“ევროპული სკოლის“ მეშვიდეკლასელებმა კარგად იციან რატომ ჰქვია “ხუთშაბათობა“ იმ გაკვეთილებს, რომლებიც უკვე ტრადიციად იქცა და ჩვენი სკოლის ბიბლიოთეკაში ყოველკვირეულად ტარდება. ამჯერად მათ კლასგარეშე ლიტერატურის კითხვის ფარგლევში იმუშავეს პროექტზე : გ.ლეონიძის მუხლადი სიტყვა. წაიკითხეს მოთხრობები და ნახეს მხ.ფილმი “ნატვრის ხე“, იმსჯელეს ლიტერატურული ნაწარმოების ეკრანიზებული ვარიანტის შესახებ; დამსწრე საზოგადოებას გააცნეს არჩეული მოთხრობების მიხედვით მათ მიერ დაწერეილი კინოსცენარები; შეადგინეს ლექსიკონი; წარადგინეს საინტერესო პრეზენტაციაბი.

“ევროპულ სკოლაში“ საინტერესო ექსპერომენტები ჩატარდა ბუნებისა და სპორტის გაკვეთილებზე. სკოლას ეწვივნენ WMA Georgia/საქართველოს ნარჩენების მართვის ასოციაციის წარმომადგენლები, რომლებიც ახორციელებენ პროგრამას #შეამცირეპლასტმასა CCNN, USAD-ის მხარდაჭერით. ტრანსდისციპლინარული თემის “ნარჩენების მართვა, ნარჩენების შემცირება და ნარჩენების დახარისხება“ ფარგლებში ჩატარდა ბუნებისა და სპორტის განსხვავებული გაკვეთილები, სადაც მეორადი მაისურებისგან ჩანთები დაამზადეს მოსწავლეებმა.

22 ნომებერს WeSki Georgia-მ “ევროპული სკოლის“ ქართული პროგრამის საშუალო და საბაზო საფეხურის ყველა კლასის მოსწავლეს ჩაუტარა ტრენინინგი თემაზე-“ზამთრის სპორტი და უსაფრთხოება.“

20-23 ნოემბერს სტუდენტური გაერთიანება “ალმა მატერის“ ინიციატივით გრიგოლ რობაქიძის უნივერსიტეტში გაიმართა ტურნირი მინი ფეხბურთში “ალმას თასი- 2019“. ტურნირში მონაწილეობდნენ უნივერსიტეტის სხვადასხვა ფაკულტეტის გუნდები და პარტნიორი სკოლების - “ევროპული სკოლის“, თბილისის №23 და №98 საჯარო სკოლების, საფეხბურთო გუნდები. ტურნირის საზეიმო გახსნის ცერემონიას ესწრებოდა უნივერსიტეტის რექტორი, პროფესორი მამუკა თავხელიძე. ფინალში გამართული ასპარეზობის შედეგად “ევროპული სკოლის“ გუნდმა მე-3 ადგილი მოიპოვა. საპრიზო ადგილები კი ასე გადანაწილდა: I ადგილი - “ ვასკო და გამა“ - გრიგოლ რობაქიძის უნივერსიტეტი; II ადგილი - “რეალ მატერი“ - გრიგოლ რობაქიძის უნივერსიტეტი; III ადგილი - “ ევროპული სკოლა“ - ევროპული სკოლა. ტურნირის დახურვის საზეიმო ცერემონიაზე გამარჯვებულ გუნდებს გამარჯვებულთა თასი, მედლები და სერტიფიკატები გადასცეს.

“ევროპულ სკოლაში“ მთელი კვირის განამვლობაში არაერთი ღონისძიება ჩატარდა ანტიბულიგ კამპანიის ფარგლებში, რომელსაც ხელმძღვანელობდა “ევროპული სკოლის“ ბავშვთა კეთილდღეობაზე ზრუნვის სამსახური. MYP პროგრამის მოსწავლეებმა მოაწყეს თემატური მოკლემეტრაჟიანი ფილმების ჩვენება და ფილმების გარშემო გამართეს დისკუსია ბიბლიოთეკაში. ასევე თემის ირგვლივ მოამზადეს პოსტერები და გამოფინეს დერეფნებში. მოაწყეს “ფაბლაბში“ მომზადებული ნამუშევრების გამოფენაც. PYP პროგრამის მოსწავლეებმა კი მთელი კვირის განმავლობაში გამართეს თემატური ფილმების ჩვენება და დისკუსია კლასებში, ასევე ჩაატარეს კვირეულისადმი მიძღვნილი ასამბლეა. კამპანიაში ჩართული იყო ქართული პროგრამის საშუალო საფეხურის მოსწავლეებიც, რომელთაც მოამზადეს პოსტერები თემაზე #ერთადუკეთესია.’’ მოაწყეს მოკლემეტრაჟინი ფილმების ჩვენება-დისკუსია.

ქართული პროგრამის 3ა კლასის მოსწავლეებმა სკოლაში დაპატიჟეს და უმანსპინძლეს სპეციალური საჭიროების მქონე თბილისის N200 საჯარო სკოლის მოსწავლეებს და მათთან ერთად დახატეს. შეხვედრა სოცილური პროექტის ,,კომუნიკაცია“ ფარგლებში გაიმართა და ჟესტების ენით კომუნიკაციას მიეძღვნა. მოსწავლეებმა იმუშავეს სიტყვიერი და არასიტყვიერი კომუნიკაციის თემებზე და ახალი მეგობრებიც შეიძინეს.

15 ნოემბერს “ევროპული სკოლის“ ქიმიის ლაბორატორიაში გაიმართა კლუბ “LiKBaCaNa”-ღონისძიება თემაზე - STEM - სამზარეულო. კლუბის წევრებმა ხორბლის ფანტელებში ექსპერიმენტულად აღმოაჩინეს რკინის შემცველობა და მათ მიერ Fablab-ში დამზადებული ატომის მოდელის საშუალებით სტუმრებს აუხსნეს რკინის მაგნიტური თვისებები, დაამზადეს მაიონეზი - ახსნეს ქიმიურად ემულსიის წარმოქმნის პროცესი, გამოაცხვეს პიცა ჯანსაღი ინგრედიენტებით და ბოლოს სტუმრებს შესთავაზეს თხევადი აზოტით გაყინული ქოქოსიანი რაფაელოს ბურთულები.

“ასტრიდ ლინდგრენის კვირეულის“ განმავლობაში მთელი სკოლის მასშტაბით ჩატარდა ვიქტორინები და ლიტერატურული შეხვედრები: ქათული პროგრამის მე-4 კლასელებმა პირველკლასელებს წარუდგინეს პრეზენტაციები მწერლის ცხოვრებისა და შემოქმედების შესახებ. სმარტ ოთახში მე-3 კლასელების მონაწილეობით ჩატარდა ლიტერატურული ვიქტორინა, სადაც გუნდებად დაყოფილი მოსწავლეები ეჯიბრებოდნენ ერთმანეთს.

გემრიელობების დროც დადგა და მოსწავლეებმა გადაწყვიტეს პეპის მსგავსად სკოლის კაფეტერიაში მოემზადებინათ მაჭკატები. მზარეულებისაგან მოიძიეს რეცეპტი, კიდევ ერთხელ გადაიკითხეს წიგნში ის თავი, სადაც პეპი დიდი მხიარულობით ცხობას სწავლობს და საკუთარი ხელით მოამზადეს გემრიელი პეპის მაჭკატები.