"ევროპული სკოლა“ CollegeBoard-ის ოფიციალური წევრი გახდა

  2015 წლის  8 დეკემბერს “ევროპულ სკოლას“ CollegeBoard-ის ოფიციალური წევრის სტატუსი მიენიჭა.

წევრებს შეუძლიათ  მონაწილეობა მიიღონ  CollegeBoard-ის  ორგანიზების პოლიტიკაში, ინოვაციური გადაწყვეტილებების მიღებასა და პრაქტიკული ცვლილებების განხორციელებაში.

დღესდღეობით  CollegeBoard-ში გაწევრიანებულია  მსოფლიოს 6000  ორ და ოთხწლიანი კოლეჯი, უნივერსიტეტი, უმაღლესი და საშუალო სკოლა.

CollegeBoard-ის წევრები ღონისძიებებში მონაწილეობისას სარგებლობენ განსაკუთრებული შეღავათებით. მათ  ენიჭებათ პრიორიტეტი პროფესიული განვითარების სფეროში  და, რაც მთავარია, პარტნიორობის ჩამოყალიბების მიზნით   შეუძლიათ პირადი ურთიერთობა ჰქონდეთ განათლების დარგში  მსოფლიო  ლიდერებთან.

“ევროპული სკოლა“ CollegeBoard-ის ოფიციალური წევრის სტატუსით მიწვეულია რეგიონალურ ფორუმზე მონაწილეობის მისაღებად, რომელიც გაიმართება  ბალტიმორში 27-28 იანვარს.