გამოფენა “ჩემი ევროპული სკოლა დღეს და ხვალ“ , რომელიც საიუბილეო ღონისძიებების ფარგლებში გაიმართა, განსაკუთრებული იყო, რადგან მოსწავლეთა ოცნების სკოლის მოდელების დემონსტრირებას ისახავდა მიზნად. მოსწავლეებმა საკუთარი წარმოსახვის ვიზუალიზაცია მოახდინეს, ფორმა მისცეს სურვილებსა და ფიქრებს და შემოქმედებითი უნარები საუკეთესოდ წარმოაჩინეს.

დასრულდა საგაზაფხულო ტურნირი ჭადრაკში-ყველა ჯგუფში. ყველა საპრიზო ადგილს გადაეცა შსაბამისი სიგელები. განსაკუთრებით აღსანიშნავია პირველ კლასელთა შეჯიბრი, სადაც დიდი შემართებით იბრძოდნენ გოგონებიც და ბიჭებიც. 

“ევროპული სკოლის“ საიუბილეო დღეებიდან ერთ-ერთი ხელოვნების, შემოქმედებითობის წახალისებას ისახავდა მიზნად. სკოლამ უმასპინძლა თანამედროვე ქართველ მხატვრებს: მაკა ჯიშკარიანს, თამარ გედევანიშვილს, მაკა ბატიაშვილს, თამუნა მელიქიშვილს, ნინო მოსეშვილს, მანუჩარ ოქროსცვარიძეს და მათი ტილოების გამოფენა მოაწყო “ ევროპული სკოლის“ თანამშრომლების ნახატებთან ერთად. ამ დღეს ასევე მოსწავლეებმა წარადგინეს ინტერდისციპლინური პროექტის “ პიროვნება და საზოგადოება ხელოვნებაში“ ფარგლებში შექმნილი ნამუშევრები.

“ევროპულ სკოლაში“ წახალისებულია ევროპული ღირებულებები და მათი კიდევ უფრო მეტად გამტკიცება ხორციელდება განათლების გზით. ჩვენი მოსწავლეები სწავლობენ, ვითარდებიან და აქვთ სწრაფვა სწორედ ევროპული ღირებულებებისკენ.

30 მაისს “ევროპული სკოლის’’ 8ბ კლასი ქიმიის პედაგოგის -ხათუნა კაპანაძის და კლასის დამრიგებლის მარიამ მარდალეიშვილის თანხლებით ესტუმრა ლაბორატორია “გლობალ ტესტს“. მოსწავლე დავით  ქავთარაძემ    ჩაატარა საინტერესო ექსპერიმენტები ბუნებრივ ინდიკატორზე.  ცდების ჩატარებაში მონაწილეობა მიიღო  კლასის ყველა მოსწავლემ.

“ევროპულ სკოლაში“ 27 მაისს გაიმართა მასწავლებელთა კონფერენცია, რომელზეც აქცენტები განათლების  მთავარ გამოწვევებზე, ახალ მიმართულებებსა და ტრენდებზე გაკეთდა. კონფერენციამ თავი მოუყარა მასწავლებლებს, მკვლევარებს, დარგის პროფესიონალებს სხვადასხვა საგანმანათლებლო ინსტიტუციებიდან.

25 მაისს “ევროპულ სკოლაში“ დამოუკიდებლობის დღის მნიშვნელობის გასააზრებლად არაერთი საინტერესო აქტივობა გაიმართა. დროშის აღმართვა, ჰიმნის შესრულება, ეროვნულ სამოსში გამოწყობილი მოსწავლეების მსვლელობა ამ დღის სულისკვეთებას კიდევ უფრო ამძაფრებდა. საქართველოს პირველი პარლამენტის მოდელირება საუკეთესო შესაძლებლობა აღმოჩნდა ამ ისტორიული მოვლენის დეტალების შესასწავლად და ზოგადად, პატრიოტული გრძნობების გასაღვივებლად.  

19 მაისს “ევროპულ სკოლაში ბოლო ზარის ცერემონია გაიმართა. ბავშვობის მოგონებების გაცოცხლება საკლასო ოთახებში, გამამახნევებელი შეძახილები, დინამიური ცეკვები,  ტრადიციული ხის დარგვის რიტუალი,  ავტოგრაფების დატოვება თეთრ პერანგებზე, მოსწავლეებივით გამოწყობილი მასწავლებელები, ფერადი ბოლი - ყველაფერი ეს ძალიან ემოციური და შთამბეჭდავი იყო და სიკაშკაშეს სძენდა ბოლო ზარის ლამაზ დღეს.

8 მაისს საქართველოს წითელი ჯვრის საზოგადოებამ წითელი ჯვრისა და წითელი მთვარის მსოფლიო დღე აღნიშნა. ღონისძიება, რომელიც “ ბაზარი ორბელიანის“ სივრცეში გაიმართა, მიზნად ისახავდა უკრაინელი ბავშვების მხარდაჭერას.