“ევროპულ სკოლაში“ ტრადიციულად მოსწავლეთა ნამუშევრების საშობაო გამოფენა გაიხსნა. გამოფენაზე წარმოდგენილი იყო შობა-ახალი წლის თემატიკაზე შექმნილი ფერწერული, გრაფიკული ნამუშევრები, კოლაჟები და კონსტრუქციები. ნამუევრები შექმნილი იყო მრავალფეროვანი მასალისა და ტექნიკის გამოყენებით. საშობაო გამოფენაში მონაწილეობა მიიღეს ქართული პროგრამის დაწყებითი, საბაზო საფეხურისა და საერთაშორისო ბაკალავრეატის PYP და MYP პროგრამის მოსწავლეებმა.

“ევროპული სკოლის“ ქართული პროგრამის დაწყებითი კლასის მოსწავლეებმა ზღაპრული წვეულება მოაწყეს. პირველი და მე-3 კლასის მოსწავლეებმა საახალწლო კარნავალი გამართეს. მე-3 კლასელებმა წარმოგვიდგნიეს საქართველოს სხავადსხვა კუთხეები თუ როგორ აღნიშნავენ ახალ წელს, შეარულეს მუსიკალური ნომრები ქართული ფილმებიდან და ძველი თბილისის სცენები წარმოგვიდგინეს. პირველკლასელებმა კი საშობაო სიმღერა შეგვისრულეს და სანტა კლაუსსთან ერთად იცეკვეს. სახალისო და სანახაობრივი ნომერი აღმოჩნდა ჰიპ-ჰოპის მოცეკვავეთა მიერ შესრულებული “თოჯინების ცეკვა.“

დღეს “ევროპულ სკოლაში“ საახალწლო განწყობის შესაქმნელად მოსწავლეები თავისუფალი, საახალწლო ჩაცმულობით მოვიდნენ. ერთი დღე ფორმის გარეშე გაატარეს და დაიწყეს საახალწლო მზადება. სანტას ქუდებსა და სადღესასწაულო ტანისამოსში გამოწყობილი მოსწავლეები სკოლის შიდა ეზოში შეიკრიბნენ გასართობად და საახალწლო ემოციების გასაზიარებლად. დერეფნები და საკლასო ოთახები უკვე მორთულია სადღესასწაულოდ.

16 დეკემბერს “ევროპული სკოლის“ ფაბლაბში მეორედ ჩატარდა რობოტების შეჯიბრი სუმოში – “Sumo Bot Challenge”, რომელშიც მონაწილეობას იღებდნენ “ევროპული სკოლის“ მე-6 კლასის მოსწავლეები. კონკურსის ფარგლებში მოეწყო რამდენიმე არენა, რომელთა გამარჯვებულებიც ფინალში შეხვდნენ ერთმანეთს. დაძაბული კონკურენციის პირობებში, ყველაზე კარგად დაპროგრამებულმა რობოტმა მოიგო კონკურსი და გადაეცა წლის SumoBot-ის წოდება.

იტალიელი მწერლის კარლო კოლოდის განთქმული ზღაპარი “პინოქიოს თავგადასავალი“ “ევროპული სკოლის“ სცენაზე ხელოვნების დეპარტამენტის ინიციატივით და დ. ნადირაშვილისა და ბ. ყურაშვილის რეჟისორობით დაიდგა. ცნობილი პერსონაჟების როლები კი “ევროპული სკოლის“ მოსწავლეებმა განასახიერეს.

13 დეკემბერს Fablab-ში Aideathon გამოფენა გაიმართა. მასწავლებლებმა თავიანთ მოსწავლეებთან ერთად შექმნეს მარტივი პროტოტიპები, რომლებიც გაამარტივებდა და განავითარებდა სასწავლო პროცესს. სასწავლო პროცესის გაუმჯობესების მიზნით მათ იმუშავეს ფაბლაბში განთავსებულ დანადგარებთან და შექმნეს მყარი მოწყობილობები.შემდეგ კი ფაბლაბის შესაძლებლობები თავიანთ ნამუშევრებთან ერთად გააცნეს ფართო აუდიტორიას.

13 დეკემბერს “ევროპული სკოლის“ მეოთხე კლასელები ტრანსდისციპლინარული თემის ფარგლებში შეხვდნენ გარემოს დაცვისა და სოფლის მეურნეობის სამინისტროს, გარემოს დაცვითი ინფორმაციის და განათლების ცენტრის საინფორმაციო სამსახურის მთავარ სპეციალისტებს ანა მანჯავიძეს და მარიამ არჩვაძეს.

10 დეკემბერს მე -7 ა და მე-7 ბ კლასებში ჩატარდა ინტეგრირებული გაკვეთილი ბიოლოგიასა (მასწავლებელი მანანა ჟამურაშვილი) და გეოგრაფიაში (მასწავლებელი მაიაბრეგვაძე ) თემაზე: “შავი ჭირის ეპიდემიები შუა საუკუნეებში დაავადების გამომწვევი მიზეზები და გავრცელების გეოგრაფია.“ ჩატარებულ ინტეგრირებულ გაკვეთილს წინ უძღოდა მეცადინეობა სასარგებლო და მავნე ბაქტერიების შესახებ. კლასში მომზადდა და შეიღება რძემჟავა ბაქტერიების დროებითი პრეპარატები, რომელიც მიკროსკოპის საშუალებით მოსწავლეებმა დაათვალიერეს და ჩაიხატეს რვეულებში. ინტეგრირებულ გაკვეთილზე ნაჩვენები იყო შავ ჭირზე ფილმიდან ფრაგმენტი; ბავშვებმა იმუშავეს ჯგუფებში ახალ მასალაზე. ეს აქტივობა ითვალისწინებდა მოსწავლეებში სხვადასხვა უნარის: დამოუკიდებლად ინფორმაციის დამუშავების, კითხვების მოფიქრებსა და დასმის, პრეზენტაციის, მოსმენის, მოსმენილი ინფორმაციიდან მნიშვნელოვანის მონიშვნისა და ანალიზის უნარის განვითარებაზე.

12 დეკემბერს “ევროპულ სკოლაში“ ქართული პროგრამის საბაზო საფეხურის მოსწავლეთა ასამბლეა გაიმართა, სადაც სხვადსხვა კლასის მოსწავლეებმა მოამზადეს პრეზენტაციები და პედაგოგებსა და თანატოლებს წარუდგინეს. მეშვიდე კლასელებმა ძალიან საინტერესოდ წარადგინეს პროიექტი “გ.ლეონიძის მუხლადი სიტყვა;“ მოვისმინეთ “ჟენევის საერთაშორისო კონფერენციის“ მიმოხილვა, სადაც ჩვენი სკოლის მოსწავლეები იმყოფებოდნენ; გაგვაცნეს -კორეული კულტურა და წეს-ჩვეულებები; სახალისო და საინტერესო აღმოჩნდა “STEM- სამზარეულოში’’ ჯანსაღი პროდუქტებით პიცის მომზადება; ლიტერატურისა და ისტორიის ნაწილში წარადგინეს პრეზენტაცია აკა მორჩილაძის შესახებ და საკონკურსო “მონეტის დიზაინი,“ ასამბლეა დასრულდა ES TV-ში მოსწავლეების მიერ მომზადებული ფილმის ჩვენებით “ჩემი სკოლის ნეკერჩხალი - ჩემი ნატვრის ხე.“