიოს 6000  ორ და ოთხწლიანი კოლეჯი, უნივერსიტეტი, უმაღლესი და საშუალო სკოლა.   CollegeBoard-ის წევრები ღონისძიებებში მონაწილეობისას სარგებლობენ განსაკუთრებული შეღავათებით. მათ  ენიჭებათ პრიორიტეტი პროფესიული განვითარების სფეროში  და, რაც მთავარია, პარტნიორობის ჩამოყალიბების მიზნით   შეუძლიათ პირადი ურთიერთობა ჰქონდეთ განათლების დარგში  მსოფლიო  ლიდერებთან.   "ევროპული სკოლა“ CollegeBoard-ის ოფიციალური წევრის სტატუსით მიწვეულია რეგიონალურ ფორუმზე მონაწილეობის მისაღებად, რომელიც გაიმართება  ბალტიმორში 27-28 იანვარს. 

"ევროპული სკოლა" ამა წლის 29 დეკემბერს, 18.00 საათზე ეპატიჟება ყველა კურსდამთავრებულს. ერთად გავაცილოთ 2015 წელი. გთხოვთ, მობრძანდეთ!

საქართველოს 15 წლამდე ასაკის წყალბურთელთა  ნაკრებმა, რომელშიც "ევროპული სკოლის“ მოსწავლე თეგა ჭეიშვილი თამაშობს, სერბეთის ქალაქ ნოვი-სადიში,  ამხანაგურ შეხვედრაში  ანგარიშით 8-ით  7 დაამარცხა ადგილობრივი კლუბი ,,პარტიზანი“.  ვულოცავთ თეგას ამ გამარჯვებას  და ვუსურვებთ  შემდგომ  წარმატებებს.-->

6 დეკემბერს ძიუდოს აკადემიის დარბაზში გაიმართა ღია ტურნირი კარატეში  სახელწოდებით  "ბრიუს ლი 75 წლისაა",  რომელშიც ქართველებთან  ერთად  მონაწილეობა სომეხმა კარატისტებმაც  მიიღეს. ტურნირში წარმატებით იასპარეზეს "ევროპული სკოლის“  PYP-ის  Vb კლასის მოსწავლეებმა, ნინო და მიხეილ გაბაიძეებმა (მწვრთნელი - "ევროპული სკოლის“ კარატეს კლუბის  ხელმძღვანელი  გრიგოლ დარჩიაშვილი),  რომლებმაც   ერთი ვერცხლისა და ერთი ოქროს მედალი მოიპოვეს.   ვულოცავთ "ევროპულ სკოლას“ ამ დიდ წარმატებას! "ევროპული სკოლის“ადმინისტრაცია

2015 წლის 1-4 დეკემბერს "ევროპულ სკოლაში“ ჩატარდა კლასიკური მუსიკის II ფესტივალი, რომელმაც შარშან  დიდი მოწონება დაიმსახურა, ამდენად წელს მასში მოსწავლეთა გაცილებით მეტმა რაოდენობამ მიიღო მონაწილეობა.   საფესტივალოდ "ევროპული სკოლის“ დირექტორის, ქალბატონ ნანა მოსიძის ბრძანებით შეიქმნა საორგანიზაციო ჯგუფი და სპეციალური ჟიური, რომელსაც თავმჯდომარეობდა  თბილისის საპატიო მოქალაქე, ღირსების ორდენის კავალერი, "ევროპული სკოლის“ სიმღერის სტუდიის ხელმძღვანელი, კომპოზიტორი რუსუდან სებისკვერაძე.

"ევროპული სკოლის“ მოსწავლეები დრამის კურსის ფარგლებში ყოველწლიურად აბარებენ გამოცდას. მეათე კლასი  გვიჩვენებს  "ქალაქურ ისტორიებს“. წარმოდგენა გაიმართება ოთხშაბათს, 9 დეკემბერს, 16:00  საათზე სააქტო დარბაზში. დასწრება თავისუფალია.