"ევროპული სკოლის” საერთაშორისო ბაკალავრიატის საშუალო საფეხური (VI-X კლასები) აცხადებს მიღებას 2016- 2017 სასწავლო წლისთვის! 1. მათემატიკა( წერითი ტესტი) - 24 მაისი, სამშაბათი, 15:00  (ხანგრძლივობა 90 წუთი) 2. ინგლისური( ზეპირი გასაუბრება) - 25 მაისი, ოთხშაბათი ოთახი: №58 ( მე-5 სართული) შედეგები   30 მაისს, ოთახი №52 

2016 წლის 13 მაისს “ევროპულ სკოლის” ორგანიზებითა და მასწავლებელთა პროფესიული განვითარების ეროვნული ცენტრისა და ილიას სახელმწიფო უნივერსიტეტის განათლების სკოლის მხარდაჭერით ჩატარდა მასწავლებელთა სასწავლო-მეთოდური კონფერენცია თემაზე: "წარმატებული სასწავლო პრაქტიკა მედიაწიგნიერების, ეკოლოგიური წიგნიერებისა და სემიოტიკური კომპეტენციის განვითარებისათვის“. კონფერენცია მიზნად ისახავდა  სასწავლო პროცესში განხორციელებული წარმატებული გამოცდილების გაზიარებას. 

მიმდინარე წლის 6 მაისს "ევროპულმა სკოლამ“  აღნიშნა ევროპის დღე. ღონისძიებაში მონაწილეობდნენ "ევროპული სკოლის“ მოსწავლეები, რომელთაც  ევროპის სხვადასხვა ქვეყნის ნაციონალური კოსტიუმები, სამზარეულო და ფოლკლორი წარმოადგინეს.   სკოლას ეწვივნენ: ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრი დავით ბაქრაძე, საქართველოში ევროკავშირის დელეგაციის ხელმძღვანელი, ელჩი იანოშ ჰერმანი, საქართველოში საბერძნეთის საგანგებო და სრულუფლებიანი ელჩი გეორგიოს ხადიმიკელაკისი და ასევე უნგრეთისა და პოლონეთის საელჩოსა და აზერბაიჯანის წარმომადგენლები.

გიწვევთ სპორტული, სახელოვნებო, სამეცნიერო კლუბებისა  და სტუდიებისღია გაკვეთილებზე2016 წლის   16-20 მაისისაანგარიშო პრეზენტაცია გაიმართება სააქტო დარბაზში 20 მაისს, პარასკევს, 15.00 საათზე   

2016 წლის 23 აპრილს მოსწავლე ახალგაზრდობის ეროვნულმა სასახლემ უმასპინძლა მოსწავლეთა 70-ე  სასწავლო-შემოქმედებით კონფერენციას, რომელშიც მონაწილეობდნენ VIII-XII კლასების მოსწავლეები და რომლის მიზანი  იყო  მოზარდთა შესაძლებლობების, ნიჭისა და მეცნიერული კვლევის, ანალიტიკური უნარის გამოვლენა,  საკუთარი ნააზრევის წარმოჩენა. კონფერენციის მუშაობაში   "ევროპული სკოლის“ მოსწავლეებმა, ტრადიციისამებრ,  აქტიურად მიიღეს მონაწილეობა. მათ  თავიანთი ნაშრომები წარადგინეს: ქართული ენასა და ლიტერატურაში, მათემატიკაში, ინფორმატიკაში, ბიოლოგიაში, ფიზიკაში, ქიმიაში, ინგლისურ, ფრანგულ, გერმანულ და რუსულ ენებში, ისტორიასა კინო-ფოტოხელოვნების სექციაში. 

ამა წლის 22 აპრილს "ევროპულ სკოლაში“ ტრადიციისამებრ ჩატარდა თვითმმართველობის დღე. ეს მნიშვნელოვანი მოვლენაა მოსწავლეთათვის, რადგან ისინი ერთი დღით ინიშნებიან წამყვან თანამდებობებზე და დამოუკიდებლად წარმართავენ სასწავლო პროცესს. ამ დღისთვის სპეციალურად ემზადება სკოლის დირექცია, ამიტომ თვითმმართველობის დღე ყოველთვის სავსეა სიურპრიზებით.

2016 წლის 19 აპრილს სკოლის სტადიონზე გაიმართა ამხანაგური შეხვედრა ფეხბურთში "ევროპული სკოლისა“ და "ლამარა მარგველაშვილის სახელობის სკოლა  XXI საუკუნის”  ნაკრებ გუნდებს შორის.   "ევროპული სკოლის“ გუნდი შეხვედრაში შემდეგი შემადგენლობით მონაწილეობდა: რალი ბულესი ზომბოვ (MYP X);თემურ იორდანიშვილი (VII ა);ანდრია კარბელაშვილი (AHS IX);ზურაბ კაციტაძე (AHS IX);ნარიმან მამმადოვ (MYP X);აზამატ რახმონ-ზოდა (MYP X);ნიკოლოზ სამუშია (MYP X);საბა შარანგია ((AHS IX);ადრიან ჩეშკოვსკი (MYP X);ლუკა წურწუმია (AHS IX);სანდრო ჯანაშია (AHS IX).   მატჩი დასრულდა ჩვენი სკოლის გუნდის გამარჯვებით, ანგარიშით 6:1.   ორივე გუნდის საუკეთესო მოთამაშეები "ევროპული სკოლის“ ადმინისტრაციამ დააჯილდოვა სპეციალური პრიზებით. საუკეთესო მოთამაშეები გახდნენ:   ნიკოლოზ სამუშია ("ევროპული სკოლა“) და ჯაბა ოდიშარია ("ლამარა მარგველაშვილის სახელობის სკოლა  XXI საუკუნე”).   "ევროპული სკოლის“ ფეხბურთის კლუბი