“ევროპულ სკოლაში“ ჰელოუინის განწყობა ტრიალებდა გუშინ: მხიარულება, ენერგია, დეკორატიული გოგრები, დერეფნებში მოსეირნე სუპერგმირები, ფერიები და მოჩვენებები, რომლებიც ხალისით პოზირებდნენ ფოტოების გადასაღებად.   

ანიმაციის საერთაშორისო დღე ქართული პროგრამი მოსწავლეებმა განსაკუთრებული ხალისითა და ენთუზიაზმით აღნიშნეს. მოზარდები გაეცნენ ანიმაციური ფილმის ისტორიას, გაიგეს საინტერესო ფაქტები პირველი ქართული მულტიპლიკაციური ფილმისა და მისი შემქმნელების შესახებ, ისაუბრეს უოლტ დისნეის შემოქმედებაზე და ჩაერთნენ უამრავ გასართობ აქტივობაში.  

“ევროპულ სკოლაში“ ყოველწლიურად ტარდება წინასაარჩევნო დებატები მოსწავლეთა პარლამენტის თავმჯდომარეობის კანდიდატებს შორის. დებატები 2023, რომელიც 25 ოქტომბერს გაიმართა, იყო საუკეთესო შესაძლებლობა მოსწავლე-ლიდერებისთვის, წარმოეჩინათ საკუთარი პიროვნება და ამომრჩევლებისთვის გაეცნოთ საარჩევნო პროგრამა. მათ უპასუხეს სხვა კანდიდატებისა და დამსწრეთა შეკითხვებს.

2022-2023 სასწავლო წლის გეოგრაფიის, ეროვნული სასწავლო ოლიმპიადის მესამე ხარისხის დიპლომით დაჯილდოვდა, “ევროპული სკოლის“ ქართული პროგრამის მე-12 კლასის მოსწავლე ალექსი შუშანია. ვულოცავთ ალექსს ამ მნიშვნელოვან მიღწევას და კიდევ ბევრ წარმატებას ვუსურვებთ.

17 ოქტომბერს ,,ევროპული სკოლის“ 50-ზე მეტ მოსწავლეს კინგსის ოლიმპიადის საგაზაფხულო სესიაზე მოპოვებული სერტიფიკატები გადაეცა.

“ევროპული სკოლისთვის“ მნიშვნელოვანია მოსწავლეთა განათლება ჰიგიენის კუთხით. ხელების დაბანის მსოფლიო დღე შესანიშნავი შესაძლებლობაა ხელების სწორად დაბანის მნიშვნელობის გასააზრებლად, ჰიგიენის წესების დაცვის შესახებ ცნობიერების ასამაღლებლად.

მშობელთა და მასწავლებელთა ასოციის (PTA) წევრებთან ახალ სასწავლო წელს დაგეგმილი პირველი შეხვედრა “ევროპულ სკოლაში“ გასულ კვირას გაიმართა. მსგავს შეხვედრებზე დასწრება მშობლებს შვილების სასკოლო ცხოვრებაში ჩართულობის, სხვა მშობლებთან და ადმინისტრაციასთან ურთიერთობისა და იდეების გაზიარების შეასაძლებლობას აძლევს. აღნიშნულ შეხვედრაზე დამსწრეებმა დირექტორისა და ასოციაციის კოორდინატორისგან მიიღეს ინფორმაცია სკოლის სიახლეების შესახებ, გაეცნენ მიმდინარე პროექტებსა და თანამშრომლობის სამომავლო გეგმებს, დაესწრნენ “განათლების ფსიქოლოგთა ასოციაციასთან“ მემორანდუმის გაფორმების ცერემონიას, ველნეს-ექსპერტ მიხეილ ქოჩიაშვილისგან მიიღეს რჩევები სწორი კვების შესახებ და დააგემოვნეს სკოლის კაფეტერიის ჯანსაღი კერძები.

მაღალრეიტინგული უნივერსიტეტები აგრძელებენ  “ევროპულ სკოლაში“ ვიზიტებს, რომელთა ფარგლებშიც ხდება მათი პროგრამების, ჩარიცხვის პროცედურებისა და კურსდამთავრებულთა შესაძლებლობების გაცნობა.

“ევროპული სკოლა“ 2023-2024 სასწავლო წელს აცხადებს მდგრადი განვითარების “მწვანე“ წლად! არსებული თუ მომავალი თაობების ინტერესებიდან გამომდინარე, ვგეგმავთ ისეთი პრაქტიკების დანერგვას, რაც გარემოს დაცვას  და ბუნებრივი რესურსების რაციონალურად გამოყენებას შეუწყობს ხელს. “ევროპული სკოლა“ ამზადებს მოსწავლეებს, რომლებიც მსოფლიოს უფრო ჯანსაღი, სუფთა, მდგრადი   მომავლისკენ გაუძღვებიან.