13 დეკემბერს “ევროპული სკოლის“ მეოთხე კლასელები ტრანსდისციპლინარული თემის ფარგლებში შეხვდნენ გარემოს დაცვისა და სოფლის მეურნეობის სამინისტროს, გარემოს დაცვითი ინფორმაციის და განათლების ცენტრის საინფორმაციო სამსახურის მთავარ სპეციალისტებს ანა მანჯავიძეს და მარიამ არჩვაძეს.

10 დეკემბერს მე -7 ა და მე-7 ბ კლასებში ჩატარდა ინტეგრირებული გაკვეთილი ბიოლოგიასა (მასწავლებელი მანანა ჟამურაშვილი) და გეოგრაფიაში (მასწავლებელი მაიაბრეგვაძე ) თემაზე: “შავი ჭირის ეპიდემიები შუა საუკუნეებში დაავადების გამომწვევი მიზეზები და გავრცელების გეოგრაფია.“ ჩატარებულ ინტეგრირებულ გაკვეთილს წინ უძღოდა მეცადინეობა სასარგებლო და მავნე ბაქტერიების შესახებ. კლასში მომზადდა და შეიღება რძემჟავა ბაქტერიების დროებითი პრეპარატები, რომელიც მიკროსკოპის საშუალებით მოსწავლეებმა დაათვალიერეს და ჩაიხატეს რვეულებში. ინტეგრირებულ გაკვეთილზე ნაჩვენები იყო შავ ჭირზე ფილმიდან ფრაგმენტი; ბავშვებმა იმუშავეს ჯგუფებში ახალ მასალაზე. ეს აქტივობა ითვალისწინებდა მოსწავლეებში სხვადასხვა უნარის: დამოუკიდებლად ინფორმაციის დამუშავების, კითხვების მოფიქრებსა და დასმის, პრეზენტაციის, მოსმენის, მოსმენილი ინფორმაციიდან მნიშვნელოვანის მონიშვნისა და ანალიზის უნარის განვითარებაზე.

12 დეკემბერს “ევროპულ სკოლაში“ ქართული პროგრამის საბაზო საფეხურის მოსწავლეთა ასამბლეა გაიმართა, სადაც სხვადსხვა კლასის მოსწავლეებმა მოამზადეს პრეზენტაციები და პედაგოგებსა და თანატოლებს წარუდგინეს. მეშვიდე კლასელებმა ძალიან საინტერესოდ წარადგინეს პროიექტი “გ.ლეონიძის მუხლადი სიტყვა;“ მოვისმინეთ “ჟენევის საერთაშორისო კონფერენციის“ მიმოხილვა, სადაც ჩვენი სკოლის მოსწავლეები იმყოფებოდნენ; გაგვაცნეს -კორეული კულტურა და წეს-ჩვეულებები; სახალისო და საინტერესო აღმოჩნდა “STEM- სამზარეულოში’’ ჯანსაღი პროდუქტებით პიცის მომზადება; ლიტერატურისა და ისტორიის ნაწილში წარადგინეს პრეზენტაცია აკა მორჩილაძის შესახებ და საკონკურსო “მონეტის დიზაინი,“ ასამბლეა დასრულდა ES TV-ში მოსწავლეების მიერ მომზადებული ფილმის ჩვენებით “ჩემი სკოლის ნეკერჩხალი - ჩემი ნატვრის ხე.“

ნოემბრის ბოლოს ევროპულ საბავშვო ბაღში მოეწყო ღონისძიება “ნახვამდის შემოდგომა, გამარჯობა ზამთარო“. სახალისო აქტივოვებში მხიარულად იყვნენ ჩართულები, საყვარელ გმირის კოსტიუმებში გამოწყობილი პატარები.

ტრანსდისციპლინარული თემის ფარგლებში ქართული პროგრამის IIგ და IVბ კლასის მოსწავლეები “წითელი ჯვრის“ მოხუცთა თავშესაფარს ესტუმრნენ. ბავშვები შეეცადნენ ბებიებისთვის შეექმნათ ოჯახური გარემო, მათგან ისწავლეს ქსოვა, იმღერეს და იცეკვეს ერთად, გამართეს შეჯიბრი ჭადრაკში.

6 დეკემბერს “შერატონ მეტეხი პალასში“ ტურიზმის ეროვნული დაჯილდოების Welcome to Georgia-ს რიგით მე-5 დაჯილდოების ცერემონია გაიმართა. ღონისძიებაზე “ევროპული სკოლის“ წარმომადგენლები საპატიო სტუმრის სტატუსით იყვნენ მიწვეული. ასევე მოეწყო “ევროპული სკოლის“ საიმიჯო სტენდი, სადაც 800-მდე სტუმარს შესაძლებლობა ჰქონდა გაცნობოდნენ ინფორმაციას სასწავლო პროგრამების შესახებ, ენახათ ვიდეოტური და მოესმინათ ინფორმაცია სკოლის მიღწევების შესახებ.

6 და 7დეკემბერს “ევროპული სკოლა“ წარმოდგენილი იყო სკოლების გამოფენა 2019-ზე, რომელიც საგამოფენო ცენტრ ექსპოჯორჯიაში ჩატარდა. საქართველოში სკოლების გამოფენა ამ მასშტაბით უკვე მეორედ მოეწყო. გამოფენა მიზნად ისახავდა, შეექმნა ერთიანი პლატფორმა საშუალო განათლების სფეროში და ერთ სივრცეში შეეკრიბა ინდუსტრიის ყველა მონაწილე და პოტენციური მომხმარებელი.

ნოემბრის ბოლოს “ევროპულ სკოლაში“ საშემოდგომო ექსპოზიცია მოეწყო “ლონდონის გამზირზე.“ გამოფენაზე წარმოდგენილი იყო ქართული და PYP პროგრამის მოსწავლეთა გრაფიკული და ფერწერული ნამუშევრები. გამოფენამ ნამდვილად შეძლო გვიანი შემოდგომის განწყობის შექმნა და დამთვალიერებელს ძალიან მოეწონა.

“ევროპული სკოლის" საბაზო საფეხურის VIII-IX კლასელები ჩაერთვნენ ახალ პროექტში, რომლის მიზანია სკოლის კურსდამთავრებულებმა, რომლებმაც უკვე დაიწყეს პროფესიული საქმიანობა და გარკვეულ წარმატებებსაც მიაღწიეს, თავიანთი გამოცდილება გაუზიარონ მოსწავლეებს. ამ პროექტის ფარგლებში “პრაღის ოთახში“ ჩატარდა პირველი შეხვედრა “აკად. ფ. თოდუას სამედიცინო ცენტრის“ გენერალურ მენეჯერთან გიორგი დიასამიძესთან. შეხვედრა საინტერესო იყო მოსწავლეებისთვის და ემოციურად დატვირთული ჩვენი სკოლის კურსდამთავრებულისთვისაც.