პროექტის ფარგლებში “ხელოვნების კულტურათაშორისი სწავლება“, “ევროპულ სკოლას“ ეწვია დელეგაცია, რომლის შემადგენლობაში შედიოდნენ ციურიხისა და ლუცერნის ხელოვნების ინსტიტუტების, ილიას სახელმწიფო უნივერსიტეტისა და განათლების სამინისტროს წარმომადგენლები. პროექტის მიზანია მომავალი ხელოვნების მასწავლებელების პროფესიული გამოცდილების გამდიდრება, სკოლებში ხელოვნების სწავლების ადვოკატირება და საქართველო-შვეიცარიის კულტურული კავშირების გაღრმავება.

1 ოქტომბერს ილიას სახელმწიფო უნივერსიტეტის “ილიაუნის“  ეზოში “ილიაუნის სამეცნიერო პიკნიკი“-2022  გაიამართა, სადაც “ევროპული სკოლის“ სტენდიც მოეწყო და  ვიზიტორებს ჰქონდათ შესაძლებლობა დაეთვალიერებინათ ინდუსტრიული  რობოტი Botley; რობოტი mBot; რობოტის ხელი DOBOT; დაეხატათ 3D კალამებით და ჩაეტარებინათ ქიმიური ცდები.

“ევროპულმა სკოლამ“ კვირას, 2 ოქტომბერს მოსწავლეებისა და მასწავლებლებისთვის ლისის ტბაზე გამართა სკოლის დაარსებიდან 15 წლისთავისადმი მიძღვნილი    მარათონი. მარათონის მონაწილეებისთვის ეს დღე იქცა სკოლის სიყვარულის, ერთგულების, ერთიანობის  დემონსტრირების საშუალებად.  სასიამოვნო ამინდმა, ლამაზმა ხედებმა,   სახალისო შეჯიბრმა განწყობა აუმაღლა დიდსა თუ პატარას, მასწავლებელსა თუ მოსწავლეს. 

“მიიღო გრანტი ნიშნავს, ისწავლო არა მხოლოდ მაღალი აკადემიური მოსწრებით, არამედ იყო კლასგარეშე აქტივობების ინიციატორი და მონაწილე და გამოირჩეოდე სამოქალაქო ჩართულობით,"- ამბობს მე-11 კლასის მოსწავლე მარიამ სააკაშვილი.

კლუბებს ჩვენი მოსწავლეების სასკოლო ცხოვრებაში მნიშვნელოვანი ადგილი უკავია, მორგებულია 21-ე საუკუნის მოზარდების ინტერესებზე და აერთიანებს ისეთ მიმართულებებს, რომელთაგან ზოგიერთი სკოლის დაარსების წლიდანაც კი ფუნქციონირებს, ზოგი კი სულ ახლახან გაიხსნა. კლუბების გამოფენა 2022 სკოლის შიდა ეზოში გაიმართა და უმასპინძლა სხვადასხვა საფეხურის მოსწავლეებს, რომლებიც თითოეულ საგამოფენო მაგიდასთან გაესაუბრნენ წარმომადგენლებს და გულდასმით გაეცნენ საქმიანობას კლასგარეშე კლუბებისა, სადაც ციურ სხეულებზე დაკვირვებისა თუ ჩინური ენის შესწავლით დაწყებული და თექის დამუშავებით დამთავრებული, ყველანაირი ინტერესის დაკმაყოფილებას შეძლებენ.

ამაღელვებელია პირველ დღეს  მოსწავლეებთან შეხვედრა  საზეიმო ვითარებაში. შევეცადეთ, ეს დღე განსაკუთრებით ხალისიანი და დასამახსოვრებელი ყოფილიყო ბავშვებისთვის. ოჩოფეხებზე შემდგარი გმირები საზეიმო დაფდაფების ფონზე ეგებებეოდნენ  პატარებს, გიგანტურ საპნის ბუშტებთან შეხება, გაცოცხლებულ ქანდაკებასთან, ჰუმანოიდ რობოტებთან ფოტოების გადაღება კი ნამდვილად ჯადოსნურ განწყობას ქმნიდა.

2022 წლის 25 ივნისს სასტუმრო ჰოთელს & პრეფერენს ჰუალინგ თბილისში, Global Idea-სა და The FINANCIAL-ის ორგანიზებით, ნომერ პირველი ოქროს ბრენდების რიგით მე -17 დაჯილდოების ცერემონია გაიმართა. ოქროს ბრენდის ჯილდო ყველაზე მნიშვნელოვან და პრესტიჟულ ბიზნეს ჯილდოდ არის აღიარებული საქართველოში. იგი გადაეცემა ბიზნეს სექტორს ხარისხისა და მომხმარებლის კმაყოფილების მიხედვით. “ევროპული სკოლა“ სწორედ ამ ჯილდოს მფლობელი გახდა. სკოლა ამაყობს, რომ საზოგადოებისა და ექსპერტთა გამოკითხვის საფუძველზე სწორედ ის დასახელდა გამარჯვებულად და ოქროს ბრენდად 2021 წლის მიღწევებისა და საზოგადოებრივი წვლილისთვის.

ძმები არველაძეები ათასობით ფეხბურთის მოყვარულს აღაფრთოვანებენ საქართველოში და უზარმაზარი პოზიტიური სოციალური ზეგავლენა აქვთ. “ევროპული სკოლის“ მე-5 კლასის მოსწავლეებმა შეისწავლეს თემა “ქართული  ფეხბურთის ისტორია“ და ამ თემის ფარგლებში -  ცნობილი ქართველი ფეხბურთელების ბიოგრაფიები. თემის შესწავლის კულმინაცია იყო ძმებ არველაძეებთან შეხვედრა. სკოლაში სტუმრობისას მათ დაათვალიერეს მოსწავლეთა პოსტერების გამოფენა, უპასუხეს  შეკითხვებს და მასტერკლასიც შესთავაზებს ფეხბურთის მოყვარულებს.

გარემოს დაცვის მსოფლიო დღე “ევროპულ სკიოლაში“ განსაკუთრებულად აღინიშნა. განახლებადი ენერგიის განვითარებისა და გარემოს დაცვის საკითხებზე ცნობიერების ამაღლების მიზნით, GREDA-მ მე-9, მე-10 და მე-11 კლასის მოსწავლეებთან შეხვედრა გამართა. საქართველოს განახლებადი ენერგიის განვითარების ასოციაციის წარმომადგენლებსა და მოსწავლეებს შორებს საინტერესო დისკუსია გაიმართა. შეხვედრა მიზნად ისახავდა ადამიანთა პასუხისმგებლობის გაცნობიერებას ბუნების მიმართ, გარემოს მდგრადი განვითარებისათვის ხელშეწყობას და გარემოს შენარჩუნებისა და გაუმჯობესებისათვის ბრძოლაში საზოგადოების აქტიურ ჩართვას.