ევროპული სკოლის დაწყებითი საფეხურის მოსწავლეებმა იმუშავეს პროექტზე “დედამიწა“. პროექტის ფარგლებში განხორციელებული აქტივობები ინტეგრირებული გახლდათ საგნებთან: ბუნება, Lego,ინგლისური ენა: ბუნების გაკვეთილებზე ბავშვებმა შეისწავლეს კონტინენტები; Lego-ს საგაკვეთილო საათებზე მოსწავლეებმა დაამზადეს დედამიწის მოდელი; ინგლისური ენის შესწავლასთან ერთად ხალისით დაეუფლნენ სიმრერებს დედამიწის შესახებ.

“ევროპული სკოლა“ სასკოლო ცხოვრებაში ისეთ ტრადიციებს ამკვიდრებს, რაც ზრდის მოსწავლეთა ინიციატივიანობას, პასუხისმგებლიანობას და გზას უხსნის მათ ცვლილებების განხორციელებისკენ. დღეს სკოლაში თვითმართველობის დღე აღინიშნა. მოსწავლეებს მიეცათ შესაძლებლობა, განევითარებინათ ლიდერული უნარები, ერთი დღით მოერგოთ “ევროპული სკოლის“ თანამშრომლების როლები და ემართათ სკოლის ცხოვრების ყველა ასპექტი.

წიგნის ჩუქების ტრადიცია მსოფლიოს მასშტაბით პოპულარულია. წიგნისა და საავტორო უფლებების მსოფლიო დღეს ადამიანები ერთმანეთს წიგნებს ჩუქნიან. უკვე მეოთხე წელია მწერალ გიორგი კეკელიძის ინიციატივით საქართველოში იმართება კამპანია #აჩუქეწიგნი და “ევროპული სკოლის“ მოსწავლეები თანაკლასელებს, წიგნის კითხვის სიყვარულის ნიშნად, წიგნებს ჩუქნიან.

“დავით ბეჟუაშვილის განათლების ფონდი“ და “ევროპული სკოლა“ ნიჭიერ და მიზანსწრაფულ მოსწავლეებს ქვეყნის მასშტაბით სთავაზობს სასწავლო გრანტს და გზას უხსნის ხარისხიანი საერთაშორისო განათლებისკენ. ფონდი აკადემიურად გამორჩეული, დიდი პოტენციალის მქონე მოსწავლეებისთვის  ცვლის რეალობას და ეხმარება მათ, მიიღონ განათლება, რომელსაც იმსახურებენ.

“ევროპულ სკოლაში“ 14 აპრილს განსაკუთრებულად აღინიშნა დედა ენის დღე.  დედა ენისა,  რომელიც ქართველი ერის დამოუკიდებლობის, თვითმყოფადობისა და ცნობიერების საწყისია.

“ევროპული სკოლის“ მოსწავლეთა პარლამენტი, ომის ამ უმძიმეს რეალობაში, სოლიდარობას უცხადებს უკრაინელ ხალხს. მათ მხარდასაჭერად მოსწავლეებმა ჰუმანიტარული დახმარება შეაგროვეს:    საკვები, ჰიგიენის საშუალებები,  სამედიცინო ნაკრები და სხვა საჭირო ნივთები. საქართველოს წითელი ჯვრის საზოგადოებისა და კომპანია “მეამას“ თანადგომით ეს ტვირთი მალე ჩავა უკრაინაში.

2 აპრილი აუტიზმის შესახებ ცნობადობის ამაღლების მსოფლიო დღეა. “ევროპული სკოლა“  ინკლუზიურ და მზრუნველ გარემოს სთავაზობს ბავშვებს და ცდილობს, თითოეულს შინაარსიანი და სავსე ცხოვრება ჰქონდეს.   სკოლის MYP პროგრამის მოსწავლეებმა 1 აპრილს, როდესაც “მზის შვილების“ ბენეფიციარებს მასპინძლობდნენ, კიდევ ერთხელ დაადასტურეს, რომ მზრუნველი და პასუხისმგებლიანი მოზარდები არიან. მოსწავლეებმა სტუმრებთან ერთად სასიამოვნოდ გაატარეს დასვენების საათი. ამ კამპანიაში სხვა პროგრამის მოსწავლეები და თანამშრომლებიც ჩაერთნენ აქტიურად. მათ, აუტიზმის შესახებ ცნობიერების ამაღლების მიზნით, სხვადასხვა სუვენირი და სიმბოლო შეიძინეს. დასასრულს, სკოლამ სტუმრებს სამახსოვრო საჩუქრები გადასცა და სამომავლო თანამშრომლების გეგმები დასახა.

31 მარტს ამერიკულმა უმაღლესმა სკოლამ, ამერიკის შეერთებულ შტატებსა და საქართველოს შორის დიპლომატიური ურთიერთობის 30 წლის აღსანიშნავ ღონისძიებაზე, უმასპინძლა ამერიკის შეერთებული შტატების ელჩს კელი დეგნანს და კულტურისა და განათლების საკითხების ატაშეს კრისტოფერ ანდერსონს.

ქართული პროგრამის დაწყებითი საფეხურის მოსწავლეებმა “მე და საზოგადოების“ საგნის შესწავლილას გაიცნეს და სიღრმისეულად შეისწავლეს რა არის რეკლამა, საზოგადოებასთენ ურთიერთობა, პრომოცია და ინტეგრირებული მარკეტინგი. დამატებით გაკვეთილზე საზოგადოებასთნ ურთიერთობის სპეციალისტი ნინო კუსრაშვილი შეხვდა და სპეციალურად მომზადებული პრეზენტაცია და ქართულ ენაზე გამოცემული სახელმძღვანელო “რეკლამა და პრომოცია“ გააცნოთ. ინტერაქტიულ რეჟიმში პიარსპეციალისტმა და მოსწავლეებმა ისაუბრეს XXI საუკუნის თანამედროვე სფეროებზე: საზოგადოებასთნ ურთიერთობა, ინტეგრირებული მარკეტინგი და სოციალური პლატფორმების შესახებ.