Lego რობოტიკის ჰაკათონი

საქართველოს ინოვაციების და ტექნოლოგიების სააგენტოსა და სამრეწველო ინოვაციების ლაბორატორიის (ფაბლაბი) ორგანიზებით 18-19 დეკემბერს ტექნოპარკში Lego რობოტიკის ჰაკათონი გაიმართა. ჰაკათონის გამარჯვებული “ევროპული სკოლის“ გუნდი  NA+A+A+N გახდა.

ჰაკათონის ფარგლებში მონაწილეებმა წარმოადგინეს პროექტები პროგრამის მიმართულებით, ააწყვეს რობოტები, იმუშავეს გარემოს დაცვის თემატიკის ამოცანებზე LEGO MINDSTORMS Education EV3- ის გამოყენებით.

კონკურსზე მონაწილე 3 წევრიანმა გუნდებმა მენტორების ზედამხედველობით წარმოადგინეს საკუთარი ხელით შექმნილი რობოტები. ჟიურის წევრებმა გამარჯვებულები სწორედ ამ რობოტების შეფასების საფუძველზე გამოავლინეს. Lego რობოტიკის ჰაკათონის გამარჯვებული გუნდები გახდნენ:

I ადგილი – NA+A+A+N

II ადგილი – რობუსტა

III ადგილი – NVN

 “ევროპული სკოლის“მე-9 კლასის მოსწავლე სანდრო მაკენზი და მე-8 კლასის მოსწავლე ზურა ბურჭულაძე რობოტიკის პედაგოგის ირინა კოჭლამაზაშვილის მენტორობით წარსდგნენ კონკურსზე და I ადგილი მოიპოვეს.  მათ გუნდს Digital Institute-ისგან  გადაეცა პროგრამირების ტრენინგ კურსის 3000 ლარიანი  ვაუჩერი.

 ჰაკათონის გამარჯვებული გუნდები ინოვაციებისა და ტექნოლოგიების სააგენტოს ბაზაზე მოემზადებიან საერთაშორისო რობოტიკის შეჯიბრებებისთვის.

1 / 5