საზოგადოებრივი პროექტების პრეზენტაცია

  29 აპრილს ევროპული სკოლის საერთაშორისო ბაკალავრიატის საბაზო პროგრამის (MYP)  ფარგლებში ჩატარდა მე-9 კლასის მოსწავლეთა საზოგადოებრივი პროექტების პრეზენტაცია. მოსწავლეებმა წარადგინეს 2 ინდივიდუალური და 3 ჯგუფური პროექტი:

      1) ჟურნალისტიკა – თანამშრომლობა ევროპული სკოლის ვებ-გვერდთან;

      2) უმცირესობები საქართველოში;

      3) ინგლისური ენის სწავლება ბავშვთა სახლში;

      4) პლასტმასის გამოყენების შედეგები-პლასტმასის საწინააღმდეგო კამპანია;   

      5) მოხალისეობა “კარიტასში“.  

  პროექტების მსვლელობისას, რომელმაც 6 თვეს გასტანა,  მოსწავლეებმა გაიარეს კვლევის, აქტივობისა და რეფლექსიის ფაზები, განივითარეს სამომავლო აკადემიური წარმატებებისთვის საჭირო უნარები, გააცნობიერეს, რომ რეალური სამყაროს რეალური მოთამაშეები არიან და შეუძლიათ სხვათა ცხოვრებაში დადებითი ცვლილებების შეტანა.