“ევროპულ სკოლაში“ საინტერესო ექსპერომენტები ჩატარდა ბუნებისა და სპორტის გაკვეთილებზე. სკოლას ეწვივნენ WMA Georgia/საქართველოს ნარჩენების მართვის ასოციაციის წარმომადგენლები, რომლებიც ახორციელებენ პროგრამას #შეამცირეპლასტმასა CCNN, USAD-ის მხარდაჭერით. ტრანსდისციპლინარული თემის “ნარჩენების მართვა, ნარჩენების შემცირება და ნარჩენების დახარისხება“ ფარგლებში ჩატარდა ბუნებისა და სპორტის განსხვავებული გაკვეთილები, სადაც მეორადი მაისურებისგან ჩანთები დაამზადეს მოსწავლეებმა.

22 ნომებერს WeSki Georgia-მ “ევროპული სკოლის“ ქართული პროგრამის საშუალო და საბაზო საფეხურის ყველა კლასის მოსწავლეს ჩაუტარა ტრენინინგი თემაზე-“ზამთრის სპორტი და უსაფრთხოება.“

20-23 ნოემბერს სტუდენტური გაერთიანება “ალმა მატერის“ ინიციატივით გრიგოლ რობაქიძის უნივერსიტეტში გაიმართა ტურნირი მინი ფეხბურთში “ალმას თასი- 2019“. ტურნირში მონაწილეობდნენ უნივერსიტეტის სხვადასხვა ფაკულტეტის გუნდები და პარტნიორი სკოლების - “ევროპული სკოლის“, თბილისის №23 და №98 საჯარო სკოლების, საფეხბურთო გუნდები. ტურნირის საზეიმო გახსნის ცერემონიას ესწრებოდა უნივერსიტეტის რექტორი, პროფესორი მამუკა თავხელიძე. ფინალში გამართული ასპარეზობის შედეგად “ევროპული სკოლის“ გუნდმა მე-3 ადგილი მოიპოვა. საპრიზო ადგილები კი ასე გადანაწილდა: I ადგილი - “ ვასკო და გამა“ - გრიგოლ რობაქიძის უნივერსიტეტი; II ადგილი - “რეალ მატერი“ - გრიგოლ რობაქიძის უნივერსიტეტი; III ადგილი - “ ევროპული სკოლა“ - ევროპული სკოლა. ტურნირის დახურვის საზეიმო ცერემონიაზე გამარჯვებულ გუნდებს გამარჯვებულთა თასი, მედლები და სერტიფიკატები გადასცეს.

“ევროპულ სკოლაში“ მთელი კვირის განამვლობაში არაერთი ღონისძიება ჩატარდა ანტიბულიგ კამპანიის ფარგლებში, რომელსაც ხელმძღვანელობდა “ევროპული სკოლის“ ბავშვთა კეთილდღეობაზე ზრუნვის სამსახური. MYP პროგრამის მოსწავლეებმა მოაწყეს თემატური მოკლემეტრაჟიანი ფილმების ჩვენება და ფილმების გარშემო გამართეს დისკუსია ბიბლიოთეკაში. ასევე თემის ირგვლივ მოამზადეს პოსტერები და გამოფინეს დერეფნებში. მოაწყეს “ფაბლაბში“ მომზადებული ნამუშევრების გამოფენაც. PYP პროგრამის მოსწავლეებმა კი მთელი კვირის განმავლობაში გამართეს თემატური ფილმების ჩვენება და დისკუსია კლასებში, ასევე ჩაატარეს კვირეულისადმი მიძღვნილი ასამბლეა. კამპანიაში ჩართული იყო ქართული პროგრამის საშუალო საფეხურის მოსწავლეებიც, რომელთაც მოამზადეს პოსტერები თემაზე #ერთადუკეთესია.’’ მოაწყეს მოკლემეტრაჟინი ფილმების ჩვენება-დისკუსია.

21 ნოემბერს ყვითელ ჯგუფში გვესტუმრა მაშო დავითაძის დედა, იურისტი ქეთი ქვარცხავა. იგი ბავშვებს საკუთარ პროფესიაზე, საზოგადოებრივ წესრიგზე და ბავშვთა უფლებებზე ესაუბრა.პატარები მხიარულად ჩაერთნენ საუბარში და გამოხატეს თავიანთი აზრი ამ თემებთან დაკავშირებით.შეხვედრის ბოლოს მაშომ მეგობრები სათამაშოებით დაასაჩუქრა. დიდი მადლობა ქეთის მობრძანებისთვის!

ქართული პროგრამის 3ა კლასის მოსწავლეებმა სკოლაში დაპატიჟეს და უმანსპინძლეს სპეციალური საჭიროების მქონე თბილისის N200 საჯარო სკოლის მოსწავლეებს და მათთან ერთად დახატეს. შეხვედრა სოცილური პროექტის ,,კომუნიკაცია“ ფარგლებში გაიმართა და ჟესტების ენით კომუნიკაციას მიეძღვნა. მოსწავლეებმა იმუშავეს სიტყვიერი და არასიტყვიერი კომუნიკაციის თემებზე და ახალი მეგობრებიც შეიძინეს.

ყვითელ ჯგუფში, ელენე ნარმანიას მამა, დავით ნარმანია ბავშვებს პროფესიების შესახებ ესაუბრა. პატარებმა მხიარულად წარუდგინეს თავი სტუმარს. უამბეს თუ რა პროფესიებს აირჩევენ მომავალში. მადლობა ბატონ დავითს საინტერესო შეხვედრისთვის!

დღეს ჩვენს პატარებს ძალიან საინტერესო გაკვეთილი ჩაუტარდათ. ჰარის დედამ ქალბატონმა ვანგმა, რომელიც ჩინური ენის მასწავლებელია, ბავშვებს ათამდე დათვლა და პატარა სიმღერაც ასწავლა ჩინურ ენაზე, შემდეგ ნაციონალური სამოსიც მოარგო და გადაიღო სამახსოვრო ფოტოები მათთან ერთად.

დღეს ინგლისური სექტორის ლურჯ ჯგუფში გვესტუმრა,სოფო ფოცხვერაშვილის დედა, იურისტი ქეთევან პეტრიაშვილი. იგი მაპატრებს ბავშვთა უფლებებზე ესაუბრა. ბავშვებმა მოისმინეს და გაიგეს ბევრი ახალი ინფორმაცია მათი უფლებების შესახებ, დასვეს და უპასუხეს კითხვებს.გაიმართა საინტერესო დისკუსია.მადლობა ქეთის ამ შესანიშნავი შესაძლებლობისთვის!