ჩვენთან დაგხვდებათ უსაფრთხო გარემო, მზრუნველი და მოსიყვარულე პერსონალი და მრავალფეროვანი აქტივობები. ჩვენ გთავაზობთ პროგრამას, რომლის მიზანია ხელი შეუწყოს ბავშვების განვითარებას ყველა სფეროში. აღმოვაჩინოთ, ვითამაშოთ, შევქმნათ და ვისწავლოთ ერთად!

22 აპრილი დედამიწის დღესთან დაკავშირებით “ევროპული ბაღის“ მასწავლებლებმა, ონლაინ სწავლების ფარგლებში, ჩვენი პატარებითვის მოამზადეს ძალიან საინტერესო პრეზენტაციები: “როგორ გავუფრთხილდეთ ჩვენს პლანეტას“ “დედამიწა ჩვენი სახლია“

ბავშვებს სჭირდებათ ჩვენი სიყვარული და ყურადღება, მათ უჭირთ დისტანცირება ჩვეული გარემოსა და ახლობელი ადამიანებისგან. გვინდა, დავეხმაროთ მშობლებს და მათთან ერთად შევუქმნათ პატარებს სწავლისა და დასვენების ახალი სივრცე - ონლაინ ბაღი.

29 იანვარს ევროპულ საბავშვო ბაღში მოეწყო პრეზენტაცია “როგორ მუშაობს ჩემი სხეული“. ჩვენმა პატარებმა სიხარულით უმასპინძლეს ოჯახის წევრებს და წარუდგინეს მათ თავიანთი ნამუშევრები. ისაუბრეს ადამიანის აგებულებაზე და მის შინაგან ორგანოებზე.

24 დეკემბერს,ევროპულ ბაღში ჩატარდა საახალწლო წვეულება "Whoville Party". თოვლის ბაბუს სტუმრობით გახალისებულმა პატარებმა მხიარულად წარმოადგინეს ამ დღისთვის მომზადებული ლექსები, სიმღერები და ცეკვები.

ნოემბრის ბოლოს ევროპულ საბავშვო ბაღში მოეწყო ღონისძიება “ნახვამდის შემოდგომა, გამარჯობა ზამთარო“. სახალისო აქტივოვებში მხიარულად იყვნენ ჩართულები, საყვარელ გმირის კოსტიუმებში გამოწყობილი პატარები.

21 ნოემბერს ყვითელ ჯგუფში გვესტუმრა მაშო დავითაძის დედა, იურისტი ქეთი ქვარცხავა. იგი ბავშვებს საკუთარ პროფესიაზე, საზოგადოებრივ წესრიგზე და ბავშვთა უფლებებზე ესაუბრა.პატარები მხიარულად ჩაერთნენ საუბარში და გამოხატეს თავიანთი აზრი ამ თემებთან დაკავშირებით.შეხვედრის ბოლოს მაშომ მეგობრები სათამაშოებით დაასაჩუქრა. დიდი მადლობა ქეთის მობრძანებისთვის!

ყვითელ ჯგუფში, ელენე ნარმანიას მამა, დავით ნარმანია ბავშვებს პროფესიების შესახებ ესაუბრა. პატარებმა მხიარულად წარუდგინეს თავი სტუმარს. უამბეს თუ რა პროფესიებს აირჩევენ მომავალში. მადლობა ბატონ დავითს საინტერესო შეხვედრისთვის!

დღეს ჩვენს პატარებს ძალიან საინტერესო გაკვეთილი ჩაუტარდათ. ჰარის დედამ ქალბატონმა ვანგმა, რომელიც ჩინური ენის მასწავლებელია, ბავშვებს ათამდე დათვლა და პატარა სიმღერაც ასწავლა ჩინურ ენაზე, შემდეგ ნაციონალური სამოსიც მოარგო და გადაიღო სამახსოვრო ფოტოები მათთან ერთად.