"ევროპული სკოლის“ დირექტორის, ქ-ნ ნანა მოსიძის ინიციატივით ჩვენი სკოლის დაარსებიდან 10 წლის იუბილესთან დაკავშირებით ტარდება მოსწავლეთა ნახატების კონკურსი "ჩემი ოცნების სკოლა“.   დირექტორის ბრძანებით შეიქმნა სპეციალური საორგანიზაციო ჯგუფი, ჩამოყალიბდა კონკურსის დებულება და პროგრამა.  

"ევროპული სკოლის“ ამერიკული სექტორის მოსწავლემ, ანა დარჩიაშვილმა, სენაკში გამართულ  ჩემპიონატზე  დაიკავა  I ადგილი და ავტომატურად გახდა საქართველოს ნაკრების წევრი. ის  ევროპის ჩემპიონატში მონაწილეობის მისაღებად გაემგზავრება სოფიაში.  ვულოცავთ ანას  და ვუსურვებთ შემდგომ წარმატებებს. "ევროპული სკოლის“ ადმინისტრაცია.  

30 ნოემბერს "ევროპული სკოლის“  საგამოფენო დარბაზში გაიხსნა თვითნასწავლი კერამიკოსის,  ნანა მჭედლიშვილის,  ნამუშევართა გამოფენა.   გამოფენის გახსნას მოწვეული სტუმრები, “ევროპული სკოლის“ მოსწავლეები და პედაგოგები ესწრებოდნენ.   გამოფენა გახსნა "ევროპული სკოლის“ ხელოვნების პედაგოგმა, საქართველოს ეროვნული მუზეუმის ხელოვნების კოლექციების კონსერვატორმა, საქართველოს განათლებისა და მეცნიერების სამინისტროს შეფასებისა და გამოცდების ეროვნული ცენტრის ხელოვნებისა და სპორტის  ჯგუფის ხელმძღვანელმა, სახელმძღვანელოს  ავტორმა ნინო ხუნდაძემ. მან დამსწრეთ გააცნო თვითნასწავლი კერამიკოსის ბიოგრაფია, ისაუბრა მის შემოქმედებაზე, მომავალ გეგმებზე.   გახსნაზე სიტყვით გამოვიდნენ: ქ-ნი ნანა მოსიძე - "ევროპული სკოლის“ დირექტორი, ქ-ნი სვეტლანა ლამბრიანოვა - "ევროპული სკოლის“ სამეთვალყურეო საბჭოს წევრი, ქ-ნი ნანული ჭავჭანიძე - პროფესიონალ ქალთა ასოციაცია "100 ქართველი ქალის“ პრეზიდენტი. მათ მიულოცეს ქ-ნ ნანა მჭედლიშვილს მეტად საინტერესო გამოფენის წარმოდგენა და მომავალი წარმატებები უსურვეს შემოქმედებით ცხოვრებაში.   ქ-მა ნანა მჭედლიშვილმა დიდი მადლობა გადაუხადა "ევროპული სკოლის“ ხელმძღვანელობას მასპინძლობისათვის და დამსწრე საზოგადოებას - გამოფენის გახსნაზე მობრძანებისათვის.   გამოფენა "ევროპულ სკოლაში“ 3 დეკემბრამდე გასტანს.   "ევროპულის სკოლის“ ადმინისტრაცია

"ევროპული სკოლის" მერვე კლასის მოსწავლემ ელენე ფანჯაკიძემ მიიღო მონაწილეობა საქართველოს იაკობ გოგებაშვილის სახელობის პედაგოგთა კავშირის მიერ ჩატარებულ რესპუბლიკურ  კონკურსში : "მოვეფეროთ იაკობს და დედა ენას“  და ნაშრომისათვის "ერთწუთიანი  მონოდიალოგი“ დაჯილდოვდა საპატიო სიგელით.   "ევროპული სკოლა" ულოცავს ელენესა და მის პედაგოგს თამარ ცაგარელს ამ კონკურსში აქტიურ მონაწილეობასა  და საპატიო სიგელებს.

ამა წლის 2 დეკემბერს 12.45-ზე  ბატონ თამაზ კვაჭანტირაძესთან ერთად  კვლავაც  ვიმოგზაურებთ  სასიტყვეთში. შეხვედრა შედგება  სკოლის სააქტო დარბაზში.

"ევროპული სკოლის“ დირექტორმა, ქალბატონმა ნანა მოსიძემ,  ნაციონალური ბიზნეს რეიტინგების კავშირისაგან მიიღო დადგენილება, რომლის თანახმად   "ევროპულ სკოლას“   უმაღლესი  ჯილდო - რეიტინგი ოქრო -  მიენიჭა  და  2014-2016 წლების შედეგების მიხედვით აღიარებულ იქნა დარგის ლიდერად.

"მათემატიკა არის ბუნების საიდუმლოებებში შეღწევის უმთავრესი იარაღი“ილია ვეკუა "ევროპული სკოლის" მათემატიკის კვირეული28 ნოემბერი - 2 დეკემბერი