გადაცემას უძღვება მე-8 კლასის მოსწავლე გიორგი ვეკუა. გადაცემის თემებია: • ფეხბურთის ფინალური თამაში; • "ევროპული სკოლის" მოსწავლის წარმატება ცხენოსნობაში; • საქართველოს ოლიმპიური კომიტეტის წარმომადგენლები "ევროპულ სკოლაში"; • ექსკურსია გრემში.

ხუთშაბათს, 6 ნოემბერს, “ევროპულ სკოლაში” იწყება კალათბურთის ტურნირი. მონაწილეობენ VIII-XII კლასის მოსწავლეები და მასწავლებლები.

4 ნოემბერს "ევროპული სკოლის“ სპორტულ დარბაზში შედგა ამხანაგური შეხვედრა კალათბურთში "ევროპული სკოლისა“  და  თბილისის 64-ე საჯარო სკოლის ნაკრებ გუნდებს შორის."ევროპული სკოლის“ გუნდი შემდეგი შემადგენლობით გამოვიდა: ირაკლი ქოჩიაშვილი  (IX ბ);ლუკა  წურწუმია  (VIII MYP);თეგა  ჭეიშვილი  (IX AHS);ამიკო ხაზალია  (IX AHS);თორნიკე ხუბულური  (XI AHS);თემო ჯანაშია  (IX AHS);სანდრო ჯანაშია (VIII AHS).   მატჩი დასრულდა ანგარიშით  51:48  "ევროპული სკოლის“ გუნდის სასარგებლოდ.   გუნდს ქულები შესძინეს: ირაკლი ქოჩიაშვილმა - 24 ქულა;ამიკო ხაზალიამ - 11 ქულა;თემო ჯანაშიამ - 8 ქულა;თორნიკე ხუბულურმა - 6 ქულა;სანდრო ჯანაშიამ - 2 ქულა.   ვულოცავთ "ევროპული სკოლის“ გუნდსა და მის მწვრთნელს - კალათბურთში საქართველოს ნაკრების ყოფილ წევრს, მრავალი საერთაშორისო ტურნირის პრიზიორს,  დავით ბერძენიშვილს - გამარჯვებას!  "ევროპული სკოლის“ დირექცია

პოსტერების კონკურსი მათემატიკასა და ტექნოლოგიებზე     ევროპული სკოლის მათემატიკისა და ტექნოლოგიების კათედრა აცხადებს პოსტერების კონკურსს.  

ა.წ. 29 ოქტომბერს "ევროპულმა სკოლამ“ უმასპინძლა საქართველოს საქართველოს სახალხო  არტისტს,  ლეო ანთაძეს,  დაბადებიდან 80 და შემოქმედებითი მოღვაწეობის 60 წლის იუბილესთან დაკავშირებით.   შეხვედრა  მეტად საინტერესო, გულთბილ გარემოში წარიმართა. ცნობილმა მსახიობმა წარმოადგინა ნაწყვეტები სპექტაკლებიდან და ისაუბრა გამოჩენილ საზოგადო მოღვაწეებთან შეხვედრების შესახებ.

ა.წ.  4 ნოემბერს, სამშაბათს, 11.30 საათზე "ევროპული სკოლის“ სპორტულ დარბაზში გაიმართება ამხანაგური შეხვედრა კალათბურთში "ევროპული სკოლისა“ და თბილისის 64-ე საჯარო სკოლის ნაკრებ გუნდებს შორის."ევროპული სკოლის“ ადმინისტრაცია

31 ოქტომბერს, პარასკევს, 19:00 საათზე ევროპულ სკოლაში Halloween დღესთან დაკავშირებით  ჩატარდება გრანდიოზული კონცერტი და გაიმართება კარნავალი. მონაწილეობენ VIII-XII კლასის მოსწავლეები. ყველა სტუმარი სპეციალურ კოსტიუმში იქნება გამოწყობილი.  თითოეული სექტორი ამზადებს საშინაო დავალებას (პერფორმანსი, მუსიკალური ნომერი, სპექტაკლი), შემოგთავაზებთ გასართობ თამაშებს,  ბევრ სახალისო კონკურსს, დასახელდებიან სხვადასხვა ნომინაციაში გამარჯვებულები. ღონისძიება დასრულდება დისკოთეკით. 

მიმდინარე წლის 29 ოქტომბერს ევროპულ სკოლაში იწყება ინტელექტუალური თამაში - "რა? სად? როდის?“. მონაწილეობენ VIII-XII კლასის მოსწავლეები. სასწავლო წლის განმავლობაში ჩატარდება 5 ტური და გამოვლინდება გამარჯვებული გუნდი.  ევროპული სკოლა თამაშის მონაწილეებს წარმატებას უსურვებს!

მიმდინარე წლის 19 ოქტომბერს გათამაშდა საქართველოს თასი 21 წლამდე ასაკის ახალგაზრდებს შორის ცხენოსნობაში. ევროპული სკოლის X ა კლასის მოსწავლემ, ნიკა მელაძემ, ამ შეჯიბრში I ადგილი დაიკავა. ვულოცავთ ნიკას და მომავალ წარმატებებს ვუსურვებთ.