დღეს “ილიაუნის სამეცნიერო პიკნიკზე“ ჩვენი სკოლის კარავში წარმოდგენილმა სახალისო ექსპერიმენტებმა და ტექნოლოგიურმა სიახლეებმა ვიზიტორების დიდი ინტერესი გამოიწვია. გამოფენის დამთვალიერებელი აღფრთოვანებული დარჩა სამეცნიეო, სახალისო შოუებში მონაწილეობით. ლეგო რობოტები, მფრინავი პროგრამირებადი დრონები, 3D კალამი და ელექტრობის სახალისო ექსპერიმენტები მთელი დღის მანძილზე იზიდავდა ცნობისმოყვარე დამთვალიერებლებს.

“ევროპული სკოლის“ მოსწავლეებისთვის მთელი კვირის განმავლობაში რამდენიმე გასვლითი ღონისძიება დაიგეგმა. სხვადასხვა კლასის მოსწავლეები ესტუმრნენ “საქართველოს ეროვნულ მუზეუმს,“ წავიდნენ ქალაქგარეთ კახეთსა და “შატო მუხრანში.“ მოსწავლეები საშემოდგომო საქმიანობებით დაინტერესდენენ, ნახეს ღვინის დამზადების ტექნოლოგია. თავად მიიღეს მონაწილეობა ხაჭაპურის ცხობასა და ჩურჩხელის ამოვლებაში. მესამეკლასელებმა კი ინსტრუქტორებთან ერთად ისწავლეს კარვის გაშლა, შეაგროვეს შეშა და კოცონზე საკვებიც მოამზადეს. ეროვნულ მუზეუმში კი პროგრამის ფარგლებში ,,საქართველოს არქეოლოგია ახალი ქვის ხანიდან რომაულ ხანამდე“, მოსწავლეები გაეცნენ საქაეთველოს ტერიტორიაზე XX და XXI საუკუნეებში ჩატარებული არქეოლოგიური გათხრების შედეგად მოპოვებულ არტეფაქტებს. თავად შეარჩიეს გამოფენაზე წარმოდგენილი ექსპონატი, რომლის შესახებაც შეავსეს კითხვარი, აღწერეს და გამოიკვლიეს შერჩეული ნივთები.

27 სექტემებერს ,,ევროპული სკოლის“ 50-ზე მეტ მოსწავლეს კინგსის ოლიმპიადის საგაზაფხულო სესიაზე მოპოვებული სხვადსხვა ხარისხის სერტიფიკატები გადაეცათ. ჩვენი სკოლა ტრადიციულად მე-9 წელია მონაწილეობს კინგსის საგანმანათლებლო პროექტში, რომელიც მთელ საქართველოში II-XII კლასის მოსწავლეებისთვის ქართულ, ინგლისურ ენებსა და მათემატიკაში ტარდება. კინგსი ზრუნავს მოსწავლეთა ცოდნისა და უნარების გაუმჯობესებას, ნიჭიერი ბავშვების გამოვლენასა და განვითარებას.

ბავშვებისთვის ლაშქრობა არის ახალი აღმოჩენებისა და ბუნებასთან სიახლოვის საუკეთესო შესაძლებლობა. “ევროპული სკოლის“ ქართული პროგრამის მოსწავლეები Weaskigeorgia-სთან ერთად ალგეთში წავიდნენ სალაშქროდ და დაუვიწყარი თავგადასავლებით დაბრუნდნენ. ითამაშეს, იხტუნეს და მხიარულად გაატარეს დრო სუფთა ჰაერზე.

25 სექტემბერს “ევროპულმა სკოლამ" Worcester Polytechnic Institute-ისა და Franklin & Marshall College-ის წარმომადგენლებს - ჯული ლავლესსა და კარლი მანკუსს უმასპინძლა. სტუმრებმა ქართული პროგრამის, ამერიკული უმაღლესი სკოლისა და IB პროგრამების მოსწავლეებს ამომწურავი ინფორმაცია მიაწოდეს სასწავლო პროგრამებისა და ჩარიცხვის კრიტერიუმების შესახებ. მოსწავლეებმა მიიღეს რეკომენდაციები, თუ როგორ უნდა დაწერონ ეფექტური პერსონალური ესეები და სამოტივაციო წერილები. პრეზენტაციის დასასრულს, ამერიკული უნივერსიტეტების წარმომადგენლებმა ჩვენი მოსწავლეების დამატებით შეკითხვებს უპასუხეს.

ოზონის შრის დღესთან დაკავშრებით გარემოს დაცვისა და სოფლის მეურნეობის სამინისტროს სსიპ გარემოსდაცვითი ინფორმაციისა და განათლების ცენტრმა “ევროპული სკოლის” მოსწავლეებთან საინფორმაციო შეხვედრა გამართა. მოსწავლეებს გარემოსდაცვითი ინფომაციისა და განათლების ცენტრის დირექტორი თამარ ალადაშვილი, გარემოს დაცვისა და სოფლის მეურნეობის სამინისტროს ატმოსფერული ჰაერის სამმართველოს ხელმძღვანელი ნოე მეგრელიშვილი და გაეროს განვითარების პროგრამის (UNDP) წარმომადგენელი ნინო გვაზავა შეხვდნენ, მათ მოსწავლეებს ახალი სასწავლო წლის დაწყება მიულოცეს და დეტალურად ესაუბრნენ ოზონის დაცვის საერთაშორისო დღის ისტორიასა და მნიშვნელობაზე, ასევე მოსწავლეებმა მოისმინეს პრეზენტაცია ოზონის შრის და ამ მხრივ საქართველოში არსებული რეალობისა და მიღწეული შედეგების შესახებ. თამარ ალადაშვილმა მოსწავლეებს ცენტრის მიერ გამოცხადებული კონკურსის პირობები გააცნო, რომელიც გაეროს განვითარების პროგრამის (UNDP) მხარდაჭერით პროექტის - “ინსტიტუციური შესაძლებლობების გაძლიერება მონრეალის ოქმის განხორციელების ხელშეწყობისთვის“ - ფარგლებში ოზონის შრის საერთაშორისო დღის აღსანიშნავად იმართება გზავნილით: “დაიცავი ოზონის შრე - დაიცავი სიცოცხლე დედამიწაზე”. კონკურსში მონაწილეობის მიღება შეუძლიათ როგორც VII-XII კლასის სკოლის მოსწავლეებს, ასევე სტუდენტებსა და ვიდეოგრაფიკოსებს. შეხვედრა ინტერაქტიულ რეჟიმში მიმდინარეობდა და მოსწავლეებმა მათ მიერ დასმულ შეკითხვებზე ამომწურავი პასუხები მიიღეს.

11 სექტემბერს “ევროპულ სკოლას“ ევროპარლამენტის ინტერკულტურული ურთიერთობების დეპარტამენტის უფროსი რომან შტრასე ესტუმრა. შტრასემ “ევროპული სკოლის“ და “საქართველოს ახალგაზრდა დიპლომატების“ წარმომადგენლებთან ერთად, საქართველოში ვიზიტის მიზნები და სამომავლო გეგმები განიხილა. ევროკავშირი-საქართველოს მეგობრობის ჯგუფის გენერალური მდივანმა ახალი საერთაშორისო პროექტები დააანონსა, რომელიც ახალგაზრდა დიპლომატებისთვის, ევროპარლამენტის ეგიდით, ბრიუსელში ჩატარდება. შეხვედრის დასასრულს “ევროპული სკოლის“ მოსწავლეებმა რომან შტრასეს სკოლის შენობის ტური ჩაუტარეს და მათი სწავლების მეთოდები დეტალურად აუხსნეს. რომან შტრასეს ვიზიტი “ევროპულ სკოლაში“ ამა წლის აპრილის თვეში, ევროპარლამენტში გაფორმებული ოთხმხრივი ურთიერთთანამშრომლობის მემორანდუმის ფარგლებში დაიგეგმა.

“ევროპული სკოლის“ მოსწავლეებს სწავლის დაწყება ბავშვთა ფიზიკური აღზრდის აკადემია “1-2-3“-მა მიულოცა. აკადემიის მწვრთნელებმა და ფიზ. თერაპევტებმა სახალისო გაკვეთილი ჩაუტარეს ბავშვებს. აქტივობას ასევე ესწრებოდა საქართველოს ოლიმპიური ნაკრებების მთავარი ექიმი ზურაბ კახაბრიშვილი. იგი ესაუბრა ბავშვებს ფიზიკური აღზრდისა და ჯანსაღი კვების მნიშვნელობაზე. ოლიმპიური ნაკრების სამედიცინო ჯგუფი ზრუნავს “1-2-3“-ის წევრების ჯანმრთელობაზე და აკადემიის ფიზ. თერაპევტებთან ერთად სისტემატურ მონიტორიგს უწევს მათ სწორ განვითარებას. “ევროპული სკოლის“ მოსწავლეებს “1-2-3“-ის აკადემიაში ვარჯიშის შესაძლებლობა აქვთ სკოლიდან გაუსვლელად, საგაკვეთილო პროცესის დასრულების შემდგომ. “1-2-3“ ადგილია, სადაც ბავშვებს პროფესიონალები ავარჯიშებენ!

“ევროპულ სკოლაში“ პედაგოგები მოსწავლეთა შეფასებას ელექტრონულ ჟურნალში ათავსებენ, რომელიც ადვილად ხელმისაწდომია მშობლებისთვის. ქართული პროგრამის დაწყებითი კლასის პედაგოგებისთვის სპეციალური ტრენინგი ჩატარდა ელექტრონული ჟურნალის გამოყენების გაუმჯობესებულ მეთოდებზე. მასწავლებლები გაეცნენ ახალი ელექტრონული ჟურნალის მუშობის პრინციპებს და უკეთ შეისწავლეს ახალი ტექნოლოგიების გამოყენება ყოველდღიურ საქმიანობაში.