"ევროპულ სკოლაში“ იხსნება ლათინური ენის კურსები, რომელიც მოსწავლეებს  საშუალებას მისცემს სურვილისამებრ შეისწავლონ ლათინური, როგორც  ელემენტარულ, ისე  მაღალ დონეზე.   ლათინური ენა მსოფლიოს მრავალ პრესტიჟულ კოლეჯსა და უნივერსიტეტში ისწავლება.   ლათინური, რომელსაც მარადიულ მსოფლიო ენასაც უწოდებენ, თანამედროვე სამეცნიერო ტერმინთა უმრავლესობას დაედო საფუძვლად. მისი ლექსიკა მსოფლიო და განსაკუთრებით, ევროპულ ენებს უხვად აქვს ნასესხები.   ლათინური ენის შესწავლა განსაკუთრებით სასურველია მომავალი მედიკოსებისათვის, სამართალმცოდნეებისათვის, ბიოლოგებისათვის და  აგრეთვე საერთაშორისო ურთიერთობების, ჰუმანიტარულ და სოციალურ-პოლიტიკურ მეცნიერებათა შესწავლის მსურველთათვის.   რადგანაც ლათინური ენა არაერთ თანამედროვე ევროპულ ენას დაედო საფუძვლად,  მისი  შესწავლა  ზოგადად აადვილებს უცხო ენების ათვისებასაც, ხოლო მისი ცოდნა, საყოველთაო ტრადიციით, პიროვნების მაღალ ერუდიციაზე მიანიშნებს.     მსურველებს გთხოვთ, ჩაეწეროთ ტრენინგ ცენტრში (ოთახი N5)."ევროპული სკოლის“ ადმინისტრაცია

“ევროპული სკოლის” IB სექტორის მოსწავლეთა 9 კაციანი დელეგაცია 16-21 იანვარს იმყოფებოდა რომში იტალიის გაეროს მოდელირების კონფერენციაზე IMUN 2016,  რომელშიც   იტალიისა და მსოფლიოს სხვადასხვა  ქვეყნის 150 სკოლიდან ჩასული 2500 დელეგატი იღებდა მონაწილეობას. ჩვენი მოსწავლეები სამ სხვადასხვა კომიტეტში: სამართლებრივი კომიტეტი (LEGAL), სოციალურ, ჰუმანიტარულ და კულტურის საკითხების კომიტეტსა (SOCHUM) და გაეროს განათლების, მეცნიერებისა და კულტურის ორგანიზაციაში (UNESCO) იყვნენ ჩართულები. ისინი მუშაობდნენ პოლიტიკური თავშესაფრის, ლგბტ პირების უფლებების დაცვისა და სირიის კულტურული მემკვიდრეობის დაცვის საკითხებზე.   მოსწავლეთათვის ეს კონფერენცია ძალიან ნაყოფიერი  აღმოჩნდა. გარდა იმისა, რომ ღრმად შეისწავლეს მსოფლიოში არსებული მრავალი პრობლემა, განივითარეს საერთაშორისო თანამშრომლობის უნარები და  გაითავისეს გლობალიზაციის არსი. დელეგაციის წარმატებული მონაწილეობის დასტურია ორი დელეგატის - მარიამ ბაღდავაძის (DP მე-11 კლასი) და აზამატ რახმონ-ზოდას (MYP მე-10 კლასი) დაჯილდოვება წარჩინებულის სერტიფიკატებით.

გთავაზობთ სპორტულ, სახელოვნებო და სამეცნიერო კლუბებსა და სტუდიებში 2015-2016 სასწავლო წლის II სემესტრის მეცადინეობების ცხრილს:

ისტორია ჩვენი მასწავლებელია ევროპული სკოლის ისტორიისა და  საზოგადოებრივ მეცნიერებათა კათედრის კვირეული 25 - 29 იანვარი 

გრიპის ეპიდემიის წინააღმდეგ ჩასატარებელი ზომების შესახებ საქართველოს გრიპის სეზონის გააქტიურების გამო, "ევროპულ სკოლაში" ინფექციებისა და განსაკუთრებით გრიპის ეპიდემიის პრევენციის მიზნით გამოიცა დირექტორის ბრძანება. 

"ევროპულ სკოლაში" სწავლა განახლდება 14 იანვარს, სკოლამდელი აღზრდის ცენტრში - 11 იანვარს.

2015-2016 სასწავლო წლის  I  სემესტრის  შედეგების  მიხედვით   "ევროპული სკოლის“ გრანტით  დაჯილდოვდნენ  შემდეგ მოსწავლეები: XII კლასი ანა კურტანიძე XI კლასი ანა ბაკურაძეანა გვერდწითელი ანა  ფანჯაკიძე სალომე  ჯოხაძე X კლასი გიორგი ლელუაშვილიგიორგი მაჭარაშვილი IX კლასი ხატია კილაძენინო კინტრაიაელისაბედ სააკაძე VIII კლასი ირაკლი ბეჟუაშვილილუკა კინტრაიანიკა კორძაძეზუკა ქევანიშვილითამარ ღაძაძე. ვულოცავთ მათ და ვუსურვებთ შემდგომ წარმატებებს!

"ევროპული სკოლის" X კლასის მოსწავლემ ანი ჯაფარიძემ მონაწილეობა მიიღო ქალაქ თბილისის მუნიციპალიტეტის მერიის განათლების, სპორტისა და ახალგაზრდულ საქმეთა საქალაქო სამსახურის "საქართველოს სასკოლო სპორტის ეროვნული ფედერაციის“ მიერ ჩატარებულ კონკურსში "თბილისური ფოტოისტორიები ანის მიერ თბილისის თემატიკაზე გადაღებული ფოტოები გამოიფინა გალერეაში SFUMATO. ჟიურის გადაწყვეტილებით ანიმ დაიმსახურა პირველი ადგილი, "ევროპულმა სკოლამ" კი ფულადი ჯილდო. ვულოცავთ ანის და ვუსურვებთ შემდგომ წარმატებას. 

საერთაშორისო ასოციაცია "საქართველოს ქალები მშვიდობისა და სიცოცხლისათვის“ 22 დეკემბერს კაფე "ჩარდახში“ წინასაახლაწლოდ ასოციაციის ბენეფიციარებს შეხვდა. ასოციაციის თავმჯდომარე  მაია კვეზერელი-კოპაძე ასოციაციის წევრ   ქალბატონებთან ერთად მოწვეულ სტუმრებს, რომელთაც საკუთარი თვითშემოქმედებით განსაკუთრებული ელფერი შესძინეს შეხვედრას, სასიამოვნო გარემოში გაუმასპინძლდა.    "ევროპულმა სკოლამ“ თავისი წვლილი შეიტანა აღნიშნულ საქველმოქმედო აქციაში. მოსწავლეებმა წინასწარ შეგროვილი სურსათით საახალწლო ნობათი  მოუმზადეს ასოციაციის ბენეფიციარებს და შეხვედრის ბოლოს გადასცეს.