1995 წელს იუნესკოს გადაწყვეტილებით 23 აპრილი წიგნისა და საავტორო უფლებების მოფლიო დღედ გამოცხადდა. მსოფლიოს 195 ქვეყანაში, მათ შორის საქართველოშიც, აღნიშნავენ ამ დღეს წიგნიერების წახალისების მიზნით. წელს, ისე როგორც არასდროს, იმ ვითარებაში, როცა ბავშვებს შეზღუდული აქვთ გარეთ ყოფნის შესაძლებლობა, წიგნების კითხვას მეტი ყურადღება ეთმობა, რაც ხელს უწყობს მოსწავლეთა თვალსაწიერის გაფართოებასა და წარმოსახვის, შემოქმედებითობის სტიმულირებას. “ევროპული სკოლის“ წიგნიერემა მოსწავლეებმა ონლაინ რეჟიმში ერთმანეთს ურჩიეს და გაუზიარეს მათთვის საყვარელი წიგნები.

22 აპრილი დედამიწის დღეა. 2020 წელს, დედამიწის დღის 50-ე დაბადების დღისთვის მთავარ თემად შერჩეულია კლიმატის ცვლილება, როგორც დედამიწაზე კაცობრიობის მომავლისთვის ყველაზე დიდი გამოწვევა. წელს მსოფლიოში შექმნილი ვითარება არ იძლევა ფართო მასშტაბიანი ღონისძიებების და მარშების მოწყობის საშუალებას, თუმცა მრავალი ადამიანი იღებს მონაწილეობას დედამიწის დღესთან დაკავშირებულ ონლაინ აქტივობებში.

დღევანდელ უპრეცედენტო რეალობაში, მოსწავლეთა საჭიროებების დასაკმაყოფილებლად, ”ევროპულმა სკოლამ” უმოკლეს დროში მოახერხა სრულყოფილი დისტანციური სწავლების პროგრამის შექმნა. სკოლის აკადემიურმა და ტექნიკურმა გუნდმა პროაქტიურად უპასუხა გამოწვევებს, წინასწარ განსჭვრიტა მოსალოდნელი გართულებები, შექმნა მკაფიო გეგმა და მიიღო შესაბამისი გადაწყვეტილებები,რამაც განაპირობა ონლაინ სწავლებაზე გადასვლის პროცესის შეუფერხებელი მიმდინარეობა.

ინოვაციების დღეების ფარგლებში “ევროპული სკოლის'' მოსწავლეებისთვის ორო ტრენინგი ჩატარდა, სადაც მოწვეულმა სპიკერებმა, ინდუსტრიულმა დიზაინერებმა-თაზო არუნაშვილმა და დიანა ტევანიანმა ისაუბრეს ინდუსტრიულ და გრაფიკულ დიზაინზე.

31 წელი გავიდა მას შემდეგ, რაც საქართველოსთვის ახალი ეპოქა დაიწყო. 1989 წლის 9 აპრილს, საბჭოთა კავშირის შეიარაღებულმა ძალებმა პარლამენტის შენობასთან მშვიდობიანი საპროტესტო აქცია დაარბიეს. დაიღუპა 21 ადამიანი. 1991 წლის 9 აპრილს კი უზენაესმა საბჭომ საქართველოს სახელმწიფოებრივი დამოუკიდებლობის აღდგენა გამოაცხადა.გიორგი კეკელიძე გვესაუბრება 9 აპრილის, როგორც ტრაგედიის და ამავდროულად საქართველოს დამოუკიდებლობის აღდგენის დღის შესახებ.

31 მარტი საქართველოს დამოუკიდებლობის აღდგენის რეფერენდუმის დღეა. გიორგი კეკელიძე გვესაუბრება საქართველოს დამოუკიდებლობის შესახებ.

,,ევროპული სკოლა” ეხმიანება საქართველოს მთავრობის გადაწყვეტილებას სკოლების დახურვის ვადების გახანგრძლივების თაობაზე და ორშაბათს, 16 მარტიდან სკოლა თავის მოსწავლეებს გადაიყვანს ონლაინ სწავლების რეჟიმზე. სკოლამ შეიმუშავა გეგმა სწავლა-სწავლების პროცესის შეფერხების მინიმალიზაციისთვის და მზად არის შესთავაზოს მოსწავლეებს ხარისხიანი საგანმანათლებლო გამოცდილება ონლაინ გაკვეთილების სახით.

18 თებერვალს, “ბაქსვუდის საერთაშორისო სკოლაში“ Future Laboratory-ის ორგანიზებით გაიმართა სუმო რობოტების შეჯიბრი, რომელშიც მონაწილეობა მიიღეს “ევროპული სკოლის“ მეექვსე კლასელებმა, სადაც “ბაქსვუდისა“ და “ჯეჯილის“ სკოლის გუნდებს გაუწიეს ასპარეზობა. მონაწილეეებმა გამართეს რობოტები და დაწერეს კოდი, რომლითაც შეეჯიბრნენ მოწინააღმდეგე გუნდების რობოტებს. შეჯიბრება “ევროპული სკოლის“ გუნდის გამარჯვებით დასრულდა.

18 თებერვალს “ევროპული სკოლის“ მე-10 კლასის მოსწავლეები ინტეგრირებული პროექტის “კრიმინალისტიკა და თავისუფლება" ფარგლებში შსს კრიმინალისტიკურ ლაბორატორიას ესტუმრნენ. მოსწავლეებმა ინტერესით დაათვალიერეს ლაბორატორიები და ბევრი საინტერესო ინფომაცია მიიღეს.