ასტრიდ ლინდგრენის წიგნის გმირებს “ევროპული სკოლის“ მოსწავლეები კარგად იცნობენ, ამიტომაც გააცოცხლეს პეპი, კარლსონი, ემილი, რონია და საკუთარი თვალით დანახული მხიარული გმირები დახატეს. “ევროპული სკოლის“ ლონდონის გამზირზე ქართული პროგრამის დაწყებითი კლასისა და PYP პროგრამის მოსწავლეების ნახატები გამოიფინა. მოსწავლეებმა ხელოვნების გაკვეთილებზე ერთი თვის განამვლობაში დახატეს ყველასათვის საყვარელი გმირების გამოსახულებები, შექმნეს გრაფიკული და ფერწერული ნამუშევრები.

ასტრიდ ლინდგრენს მრავალი დამფასებელი და მოყვარული ყავს საქართველოში და განსაკუთრებით სასიხარულოა, რომ მისი წიგნების მიმართ ინტერესი დღემდე არ ცხრება. კვირეულის მთავარი მიზანია მოსწავლეებში წიგნიერების დონის ამაღლება, საბავშვო ლიტერატურისა და წიგნის კითხვის შეყვარება, აგრეთვე ასტრიდ ლინდგრენის ცხოვრებისა და შემოქმედების უკეთ გაცნობა.

8 ნოემბერს “ევროპულ სკოლაში“ მოსწავლეთა პარლამენტის თავმჯდომარის არჩევნები ჩატარდა, რომელშიც სამივე პროგრამის (ქართული პროგრამა, IB და AHS) მოსწავლეებმა მიიღეს მონაწილეობა. არჩევნები დაიწყო 10 საათზე და დასრულდა 14:30 საათზე. პროცესმა მშვიდად ჩაიარა, არ დაფიქსირებულა დარღვევები. ხმების დათვლის პროცესში ადმინისტრაციის წევრებთან ერთად, მეტი გამჭვირვალობის მიზნით, ჩართულნი იყვნენ თავმჯდომარეობის კანდიდატების ნდობით აღჭურვილი პირები.

5 ნოემბერს “ევროპული სკოლის“ მთავარ დარბაზში გაიმართა მოსწავლეთა პარლამენტის თავმჯდომარეობის კანდიდატების წინასაარჩევნო დებატები, სადაც ოთხივე კანდიდატმა გაგვაცნო საკუთარი ხედვები მოსწავლეთა პარლამენტის სამომავლო მუშაობასთან დაკავშირებით.

საარჩევნო კამპანიის ფარგლებში თორნიკე ყუბანეიშვილმა რამდენიმე ღონისძიება ჩაატარა. გამართა შეხვედრა საქართველოს ძიუდოს ეროვნული ნაკრების და ევროპის ჩემპიონატის პრიზიორებთან გიორგი ბერიაშვილთან და სოსო ებილაშვილთან. მოჭიდავეებთან შეხვედრა საინტერესოდ წარიმართა. მოწვეულმა სტუმრებმა უპასუხეს მოსწავლეების შეკითხვებს და რამოდენიმე ძიუდოს ილეთიც აჩვენეს.

31 ოქტომბერს სააქტო დარბაზში ქართული პროგრამის დაწყებითი საფეხურის “მოსწავლეთა საბჭოს“ წევრები შეიკრიბნენ და განეხილეს მათი თვალით დანახული პრობლემები და გადაჭრის გზები. დაწყებით საფეხურის მოსწავლეებისთვის კიდევ ერთი საერთაშორისო სასწავლო გამოცდილების გაზიარება მოხდა. “მოსწავლეთა საბჭოს“ საქმიანობა ხელს უწყობს სკოლის მიზნების აღსრულებას. მოსწავლეებს ეხმარებათ სიამოვნება მიიღონ სასწავლო პროცესით, გამოიჩინონ შემოქმედებითობა, არ შეუშინდნენ სიახლეებს, ისწავლონ პრობლემების გადაჭრა და დაკისრებული ვალდებულებების შესრულება.

წელს “ევროპულ სკოლაში“ ჰელოუინზე მოსულ სტუმრებს ადამსების ოჯახის წევრები გომესი და მარტიშა მასპინძლობდნენ. პაკსლი და ვენდიზი კი საშიშ გართობაში ეხმარებოდნენ. კოსტუმირებულ წვეულებაზე “ევროპული სკოლის“ მოსწავლეები განსაკუთრებულად გამოეწყვნენ და ჩაერთვნენ საერთო მხიარულებაში. მოეწყო კოსტიუმების ჩვენება, სხვადსხვა პროგრამის მოსწავლეებმა შეასრულეს მუსიკალური ნომრები, წამყვანებმა მოაწყეს გასართობი-საშიში თამაშები. სანახაობრივი აღმოჩნდა აზოტის შოუ ჰელოუინის გოგრებიდან.

“ხელოვნების სასახლეში“ ექსკურსიები გრძელდება 21 ოქტომბერს “ევროპული სკოლის“ პირველკლასელები ესტუმრნენ თეატრის, კინოს, მუსიკისა და ქორეოგრაფიის მუზეუმს. ბავშვებმა დაათვალიერეს თბილისის ერთ-ერთი ულამაზესი სასახლე, გაეცნენ მუზეუმის დაარსების ისტორიას. ნახეს მუდმივი და დროებითი ექსპოზიციები. სტუმრობის დასასრულს კი მოისმინეს სათამაშოების ისტორიის შესახებ პრეზენტაცია და საკუთარი ხელით შექმნეს პატარა თოჯინები.

“ევროპული სკოლის“ ქართული პროგრამის უფროსკლასელებს “თავისუფალი და აგრარული უნივერსიტეტების“ წარმომადგენელი შეხვდათ. დამამთავრებელი კლასის მოსწავლეებმმა საუნივერსიტეტო საკითხების მრჩეველთან ერთად მიიღეს ამომწურავი ინფორმაცია საქართველოში წამყვან უნივერსიტეტებში სწავლის გაგრძელების შესახებ. მოუსმინეს პრეზენტაციას სასწავლო პროგრამების, დაფინანსების და სხვ. მნიშვნელოვანი საკითხების შესახებ.