2017 წლის 23 დეკემბერს, სასტუმროში “რედისონ ბლუ ივერია“ ხელი მოეწერა კერძო უმაღლესი სასწავლებლების ასოციაციასა და ზოგადსაგანმანათლებლო სკოლებს შორის ურთიერთთანამშრომლობის მემორანდუმს.

მიმდინარე წლის 21 დეკემბერს "ლონდონ ავენიუზე" მოეწყო “ევროპული სკოლის“ რობოტიქსის კლუბის მოსწავლეების მიერ პირველ სემსტრში შექმნილი ნამუშევრების გამოფენა. გამოფენაზე წარმოდგენილი იყო განსხვავებული ფუნქციების მქონე 20 მოწყობილობა-რობოტი

ქიმიის ლაბორატორიაში პირველკლასელებთან ჩატარდა სახალისო და შემეცნებითი გაკვეთილი “საახალწლო ქიმია“(პედაგოგი ხათუნა კაპანაძე). გაკვეთილის მიზანი იყო, დაწყებითი კლასიდანვე მოსწავლეების დაინტერესება საბუნებისმეტყველო საგნებით, კერძოდ ქიმიით.

18 დეკემბერს ქართული პროგრამის მე-8 კალსებში ჩატარდა ინტერდისციპლინური პროექტის” ვჭამთ იმისთვის, რომ ვიცოცხლოთ, თუ ვცოცხლობთ იმისთვის, რომ ვჭამოთ?”  შემაჯამებელი გაკვეთილი. პროექტს ახორციელებდნენ ბიოლოგიის პედაგოგი მანანა ჟამურაშვილი და რუსული ენის პედაგოგი ირინა გამსახურდია. პროექტის ფარგლებში მოსწავლეებმა აწარმოეს კვლევა, აიღეს ინტერვიუები, მოამზადეს პრეზენტაციები და მოხსენებები. ამ პროცესს მოსწავლეების მხრიდან დიდი დაინტერესება და გამოხმაურება მოჰყვა. 

მიმდინარე წლის 16-17 დეკემბერს თბილისში (სასტუმრო “ჰოთელს პრეფერენს ჰუალინგ თბილისი“) ჩატარდა რიგით IV საქართველოს საგანმანათლებლო ტექნოლოგიების კონფერენცია, რომელიც მიზნად ისახავდა ტექნოლოგიების სფეროში მიმდინარე თანამედროვე ტენდენციების შესახებ დაინტერესებული მხარეების ინფორმირებას, ტექნოლოგიების სასწავლო პროცესში გამოყენების საუკეთესო პრაქტიკისა და გამოცდილების გაცნობასა და გაზიარებას მასწავლებლებს, ექსპერტებს, უნივერსიტეტის წარმომადგენლებსა და საგანმანათლებლო ტექნოლოგიების სფეროში მოღვაწე ორგანიზაციებს შორის.

დეკემბრის თვეში მოეწყო საგანმანათლებლო ექსკურსია თავისუფალ უნივერსიტეტში. მოსწავლეებმა დაათვალიერეს უნივერსიტეტის ბიბლიოთეკა, მუზეუმი და ქიმიის, ფიზიკისა და ინჟინერიის ლაბორატორიები. ამ ღონისძიებაში მონაწილეობდნენ 8ა და 8ბ კლასების მოსწავლეები და მათი პედაგოგები ხათუნა კაპანაძე, ზურაბ ბერია და ირინა კოჭლამაზაშვილი.

გასულ წელს ”ევროპული სკოლის” ისტ-ის პედაგოგმა დავით ნოზაძემ მოსწავლეები ჩართო eTwinning-ის პროექტში” ვეწვიოთ მეორე ქვეყანას”. გუნდი, რომლის წევრებიც იყვნენ მოსწავლეები: ელენე ჯოხაძე, ელენე ფანჯაკიძე, ლიზა კვიჟინაძე, მარიამ ოქრიაშვილი, სალომე ზედგენიძე და თორნიკე ყუბანეიშვილი, დაუმაგობრდა საბერძნეთის ერთ-ერთი სკოლის გუნდს. პროექტის ფარგლებში, მოსწავლებს მიეცათ შესაძლებლობა, გაცნობოდნენ საბერძნეთის ისტორიულ-კულტურულ ღირსშესანიშნაობებს; განევითაებინათ 21-ე საუკუნის უნარები; გაეზიარებინათ ინფორმაცია უცხოელი თანატოლებისთვის პრეზენტაციების, ვიდეოების, ვიდეოკონფერენციების საშუალებით , სადაც საკომუნიკაციო ენად იყენებდნენ ინგლისურს; შეედგინათ ტურისტული მარშრუტი და განრიგი; გაეცნობიერებინათ საქართველოს ეკონომიკისთვის ტურიზმის მნიშვენელობა და რაც მთავარია, შეეძინათ ახალი მეგობრები. ცოტა ხნის წინ ”ევროპული სკოლის” პროექტი ევროპის ხარისხის ნიშნით დაჯილდოვდა.

14 დეკემბერს ”ევროპული სკოლის” მოსწავლეებმა მონაწილეობა მიიღეს ქართული ენის პედაგოგის ლელა მელიქიშვილის მიერ ინიცირებულ დისკუსიაში მოზარდთა ძალადობის შესახებ.ილმარ რააგის ფილმის ”კლასი” ჩვენების შემდეგ ხანგრძლივი დისკუსია გაიმართა მასწავლებლების, მშობლების და მოსწავლეების მონაწილეობით. დაისვა კითხვები: ”რატომ ხდება ეს ყველაფერი?” ”რა იწვევს ძალადობას?” ”როგორ ავიცდინოთ თავიდან მოზარდთა ძალადობის ფაქტები?” მოზარდობის პროცესები უფრო მშვიდად წარიმართება, თუ მშობლებს ახლო ურთიერთობა, ხშირი საუბრები ექნებათ ბავშვებთან, თუ მასწავლებლები , თანატოლები არ იქნებიან გულგრილნი მოზარდთა კონფლიქტების მიმართ -დაასკვნეს მოსწავლეებმა.

მოსწავლეებმა დაათვალიერეს მაკდონალდსის საწარმო, ესტუმრნენ მის სამზარეულოს და ნახეს, თუ სად ინახება და როგორ მზადდება ესა თუ ის პროდუქტი. ასევე, დაამზადეს მაკდონალდსის ცნობილი ჰამბურგერი, კარტოფილი და ა.შ. მასპინძლების მიერ შემოთავაზებული გასართობი პროგრამა, რომელიც მოიცავდა სახალისო თამაშების ნაკრებს, მოსწავლეებისთვის განსაკუთრებულად სასიამოვნო აღმოჩნდა.