17 და 24 ნოემბერს “ბრიტანული უნივერსიტეტი“ საქართველოში “ევროპული სკოლას“ ეწვია და მე-11-12 კლასელებს სემინარები ჩაუტარა. შეხვედრების თემა  ორგანიზაციული ლიდერობა იყო, რაც თეორიულ ნაწილთან ერთად  პრაქტიკულ სავარჯიშოს მოიცავს, რომელიც შემუშავებულია კომპანია ლეგოსა და ოქსფორდის უნივერსიტეტების მიერ. შეხვედრამ მოსწავლეებში დიდი მოწონება დაიმსახურა.

სოციალური პასუხისმგებლობა “ევროპული სკოლისთვის“ ერთ-ერთი მთავარი ღირებულებაა. სკოლა სხვადასხვა საშუალებას მიმართავს საზოგადოებაში დადებითი წვლილის შესატანად. ამჯერად საოკუპაციო ხაზთან მდებარე საზღვრისპირა  სოფელ მერეთის საჯარო სკოლას ვესტუმრეთ და პროექტორი, დაფები და წიგნები გადავეცით საჩუქრად, რათა სასწავლო პროცესი უფრო საინტერესო და მრავალფეროვანი გახდეს ადგილობრივი მოსწავლეებისთვის. “ევროპულმა სკოლამ“ პროექტორი სულ ცოტა ხნის წინ ქ.სენაკში მდებარე აფხაზეთის #7 საჯაროს სკოლასაც უსახსოვრა. აღნიშნული საქველმოქმედო აქციები მწერალ გიორგი კეკელიძის ხელშეწყობით  ეროვნული ბიბლიოთეკის პროექტ “ეკვილიბრიუმის“ ფარგლებში განხორციელდა. 

კენდალის ინგლისური სკოლის (ჩილე) ორგანიზებით 20 ნოემბერს ჩატარდა საერთაშორისო საჭადრაკო ონლაინ ტურნირი სკოლის მოსწავლეებისთვის, რომელშიც 31 ქვეყნის 518 მონაწილე ეჯიბრებოდა ერთმანეთს 12  კატეგორიაში.  “ევროპული სკოლის“ მოსწავლეებმა წარმატებით იასპარეზეს დაწყებით A, B და საშუალო A კატეგორიებში. დაწყებით A კატეგორიაში მესამე ადგილზე მეორე კლასის მოსწავლე ანდრია ჩქარეული გავიდა, მეოთხე ადგილი ერგო ანასტასია ლაბარტყავას, მეშვიდე ადგილი კი მარიამ ლაბარტყავამ დაიკავა.  

“ევროპულმა სკოლამ“ მშობლისგან საჩუქრად მიიღო პირბადეები სხვადასხვა ასაკის მოსწავლეებისთვის. “მსურდა სკოლის საზოგადოებისთვის გამეწია სამსახური“,- ამბობს ქსუეპინგ ვუ, რომელმაც  12500 ცალი პირბადე გადმოსცა სკოლას. საჩუქარი განაწილდება “ევროპული სკოლის“ თითოეული აკადემიური პროგრამის ფარგლებში და  ინფიცირების პრევენციაში დაეხმარება მოსწავლეებს.  საჩუქარი განსაკუთრებით დაწყებითი საფეხურის მოსწავლეებს მოეწონათ. მათ მყისიერად მოირგეს ფერადი პირბადეები და უსაფრთხოდ და  ხალისიანად გაატარეს დღის დარჩენილი ნაწილი. 

წლევანდელი TEDxIBEuropeanSchool ღონისძიების თემა იყო “წინ სიარული“. პანდემიამ მსოფლიო თავდაყირა დააყენა, ზეგავლენა მოახდინა ყველაზე: ზრდასრულ ადამიანებზე, ბავშვებსა და მოზარდებზე. ღონისძიების სპიკერებს სჯერათ, რომ ჩვენი რეალობა და მომავალი ჩვენს ხელთაა. ისინი გვთავაზობენ გზებს, თუ როგორ გავუმკლავდეთ სირთულეებს, დავაღწიოთ თავი სტაგნაციას, მოვსინჯოთ ახალი შესაძლებლობები, მივაღწიოთ წარმატებას და რაც მთავარია, გავხდეთ ბედნიერები.

“ევროპულ სკოლაში" III კლასის მოსწავლეთა ნამუშევრების გამოფენა მოეწყო, რომელიც მსოფლიო ქალაქებს მიეძღვნა. ხელოვნების გაკვეთილებზე, მოსწავლეები  ხელოვნების მასწავლებელთან მარიკა ბოცვაძესთან ერთად გაეცნენ მსოფლიოს ცნობილ ქალაქებს, მოიძიეს ინფორმაციები მათ ღირშესანიშნაობებზე და მრავალფეროვანი მასალისა და ტექნიკის გამოყენებით  შექმნეს ფერწერული და გრაფიკული ნამუშევრები, სადაც ძირითადი აქცენტი  დეკორატიულობაზე და ორნამენტზე გაკეთდა.

“ევროპული სკოლის"  7ბ კლასის მოსწავლეები, ისტორიისა და ხელოვნების  ინტეგრირებული პროექტ “ძველი ცივილიზაციები" -ის  ფარგლებში,   სამხატვრო აკადემიის პროფესორს, ხელოვნებათმცოდნე  ქალბატონ ანა კლდიაშვილს შეხვდნენ. ქალბატონი ანა  მოსწავლეებს ესაუბრა ძველი ცივილიზაციების, კერძოდ ძველი ეგვიპტისა და შუმერის   ხელოვნების შესახებ, თუ რა გავლენა იქონია ამ ორმა ცივილიზაციამ კაცობრიობის  განვითარებაზე.  შეხვედრა ინტერაქტიურ ფორმატში წარიმართა. ქალბატონმა ანამ უპასუხა მოსწავლეთა  კითხვებს. შეხვედრა   მნიშვნელოვანი იყო როგორც  ინფორმაციების მისაღებად, ასევე  მოსწავლეთა  მოტივაციის ასამაღლებლად, რაც  ხელს  შეუწყობს ინტეგრირებული პროექტის წარმატებით დასრულებას. 

“ევროპული სკოლის“ IX ა და IX ბ კლასის მოსწავლეები  80-ნელთა ცნობილ  წარმომადგენელს, მხატვარ  გია ბუღაძეს ონლაინ რეჟიმში  შეხვდნენ. საუბარი წარიმართა საბჭოთა პერიოდის მხატვრობაზე, თუ რა პრობლემების წინაშე იდგა მხატვარი,  საკუთარი ხედვისა თუ იდეების გამოსახატად რა გზებსა და  ხერხებს  მიმართავდა.  შეხვედრა ინტერაქტიურ ფორმატში წარიმართა. მხატვარმა  უპასუხა  მოსწავლეთა  შეკითხვებს.

“ევროპული სკოლის“ მოსწავლემ ლუკა ჟღენტმა კადეტებს შორის სამბოში საქართველოს პირველობა  მოიპოვა. აჭარის სპორტის დეპარტამენტის ინფორმაციით, ლუკა ჟღენტი 16 წლისაა და წარმატებას 2005 და 2006 წლებში დაბადებული მოზარდების კატეგორიაში მიაღწია.