ავიაციის შეჯიბრი რობოტიკის სასწავლო პროგრამის მიხედვით

ქართული პროგრამის V კლასის მოსწავლეებმა მონაწილეობა მიიღეს ავიაციის შეჯიბრში, რომელიც რობოტიკის სასწავლო პროგრამის ფარგლებში ჩატარდა.  ხელით შექმნილი ქაღალდის თვითმფრინავების შეჯიბრი, დრონების მართვის ტაქტიკების გამოცდა იყო სწავლისა და ინოვაციის სინთეზი.

ქაღალდის თვიმფრინავების შექმნა – მოსწავლეებმა შემოქმედებითი და ინჟინრული უნარები  გამოსცადეს საკუთარი ხელით შექმნილი თვითმფრინავების შეჯიბრში.  

დრონების შეჯიბრი – მონაწილეებმა დრონების მართვის უნარის დემონსტრირება მოახდინეს და განსხვავებული სტრატეგიები და ტაქტიკები მოსინჯეს შეჯიბრის მსვლელობისას.

პრეზენტაციები – მოზარდებმა წარადგინეს თვითმფრინავების განვითარებისა და ავიაციის ევოლუციის  თემაზე მომზადებული პრეზენტაციები.

ფილმის ჩვენება – მოეწყო ავიაკონსტრუქტორის, ინოვატორი ავიაინჟინრის ალექსანდრე ქართველიშვილის შესახებ გადაღებული ფილმის ჩვენება, რაც მომავალი თაობის შთაგონებისა თუ ინოვაციის წახალისებისთვის საუკეთესო შესაძლებლობა აღმოჩნდა.

ეს შეჯიბრი არ იყო მხოლოდ სახალისო აქტივობა, მოსწავლეებმა საინტერესო გამოცდილება შეიძინეს ავიაციის, ინჟინერიისა და დიზაინის კუთხით.

1 / 12