სამედიცინო განათლების გაღრმავების მიზნით ქართული პროგრამის საშუალო საფეხურის მოსწავლეებისთვის დაიწყო შეხვედრების ციკლი  ცხოვრების ჯანსაღი წესისა და ჯანმრთელობის  შენარჩუნების შესახებ.  სწორედ ამიტომ, 27 ოქტომებრს  “საერთაშორისო სტომატოლოგიური ცენტრის აისოს" ექიმებმა მოსწავლეებს ჩაუტარეს ინფორმაციული ხასიათის ლექცია  პირის ღრუს ჯანმრთელობის შენარჩუნების შესახებ. 

27 ოქტომბერი იაკობ გოგებაშვილის დაბადების დღე და სკოლის ბიბლიოთეკების საერთაშორისო დღეა. ამ თარიღებთან დაკავშირებით “ევროპულ სკოლაში“ არაერთი მნიშვნელოვანი ლიტერატურული ღონისძიება გაიმართა.

მარო მაყაშვილი - ახალგაზრდა ქალი, რომელიც იცავდა თავისი ქვეყნის დამოუკიდებლობას, წითელი ჯვრის მოწყალების და, რომელიც 19 წლის ასაკში დაიღუპა საქართველოში წითელი არმიის შემოჭრისას, პირველი ქალი, რომელსაც საქართველოს ეროვნული გმირის წოდება მიენიჭა.

16 ივნისს ,,ევროპულ სკოლის” სააქტო დარბაზში მეოთხე კლასის დამამთავრებელი საზეიმო ცერემონიალი გაიმართა, რომელიც  მწერალმა, გიორგი კეკელიძემ გახსნა. დამრიგებლებმა მოსწავლეებს ოთხწლედის დასრულება მიულოცეს და  წარმატებები უსურვეს. მოსწავლეების დიდი სიხარული გამოიწვია სპეციალურად ამ დღისთვის მომზადებულმა ვიდეორგოლმა, რომელზეც ბავშვების სკოლაში ყოფნის ოთხი წელი იყო აღბეჭდილი. შეხვედრის დასასრულს მეოთხეკლასელები სიგელებით დაჯილდოვდნენ.

“ევროპული სკოლის“ ქართული პროგრამის დაწყებითი კლასის საფეხურის მოსწავლეებს საბავშვო მწერალი, ვასო გულეური  ეწვია სტუმრად. მოსწავლეებმა თავად ავტორისგან მოისმინეს ნაცნობი ლექსები, მოთხრობები, რომელიც სასკოლო სახელმძღვანელოებიდანაც ნაცნობია მათთვის. სტუმარს  საინტერესო შეკითხვებიც დაუსვეს და თავადაც წაუკითხეს შესწავლილი ნაწარმოებები.  20-მდე საბავშვო წიგნის ავტორმა ვასო გულეურმა სულ ახალი გამოცემები წარადგინა პატარა მკითხველების წინაშე და სასარგებლო რჩევებიც მისცა საზაფხულოდ საკითხავი ლიტერატურის შესარჩევად.

რეზო გაბრიაძე – მხატვარი, თეატრისა და კინოს რეჟისორი, მწერალი, მოქანდაკე, რომლის შემოქმედება არის ზღაპრული სამყარო, რომელშიც ადამიანები, საგნები, თოჯინები სიკეთით და იუმორით მოგვითხრობენ ადამიანურ ისტორიებს, ამ სამყაროს შემქმნელი კი ეთაყვანება თავის პერსონაჟებს, დიდსა თუ უმნიშვნელოს, ადამიანებსა თუ თოჯინებს. ალბათ, ამიტომაც უწოდა ამ კეთილშობილებით სავსე გენიალურ შემოქმედს ფრანგულმა გამოცემამ Le Monde “თბილისის ანგელოზი“. “ევროპულ სკოლაში“ 17 ივნისს რეზო გაბრიაძის ხსოვნისადმი მიძღვნილი ღონისძიება გაიმართა. მოზარდებს მისი ცხოვრება და შემოქმედება მწერალმა გიორგი კეკელიძემ და რეჟისორმა ირაკლი ჯაოშვილმა გააცნეს. მოეწყო რეზო გაბრიაძის ცხოვრების, ქუთაისში გატარებული ბავშვობის შესახებ გადაღებული ანიმაციური ფილმის ჩვენება : “ჰაი, ჰარალე დედაო!“ ღონისძიება ისეთივე კეთილი და თბილი იყო, როგორც რეზო გაბრიაძის მთლიანი შემოქმედება.

8 ივნისს “ევროპულ სკოლაში“ ქართული პროგრამის მე-12 კლასელების გამოსაშვები საღამო გაიმართა. კურსდამთავრებულებს სკოლის დამთავრება მიულოცა და კეთილი სურვილები უსურვა “ევროპული სკოლის“ დირექტორმა სოფიო ბაზაძემ. წარჩინების სერტიფიკატები და “ევროპული სკოლის“ მედლები გადაეცათ: ახალაია მარიამს, ზედგენიძე სალომეს, ოქრიაშვილ მარიამს, ფანჯაკიძე ელენეს, ქობლიანიძე ელენეს, ყუბანეიშვილ თორნიკეს, ცერცვაძე ნინის, ჯოხაძე ელენეს.

8 ივნისს “ევროპულ სკოლასა“ და სსიპ - ივანე ჯავახიშვილის სახელობის თბილისის სახელმწიფო უნივერსიტეტის მედიისა და ტელეხელოვნების კოლეჯს შორის თანამშრომლობის მემორანდუმი გაფორმდა. “ევროპული სკოლის“ დირექტორმა სოფიო ბაზაძემ და მედიისა და ტელეხელოვნების კოლეჯის დირექტორმა ზურაბ ოშხნელმა ხელი მოაწერეს მემორანდუმს, რომლის მიზანია სკოლისა და კოლეჯის მოსწავლე-ახალგაზრდობის ერთობლივი პროექტების განხორციელება, განათლების ხარისხისა და პარტნიორული ურთიერთობების განვითარების ხელშეწყობა. მემორანდუმის თანახმად, დაიგეგმება ერთობლივი პროექტები საერთაშორისო ფესტივალებზე, კონფერენციებსა და ფორუმებზე წარსადგენად, ჩატარდება მიზნობრივი ღონისძიებები, საჯარო ლექციები, სემინარები/ტრენინგები, მასტერკლასები და სხვა თემატური აქტივობები.

“ახალგაზრდა ექიმ-მეცნიერთა საზოგადოების“ ექიმი-ენდოკრინოლოგი თამარ ჩადუნელი “ევროპული სკოლის“ მე-6 და მე-7 კლასის მოსწავლეებს შეხვდა და ჩაატარა სამედიცინო სემინარი თემაზე “პებერტატული ასაკის თავისებურებანი.“ ონლიან შეხვედრაზე მოსწავლეებმა კითხვა-პასუხის რეჟიმში განიხილეს მათთვის საინტერესო თემები.