"ევროპის ახალგაზრდული პარლამენტი“ არის აპოლიტიკური ორგანიზაცია, რომელიც დაასრებიდან (1987 წ.) დღემდე, თავისი საგანმანათლებლო პროექტებით ხელს უწყობს ევროპელ ახალგაზრდებს აქტიურად ჩაერთონ ახალგაზრდული პოლიტიკის წარმართვაში, გაიზიარონ განსხვავებული კულტურისა და ეროვნების თანატოლთა მოსაზრებები და ერთობლივად იმუშაონ საერთო ევროპული და გლობალური პრობლემების გადასაჭრელად.   ევროპის ახალგაზრდულ პარლამენტს პატრონაჟს უწევს ევროპის პარლამენტის პრეზიდენტი მარტინ შულცი, ევროპის საბჭოს გენერალური მდივანი ტორბიორნ იაგლანდი და  Heinz-Schwarzkopf-ის ფონდი.   "ევროპულ სკოლაში“ (31 იანვარი, 1, 2 თებერვალი) ჩატარდა სასკოლო სესია, რომელშიც სხვადასხვა კერძო სკოლის მოსწავლე მონაწილეობდა. პროექტის 110 მონაწილე 2 დღის განმავლობაში არჩევდა მსოფლიო სამართლებრივ, თუ სხვა სახის პრობლემებს. მათ გუნდური მუშაობით მიიღეს  რეზოლუციები, რომლებიც მესამე, დასკვნით დღეს განიხილეს საქართველოს ყოფილი პარლამენტის შენობაში. "ევროპული სკოლის“  ცამეტმა  მოსწავლემ მიიღო მონაწილეობა სესიაზე. ასეთი სახის პროექტები ეხმარება განვითარებასა და სხვადასხვა უნარ-ჩვევის ჩამოყალიბებას.   "ევროპული სკოლის“ მოსწავლეთა პარლამენტი გეგმავს ჩაატაროს მსგავსი პროექტი VII, VIII, IX კლასის მოსწავლეებისთვის, რომელშიც  მონაწილეობას მხოლოდ ჩვენი სკოლის მოსწავლეები მიიღებენ.

"ენათა სამყაროში“ევროპული სკოლის უცხოური ენების კათედრის ღია კვირეული 23 – 27 თებერვალი 

2015 წლის 21 თებერვალს ევროპულ სკოლაში გაიმართება საერთაშორისო ბაკალავრიატის სადიპლომო პროგრამის (IBDP) მასწავლებელთა კონფერენცია - "ქართულ საგანმანათლებლო სივრცეში საერთაშორისო გამოცდილების გაზიარება“.

2015 წლის 18 თებერვალს "ევროპული სკოლის“ სააქტო დარბაზში, თემაზე "ანტიკურობა და თანამედროვეობა“, შედგება შეხვედრა ივანე ჯავახიშვილის სახელობის თბილისის სახელმწიფო უნივერსიტეტის პროფესორთან, კლასიკური ფილოლოგიის, ბიზანტინისტკისა და ნეოგრეცისტიკის ინსტიტუტის დირექტორთან, აკადემიკოს რისმაგ გორდეზიანთან, რომელიც ჩაატარებს ლექციას: "ძველი ბერძნული თეატრი“. დასაწყისი 15 სთ 30 წთ-ზე

პარასკევს, 10 თებერვალს 14:30 სთ-ზე ევროპული სკოლის სააქტო დარბაზში გაიმართა პრეზენტაცია ფილმისა "American High School".ESTV 

"სამყარო ჩვენ გარშემო“ ევროპული სკოლის საბუნებისმეტყველო მეცნიერებათა კათედრების ღია კვირეული 16 – 19 თებერვალი  

ხუთშაბათს, 22 იანვარს, 16:00 საათზე, ევროპულ სკოლაში იწყება ფრენბურთის ტურნირი ევროპული სკოლის თანამშრომლებს შორის. ერთმანეთს ხვდებიან: 1. AHS-ის გუნდი "კოლექტივი“ (ტექნიკური პერსონალი) 16:00-16:15 2. ენების გუნდი დაწყებითი განათლების კათედრა 16:20-16:40 3. IB პროგრამა ადმინისტრაცია 16:40-17:00