28 მარტს “ათასწლეულის ინოვაციის კონკურსის“ ფინალი გაიმართა, სადაც “ევროპული სკოლის“ გუნდმა საპრიზო ადგილი მოიპოვა და “თეგეტა მოტორსისგან“ 5000 ლარი მიიღო. ქართული პროგრამის მე-9-10 კლასის მოსწავლეების პროექტი ელექტრო ენერგიის ეკოლოგიური გზით მიღებას შეეხებოდა. მათ შექმნეს ინოვაციური პროპელერი, რომელსაც ქარის ნებისმიერ წერტილში მიღება შეუძლია. გუნდის მენტორი FabLab-ის ინსტრუქტორი გურანდა გოგალაძე იყო. წევრები კი ნუგო შოშიაშვილი, ომარ შეყილაძე, სანდრო თვალიაშვილი, დიმიტრი გოზალიშვილი და გიორგი გელაძე იყვნენ. ათასწლეულის ინოვაციის კონკურსი საბუნებისმეტყველო მეცნიერებებისა და ტექნოლოგიების სფეროში ინოვაციური იდეებისა და პროექტების განხორციელებას უწყობს ხელს. პროექტის მთავარი მიზანია გამარჯვებული მოსწავლეების დაკავშირება კერძო სექტორთან, რაც ხელს შეუწყობს მათი ცოდნის გაღრმავებასა და სამომავლო პარტნიორობას.

“ევროპული სკოლის“ მოსწავლებიის ვიზიტი “ექსპერიმენტორიუმში“ გრძელდება, ამჯერად ქართული პროგრამის მე-9ა კლასი ეწვია მუზეუმს. ისინი დააკვირდნენ ქიმიურ და ფიზიკურ მოვლენებს, აამუშავეს ხელსაწყოები, მოუსმინეს საინტერესო მეცნიერულ პრეზენტაციას, გამოთქვეს საკუთარი ვარაუდები და იმსჯელეს მიღებულ შედეგებზე. მათ მიეცათ შესაძლებლობა გაკვეთილზე ნასწავლი თეორიული ცოდნა დაეკავშირებინათ პრაქტიკულ ცდებთან, რაც აადვილოებს საგნის შესწავლას და ამტკიცებს მიღებულ გამოცდილებას.

თეატრის საერთაშორისო დღესთან დაკავშირებით ქართული პროგრამის დაწყებითი კლასის მოსწავლეები საბავშვო სპექტაკლს დაესწრნენ. თეატრ “მუზის“ მსახიობებმა მხიარული წარმოდგენა მოუწყებს პატარებს და კიდევ უფრო შეაყვარეს მხატვრული სანახაობა.

22 მარტს ქართული პროგრამის მე-2ა კლასი სახალისო მეცნიერებათა მუზეუმს “ექპერიმენტორიუმს“ ეწვია. მოსწავლეებმა თავი პატარა მეცნიერებად იგრძნეს. გაზომეს ყვირილის ძალის სიძლიერე; ელვა დაიჭირეს ხელში; ქვიშით დახატეს და მიიღეს მონაწილეობა სამეცნიერო შოუში, რომელიც დაუვიწყარი აღმოჩნდა მათთვის.

მეცნიერება ორმაგად სახალისოა, როდესაც უფროსკლასელები დაწყებითი კლასის მომსწავლეებს ექსპერიმენტებით აცნობენ ფიზიკის კანონზომიერებებს. 26 მარტს “ევროპული სკოლის“ ფიზიკის ლაბორატორიაში პედაგოგმა ირინა კოჭლამაზაშვილმა “მხიარული მეცნიერების“ გაკვეთილი ჩაატარა. მე-2 კლასელებმა დაითვალეს მონეტაზე წყლის წვეთები, რძეზე დახატეს, დააკვირდნენ კვერცხის კოლბაში გაუჩინარებას და ნავის მოძრაობას შეფერილ სითხეში.

21 მარტი დაუნის სინდრომის საერთაშორისო დღეა. “ევროპული სკოლის“ მოსწავლეებმა “დაუნის სინდრომის ასოციაციის“ მხარდაჭერით განსაკუთრებულად უმასპინძლეს ,,მზის შვილების“ ბენეფიციარებს. წლევანდელი სლოგანი “არავინ დატოვო განათლების მიღმა“ მთავარი გზავნილია მათ მხარდასაჭერად. დაუნის სინდრომის მქონე ბავშვებისათვის სასიცოცხლოდ მნიშველოვანია მათი ინტეგრაცია საზოგადოებაში, ამიტომაც აქტიურად ჩავრთეთ საგანმანათლებლო აქტივობებში. ერთად ავაწყეთ რობოტები, ჩავატარეთ ქიმიის სახალისო ცდები, ცნობადობის ამაღლების მიზნით ერთად ვხატეთ ფერადი წინდები, მოვაწყეთ ფლეშმობი 46+1, ჩავრთეთ ბავშვები სპორტულ თამაშებში და გავყიდეთ ფერადი წინდები მათ მხარდასაჭერად. დიდი შთაბეჭდილებებით და ემოციებით გავაცილეთ სტუმრები.

“ევროპული სკოლის“ ქართული პროგრამის 9ბ კლასის მოსწავლეები და მასწავლებლები წიგნის მაღაზია Books in Vake-ს ესტუმრნენ. მრავალფეროვანი წიგნების გარემოში მათ წაიკითხეს ქართული და ნათარგმნი ლიტერატურა. მოსწავლეებმა თავად თარგმნეს ფრაგმენტები გურამ დოჩანაშვილის მოთხრობებიდან და ინგლისურ, რუსულ და თურქულ ენებზე წაიკითხეს. წიგნის მაღაზიაში ქართველი ავტორების წიგნების გარდა გაიცნეს ბესტსელერი და ნათარგმნი ლიტერატურა.

18 მარტს “ევროპული სკოლის“ FabLab-ში მე-9-10 კლასის მოსწავლეებისთვის რიგით მეორე FabX Talk-ის ღონისძიება ჩატარდა, რომლის ფარგლებშიც ახალგაზრდა გამომგონებელმა გიორგი გაბარაშვილმა მოსწავლეებს საკუთარი გამოგონებები გააცნო. FabX Talk-ზე მოწვეულმა სპიკერმა ბავშვებს წარუდგინა ვირტუალური ხელთათმანი, გააცნო Iron Man-ის კოსტიუმის იდეა და სხვა მრავალი საინტერესო გამოგონება. მოსწავლეებისთვის მსგავსი ინოვაციური მიგნებები ძალიან საინტერესო აღმოჩნდა. FabX Talk-ის ღონისძიება ყოველთვიურად ტარდება FabLab-ში, რათა წავახალისოთ მოსწავლეების საქმიანობა ინოვატორობისა და STEAM განათლების მიმართულებით.

13 მარტს ,,ევროპული სკოლის“ 50-ზე მეტ მოსწავლეს კინგსის ოლიმპიადის საშემოდგომო სესიაზე მოპოვებული სხვადსხვა ხარისხის სერტიფიკატები გადაეცათ. ჩვენი სკოლა ტრადიციულად მე-8 წელია მონაწილეობს კინგსის საგანმანათლებლო პროექტში, რომელიც მთელ საქართველოში II-XII კლასის მოსწავლეებისთვის ქართულ, ინგლისურ ენებსა და მათემატიკაში ტარდება. კინგსი ზრუნავს მოსწავლეთა ცოდნისა და უნარების გაუმჯობესებას, ნიჭიერი ბავშვების გამოვლენასა და განვითარებას. წლევანდელ ოლიმპიადაში “ევროპული სკოლის“ მოსწავლეებმა, 49 კინგსელმა მათემატიკაში მოიპოვა სერტიფიკატი და ერთ-ერთი მოწინავე ადგილი დაიკავა საქართველოს მასშტაბით.