მოსწავლეთა კონფერენცია

26 მაისიდან 3 ივნისამდე “ევროპულ სკოლაში“ ყოველწლიური მოსწავლეთა სამეცნიერო კონფერენცია  გაიმართა. მოსწავლეებმა საკუთარი კვლევები ენისა და ლიტერატურის, მათემატიკის, ინოვაციური ტექნოლოგიების, საბუნებისმეტყველო მეცნიერებათა, საზოგადოებრივ მეცნიერებათა და  ხელოვნების  მიმართულებით არჩეულ თემებზე წარმოადგინეს.

დამოუკიდებლობის დღე

“ევროპულმა სკოლამ“ საქართველოს დამოუკიდებლობის დღე პატრიოტული მუხტით და ენთუზიაზმით აღნიშნა. ამ დღეს სიამაყის გრძნობა და ბედნიერი გამომეტყველება ყველას, დიდის თუ პატარის, მასწავლებლის თუ მოსწავლის, სახეზე შეიმჩნეოდა. დღე მოსწავლეთა საზეიმო მსვლელობით, დროშების ჩამოტარებით დაიწყო, რასაც მოჰყვა ეროვნულ სამოსში გამოწყობილი პატარების გამოჩენა წითელ ხალიჩაზე. საქართველოს ძველი და თანამედროვე დროშების აღმართვის ცერემონიის შემდეგ ზეიმი სკოლის დარბაზში გაგრძელდა, სადაც მოსწავლეებს ისტორიის მასწავლებელმა მაია წენგუაშვილი-მა მიმართა ამაღელვებელი, პატრიოტული განწყობით. მოსწავლეებმა პატივი მიაგეს საქართველოს ეროვნულ გმირებს, რომელთა ფოტოებიც მაისურებზე გამოისახეს.

გერმანიის ელჩის ვიზიტი

20 მაისს “ევროპულ სკოლას“ეწვია გერმანიის ფედერაციული რესპუბლიკის ელჩი საქართველოში ჰუბერტ კნირში, რომელიც დაესწრო საქართველო-გერმანიის დიპლომატიური ურთიერთობის 30 წლისთავისადმი მიძღვნილ ღონისძიებას “იმედი“. ღონისძიებას ასევე ესწრებოდნენ ოფიციალური სტუმრები: ქალბატონი ევა კნირში, პროფესორი ნინო აბრალავა, ბატონი ჰარალდ ჰორნინგი.

ევროპის კვირეული

“ევროპული სკოლა“ ყოველწლიურად აღნიშნავს ევროპის დღეს და ავითარებს მოსწავლეებში საკუთარი და სხვათა კულტურების, ენის, ღირებულებებისა და ტრადიციების პატივისცემას. ევროპის კვირეულის პროგრამა დაიწყო დოკუმენტური ფილმის ჩვენებით “ მე და ევროპა“, რომელიც ახალგაზრდა ევროპელმა ელჩებმა წარუდგინეს მოსწავლეეებს.

თვითმმართველობის დღე

“ევროპული სკოლა“ სასკოლო ცხოვრებაში ისეთ ტრადიციებს ამკვიდრებს, რაც ზრდის მოსწავლეთა ინიციატივიანობას, პასუხისმგებლიანობას და გზას უხსნის მათ ცვლილებების განხორციელებისკენ. დღეს სკოლაში თვითმართველობის დღე აღინიშნა. მოსწავლეებს მიეცათ შესაძლებლობა, განევითარებინათ ლიდერული უნარები, ერთი დღით მოერგოთ “ევროპული სკოლის“ თანამშრომლების როლები და ემართათ სკოლის ცხოვრების ყველა ასპექტი.

“ევროპული სკოლის“ სასწავლო გრანტი - 2022 ნიჭიერი ახალგაზრდებისთვის

“დავით ბეჟუაშვილის განათლების ფონდი“ და “ევროპული სკოლა“ ნიჭიერ და მიზანსწრაფულ მოსწავლეებს ქვეყნის მასშტაბით სთავაზობს სასწავლო გრანტს და გზას უხსნის ხარისხიანი საერთაშორისო განათლებისკენ. ფონდი აკადემიურად გამორჩეული, დიდი პოტენციალის მქონე მოსწავლეებისთვის  ცვლის რეალობას და ეხმარება მათ, მიიღონ განათლება, რომელსაც იმსახურებენ.

დედა ენის დღე

“ევროპულ სკოლაში“ 14 აპრილს განსაკუთრებულად აღინიშნა დედა ენის დღე.  დედა ენისა,  რომელიც ქართველი ერის დამოუკიდებლობის, თვითმყოფადობისა და ცნობიერების საწყისია.

უკრაინის მხარდასაჭერად

“ევროპული სკოლის“ მოსწავლეთა პარლამენტი, ომის ამ უმძიმეს რეალობაში, სოლიდარობას უცხადებს უკრაინელ ხალხს. მათ მხარდასაჭერად მოსწავლეებმა ჰუმანიტარული დახმარება შეაგროვეს:    საკვები, ჰიგიენის საშუალებები,  სამედიცინო ნაკრები და სხვა საჭირო ნივთები. საქართველოს წითელი ჯვრის საზოგადოებისა და კომპანია “მეამას“ თანადგომით ეს ტვირთი მალე ჩავა უკრაინაში.

ამერიკის ელჩის ვიზიტი

31 მარტს ამერიკულმა უმაღლესმა სკოლამ, ამერიკის შეერთებულ შტატებსა და საქართველოს შორის დიპლომატიური ურთიერთობის 30 წლის აღსანიშნავ ღონისძიებაზე, უმასპინძლა ამერიკის შეერთებული შტატების ელჩს კელი დეგნანს და კულტურისა და განათლების საკითხების ატაშეს კრისტოფერ ანდერსონს.

მოსწავლეთა და მასწავლებელთა კონფერენცია

2022 წლის 26 მაისს, ამერიკული უმაღლესი სკოლა - ევროპული სკოლა ატარებს მოსწავლეთა და მასწავლებელთა საერთაშორისო ინტერდისციპლინურ ონლაინ კონფერენციას “საქართველო და მსოფლიო“. კონფერენციის მიზანია საქართველოსა და მსოფლიოს შორის არსებული კულტურული, ისტორიული და სოციალური ურთიერთობების შესახებ ახალი კვლევების თავმოყრა და საზოგადოებისთვის გაცნობა.

კონფერენცია

26-28 იანვარს გაიმართა განათლების ხარისხის განვითარების ეროვნული ცენტრის წლიური კონფერენცია ონლაინ რეჟიმში, ZOOM-ის პლატფორმის გამოყენებით. კონფერენციაში მონაწილეობა მიიღეს: საქართველოს განათლებისა და მეცნიერების სამინისტროს, საგანმანათლებლო დაწესებულებების, პარტნიორი ადგილობრივი და საერთაშორისო ორგანიზაციების წარმომადგენლებმა.

უნგრეთის საელჩო საქართველოში და “ევროპული სკოლა“

16 დეკემბერს  “ევროპულ სკოლას“ უნგრეთის საელჩოს კომერციული მრჩეველი  გაბორ მიკეცზი და უნგრეთის დელეგაციის წევრი დევიდ საზბო ესტუმრნენ. საპატიო სტუმრები ,,ევროპული სკოლის" დირექტორ სოფიო ბაზაძეს, IB პროგრამების ხელმძღვანელ დოქტორ ბრაის ბომოს  და ტექნოლოგიური დეპარტამენტის წარმომადგენლებს შეხვდნენ. შეხვედრაზე მათ ისაუბრეს STEM კურსების ახალი სერიის შესახებ, რომელიც მასწავლებელს აძლევს  შესაძლებლობას, დააინტერესოს მოსწავლეები პრობლემების გადაჭრით და ამ პროცესში განუვითაროს მათ ტექნიკური და 21-ე საუკუნის უნარები. თითოეულ ნაკრებში შედის ვიდეოები, მასწავლებლის გზამკვლევი, დამხმარე რესურსები.